२ पत्रुस 2:1 - डोटेली नयाँ करार

¹ भौत समय अगाडी इस्राएलीका बिचमि धेकिया झुटा अगमबक्ता जसाइ, झुटा शिक्षक लगइ तमरा बिचमि धेकिन्या हुन। तिनन झुटा शिक्षामि फस्या हुन, जइले मान्सनलाइ ख्रीष्टमी बिश्वास अद्द बठेइ रोक्द्या हुन। यिन झुटा शिक्षकले ख्रीष्टलाइ आफ्ना मालिकका रुपमि स्वीकार अद्द समेत इन्कार अद्द्या हुन रे जइले तिननलाइ पापका सक्ति बठेइ छुटकारा दियो। इसेरि तिननले अचानक आफलाइ नष्ट पड्डया हुन।

२ पत्रुस 2:1 Referans Kwoze

मत्ती 7:15

“झुटा अगमबक्ता बठेइ होस अरि बस्या, तिनन इसा ब्वाँसा जसा हुन जो तमरा वाँ भेडाका भेसमि आउनाहान, मान्सन बिश्वास अद्दाहान कि उन भेडा हुन, तर साँच्चि तिन मान्सनलाइ हमला अद्दया डर लाग्द्या ब्वाँसा हुन।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।

२ तिमोथी 4:3

क्याकि इसो समय आउन्ना छ, जब तिननले सत्य शिक्षालाइ स्वीकार अद्द्या होइन्न, तर तिननले आफ्ना इच्छा अन्सार हिट्या हुन रे तिननले भौत शिक्षकका कुरणी सुणन्या हुन।

मत्ती 24:11

भौत झुटा अगमबक्ता आउन्या हुन, रे भौत मान्सनलाइ धोका दिन्या हुन।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

१ कोरिन्थी 11:19

तर पक्‍कालगइ, तमरा बिचमि फाटो हुनु पणन्छ, ताकि परमेश्वर बठेइ ग्रहण भया मान्सन को हुन भणबर चिन्न सकियोस!

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

तितस 3:10

यदि कोइ मान्सले बिश्वासिनमि फुट ल्याउन्छ भण्या उइसित कडा भइबर बोल रे इसो ब्यबहार जन अरइ भण। यदि उइले इसो अददु छाणेइन भण्या तइलाइ आजी चेतावनी दिय। तइ पछा आजी इसो अददु छाणेइन भण्या तु यिसा मान्स बठेइ टाडा बस्सु पणन्छ।

तितस 1:11

यिन मान्सनलाइ सिकाउन्या अनुमति जन दिय, क्याकि जब तिनन झुटा शिक्षा सिकाउनाहान जो सिकाउनु पड्डइन, तिननले पुराइ परिबारको बिश्वासलाइ नास अददाहान। तिनन पैसा पाउनाइलाइ यिसो झुटा शिक्षा दिनाहान।

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

१ कोरिन्थी 6:20

परमेश्वरले तमनलाइ मोल तिरिबर किन्यो, तबइकिलाइ तमरा सरीरमि परमेश्वरको महिमा अर।

मर्कुस 13:22

क्याकि झुटा ख्रीष्ट रे झुटा अगमबक्ता आउन्या हुन रे चिन्ह रे अदभूत काम धेकाउन्या हुन कि सक्यासम्म उन मान्सलाइ धोका दिन्या हुन, जइलाइ परमेश्वरले चुनीराइछ।

प्रकाश 5:9

तिनन थुमाका बारेमि यो नयाँ गीत गाउन्ना छन, जो येशू ख्रीष्ट हुन: “तमन किताब खोल्लाइ मोहर समाउन्या रे तोडया योग्यका छौ, क्याकि मान्सनले तमरो बलि दिया छन, रे तमरा मृत्युको रगतले तमले परमेश्वरको निउति हरेक कुल, भासा, मान्स रे जाति बठेइ मान्सनलाइ छुटकारा दियो।

