२ तिमोथी 1:12 - डोटेली नयाँ करार

¹² तसइका लाग्दा म लगइ याँ झेलमि दुःख पाउना छु। तर म लाज माणनइन क्याकि म ख्रीष्टलाइ जाण्नउ जइमि मइले बिश्वास अर्या छु रे मलाइ पक्‍का छ कि ख्रीष्टले आफ्नो फर्कि आउन्या दिन सम्म तइको रक्षा अद्द सक्दाहान जो कुरणी उनले मलाइ दिया छ।

डोटेलि

¹² तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

२ तिमोथी 1:12 Referans Kwoze

२ तिमोथी 1:8

तबइकिलाइ हामरा प्रभुको बारेमि और मान्सनलाइ भण्नाइलाइ लाज जन माणउ, न त लाज माण्न्नु पणन्छ कि उनरो सेवा अर्या हुनाले म झेलमि छु। बरु तुइले परमेश्वरको सक्तिलाइ प्रयोग अददु पणन्छ रे सुसमाचारका निउति मेरो दु:खमी मसित सहभागी हो।

यहूदा 1:24

परमेश्वर तमनलाइ बचाउन सक्दाहान ताकि तमन पापमि जीवन बिताउनाइलाइ धोकामी जन पण। उन महिमित परमेश्वरले तमनलाइ निसकलङ्क रे आनन्दले भरिया बनाउनाइ तमनलाइ आफसित फिर्ता ल्याउन सक्दाहान।

१ पत्रुस 4:19

तबइकिलाइ जइले परमेश्वरले इच्छा अर्या अनसार दु:ख भोगन्छ, उइले तिननलाइ बनाउन्या परमेश्वरमि भरोसा राखि राख्दु पणन्छ। परमेश्वरले सदाइ आफले प्रतिज्ञा अर्या कुरणी पुरा अददाहान, तबइकिलाइ असल काम अरि राख।

२ तिमोथी 4:8

आब, प्रभुले स्वर्गमि मेरा निउति एक इनाम राख्या छन क्याकि मइले उनलाइ खुशी पाड्डया जीवन बिताया छु। प्रभु, जइले सबको ठीकसित न्याय अददाहान, उनले मलाइ इनाम त्यो दिन दिन्या हुन जब उन फर्कि आउन्याहुन। तर यो इनाम उनले मलाइ मान्तर होइन, तर तिनन सबलाइ दिन्या हुन जइले उनरो फर्कि आउन्या दिनकिलाइ उत्सुक भइबर पखिरइछन।

हिब्रु 7:25

तबइकिलाइ येशू बठेइ परमेश्वरका नजिक आउन्यालाइ उनले सदाइ बचाउन सक्दाहान। क्याकि तिननकी निउति मद्यस्थताको प्रार्थना चडाउनाइ उन सदाइ जिउना रनाहान।

१ तिमोथी 6:20

तिमोथी यो पक्‍का अर कि परमेश्वरले दिया काम तु अर। रे परमेश्वरलाइ महत्व नदिन्या रे दन्त्य काहानिमि छलफल अद्द्या रे त्यो शिक्षा जइले परमेश्वरको सत्य शिक्षालाइ बिरोध अरन्छ, जइलाइ तिननले गलत किसिमले “ज्ञान” भण्नाहान तइलाइ वास्ता जन अरइ।

रोमी 1:16

क्याकि ख्रीष्टका बारेमिको सुसमाचारमि म गर्व अद्दउ। क्याकि बिश्वास अद्द्या हरेकलाइ बचाउनाइ परमेश्वरले सक्ति प्रयोग अददाहान। पइल्ली यहुदि मान्सनलाइ रे पइ गैर-यहुदि मान्सनलाइ लगइ बचाउनाहान।

मत्ती 24:36

तर म कब फर्किन्या हु, यइको पक्‍का समय कसइलाइ था आथिन। न त स्वर्गदुत, न त, परमेश्वरको चेलो तर पिताले मान्तर तइ दिन जण्नाहान।

१ पत्रुस 1:5

रे तमरो बिश्वासको बठेइ, परमेश्वरले आफ्नो सक्ति बठेइ तमनलाइ सुरक्षित राख्द्या हुन जबसम्म तमनले सैतानको सक्ति बठेइ पुरा मुक्ति पाउनानु, जो ख्रीष्टको आगमनको दिनमि धेकाउनाइ तयार छ।

२ तिमोथी 1:18

प्रभुले न्यायका दिनमि ओनेसिफरलाइ आफ्नो माहान कृपा धेकाउन। तमन आफइ निक्केरि जाणन्छौ कि एफिसस सहरमि उइले मलाइ कति भौत सहयोग अर्यो।

फिलिप्पी 3:21

उनले जइ सक्तिको प्रभाबले सब कुरणीलाइ उनरो अधिनमी ल्याउन सक्दाहान, तसइ सक्तिले हामरा भौतिक शरीरलाइ आफ्नो महिमाको सरीरमि बदल दिनाहान।

२ तिमोथी 2:9

क्याकि म यो सुसमाचार प्रचार अद्दउ, म एक अपराधी जसेइ दुःख भोग्दाछु, याँ सम्मकि म झेलमि छु, तर परमेश्वरको बचन फइलाउनाइ बठेइ केइले लगइ रोक्द सक्दइन।

फिलिप्पी 3:10

म ख्रीष्टलाइ जण्न रे अनुभव अद्द चाहानउ। रे उनलाइ मर्या बठेइ जिउना बनाउन्या सक्ति अनुभव अद्द चाहानउ, रे उनरो मराइमि उन जसा भइबर उनरा दु:खमी सहभागी हुन सकु।

फिलिप्पी 3:8

क्याकि म मेरा प्रभु येशू ख्रीष्टलाइ जाण्न चाहानउ जो सब चिज भण्ना बहुमुल्य छन। म सब कुरणीलाइ बेकारका माण्नौ। जइकि निउति सब कुरणी छाडया छु, रे तिन सबलाइ फोहर कुरणी जसाइ बेकार माण्नउ, ताकि म पूरा रुपमी ख्रीष्टको हुन सकु।

१ कोरिन्थी 3:13

तर न्यायका दिनमि, आगाले हरेक मान्सको कामको स्तर धेकाउन्या हो। तइ आगाले मान्सका कामको मुल्य छ कि आथिन भणबर धेकाउन्या हो।

यूहन्नाले लेख्या सुसमाचार 17:15

तमले तिननलाइ संसार बठेइ लैजा भणि म प्रार्थना अद्दैन, तर तिननलाइ सैतान बठेइ सुरक्षित राख्दिया।

मत्ती 12:21

रे तिनमि गैर-यहुदिका मान्सनले आसा राख्द्या हुन।”

रोमी 9:33

जसेरि पबित्र सास्त्रमि लेखियाछ, “हेर, यरुशलेम सहरमि एक ढुङो राख्दउ, जइमि मान्सनलाइ ठेस लागन्छ, एक पखान, जइले मान्सनलाइ लोटाउछ, तर उनमी भरोसा राख्द्या कोइ सर्ममि पडिन्या आथिन।”

१ पत्रुस 4:16

तर कसइले ख्रीष्टियन भया हुनाले दु:ख भोगन्छ भण्या त उइले लाज जन माणौ तर ख्रीष्टियन भया हुनाले उइले परमेश्वरलाइ धन्यबाद देओस।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

हिब्रु 2:18

क्याकि उनले कष्ट भोग्यो रे परिक्षित भया, तबइकिलाइ उनले परीक्षामि पड्ड्या सबलाइ सहयोग अद्द जाण्नाहान।

१ थेसलोनिकि 2:16

गैर-यहुदिको उद्दार नहोस भणबर तिननसित बोल्लाइ हामलाइ रोक्दाहान। तिननले पापमि पाप थपदाहान जबसम्म अन्त्यमि परमेश्वरले तिननलाइ दण्ड दिनाइन्न। रे आब अन्त्यमि पक्‍कालगइ परमेश्वर तिननसित रिसाया छन रे दण्ड दिन्ना छन।

फिलिप्पी 1:20

मेरो उत्कट इच्छा रे आसा यो हो कि म लाजमि पड्या आथिन। तर पइल्ली मइले साहससित ख्रीष्टका बारेमि प्रचार अर्या जसोइ प्रचार अद्द सक्द्या हु। म बाचु अथवा मरु, म मेरो सारा अस्तित्वले ख्रीष्टलाइ लगातार आदर दिन्या हु।

प्रेरित 21:13

तर पावलले जबाफ दियो, “तमन क्याइ यिसेरी रोइबर मेरो मनलाइ छ्याउ छ्याउ पाड्डाछौ? क्याकि प्रभु येशूका नाउँकि निउति बादिबर झेलमि पड्डु मान्तर होइन, तर प्रभुकि निउति यरुशलेम सहरमि मददु लगइ तयार छु।”

प्रेरित 13:50

तर पावल रे बारनाबासका बिरोधमी यहुदि अगुवानले भक्त, आदर पाएइ स्वानिन रे सहरका ठुला ठुला मान्सनलाइ उरेयो, रे तिननलाइ आफ्नो इलाका बठेइ बाइर धपाइ दियो।

प्रेरित 13:46

तर पावल रे बारनाबासइले साहास अरिबर भण्यो, “परमेश्वरको बचन सब भण्ना पइल्ली तमनलाइ सुणाउन आवश्यक थ्यो। तमनले यइलाइ अस्वीकार अरिबर आफइलाइ अनन्त जीवनको अयोग्य बनाया हुनाले हाम आब गैर-यहुदि मान्सनका वाँ जानाउ।

प्रेरित 9:16

क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”

प्रेरित 7:59

जब तिननले स्तिफनसलाइ ढुंगाले हाण्न्नाथ्या, तब तिनले प्रार्थना अर्यो, “हे प्रभु येशू मेरो आत्मालाइ लिय।”

यूहन्नाले लेख्या सुसमाचार 6:44

मलाइ पठाउन्या पिताले उइलाइ मेरा वाँ आउन्या मन नदिन्ज्या सम्म कोइ मान्स मेरा वाँ आउन सक्दैन, मेरा वाँ आउन्या सबलाइ म संसारको न्यायको दिनमि जिउनो बनाउन्या छु।

लूका 23:46

जोरले कला हालिबर येशूले भण्यो, हे पिता, म मेरो आत्मा तमरा हात सुम्पनौ। इति भणबर उनले आफ्नो प्राण त्यागिदियो।

१ थेसलोनिकि 5:4

तर बिश्वासि भाइन हो, तमन यइ दुष्ट संसारका होइनु जो अन्धकार जसोइ छ तबइकिलाइ तमन अचम्ममि पाड्डया आथिनु जब प्रभुको फर्कि आउन्या दिन अचानक चोरकि जसेरि आउन्या हो।

लूका 10:12

म तमनलाइ भण्नउ, तइ दिन तइ सहरको भण्न्ना सदोम सहरको हालत सनसक्द्या हुन्या हो।”

मत्ती 7:22

भौत मान्सनले न्यायको दिनमि मलाइ भण्न्या हुन, प्रभु, प्रभु, हामले तमरा नाउँमि परमेश्वरको बचन बोल्या, तमरा नाउँमि भूत धपाया, रे तमरा नाउँमि भौत अचम्मका काम अर्या!

१ कोरिन्थी 1:8

हामरा प्रभु येशू ख्रीष्ट फर्कि आउन्या दिनमि तमन दोस रहित होउ भणबर परमेश्वरले तमनलाइ अन्त सम्म बिश्वासमि बालियो बनाउन्या हुन।

२ तिमोथी 1:14

हाममि भया पबित्र आत्माले परमेश्वरले तमनलाइ दियाको बचनको रक्षा अददाइ सहयोग अद्द्या हुन।

२ तिमोथी 1:16

प्रभुले ओनेसिफरसको घरानामि कृपा राखुन, क्याकि भण्या उइले मलाइ भेट्टाइ आया रे भौत बेर मलाइ उत्साह दियो, रे मलाइ याँ झेलमि आइबर भेट्टाइ लाज माणेइन।

तितस 3:8

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ। म चाहनउ कि तुइले बिश्वासिनलाइ सिकाउन्ज्या यिन कुरणीमि जोड दे, ताकि तिनन जइले परमेश्वरमि बिश्वास राख्या छन, तिननले असल काम अददाइलाइ आफ्नो ध्यान लाउन। यिन शिक्षा सबकिलाइ निका रे फाइदाका छन।