प्रकाश 2:9

मलाइ था छ कि तमलाइ सताइया छ रे तम गरिब छौ। तर आत्मिक कुरणीमि तम साच्ची धनि छौ। म उनरो बारेमि जाण्नउ जो दाबि अददाहान कि तिनन यहुदि मान्सन हुन, तर आथिन। तिननले तमरा बारेमि ननिका कुरणी भण्नाहान, तर तिनन साच्ची एक समुहका सदस्य हुन जो सैतानको हो।

हिब्रु 10:29

यदि मोशाको कानुन अनसार सजाय तसोइ थ्यो भण्या, जइले परमेश्वरको चेलोलाइ तुच्छ माणन्छ तइलाइ सजाय और ठुलो हुन्छ। तइले परमेश्वरको चेलोलाइ खुट्टा तलमणी कुल्चया छ, जइको तइले आदर अद्दइन। तइले ख्रीष्टको रगतलाइ पबित्र माणनइन, जइ परमेश्वरले उनलाइ पबित्र बनाउनाइ निउति नयाँ करार सुरु अर्यो। तइले पबित्र आत्माको अपमान अर्यो, जइ बठेइ तइले अनुग्रह प्राप्त अर्याथ्यो।

कलस्सी 2:18

ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

मत्ती 10:33

तर यदि जइले लगइ मान्सलाइ भण्न डराउछ कि म तिनरो शिष्या हु, म लगइ स्वर्गमि हुन्या मेरा पितालाइ भणन्या हु कि तिनन मेरा शिष्या होइन।

प्रकाश 13:14

पइला राक्षसको सक्ति बठेइ अचम्मका कामका लाग्दा भौत मान्सनले दोसरा राक्षस बठेइ धोका पायो रे प्रभाबित भया। दोसरा राक्षसले मान्सनलाइ तरबारले घाइते भया तर निको भया पइलो जनावरको आराधना अददाइ मुर्ति बनाउनाइ भण्यो।

प्रकाश 2:13

मलाइ था छ कि तमन तइ सहरमि बसन्छौ जाँ सैतानले सासन अरन्छ। पइलगइ तमनले ममि बिश्वास अददाछौ। मलाइ यो लगइ था छ कि एन्टिपासलाइ कि भयाथ्यो जइले बिश्वासयोग्यसित मेरा बारेमि मान्सनलाइ भण्यो। तिननले एन्टिपासलाइ सैतानले सासन अद्द्या ठाउँमि मार्या बेला लगइ तमन मसित इमानदार भइरया।

यहूदा 1:18

तिननले भण्याथ्यो आखिरी दिनमि प्रभु रे उनरा मान्सनको ठट्टा अद्द्या हुन्या हुन। यिन मान्सनको जीवन आफनो अभिलासाले नियन्त्रण भया हुन्छ।

१ यूहन्ना 2:26

म तमनलाइ तिनन मण्डलि छाडिबर गया मान्सनका बारेमि चेतावनी दिन्नाछु जइले तमनलाइ झुटा शिक्षा बठेइ छल अद्दा छन।

१ पत्रुस 1:8

तमनले येशूलाइ कभइ धेक्या आथिनु, पइलगइ तमनले उनलाइ प्रेम अर्न्छौ। तमनले उनलाइ अइल धेक्दानु, तर तमनले उनमी बिश्वास अर्न्छौ। तबइकिलाइ तमन भौत खुशी छौ। तमन कति खुशी छौ भणिबर बर्णन अद्द्या सब्द आथिन।

एफिसी 1:7

ख्रीष्टको रगत बठेइ हामलाइ छुटकारा दियो। त्यो भण्या परमेश्वरले हामरो पापको क्षमा अर्या हो। परमेश्वरको अनुग्रह भौत महान छ जो उनले हामलाइ प्रसस्त दिया छ।

गलाती 5:20

मुर्तिपुजा, मन्त्रतन्त्र, दुश्मनी, झगडा, इर्ष्या, क्रोध, स्वार्थिपन, फुट, गुटबन्दि,

गलाती 4:17

तमनलाइ भ्रममि पाड्या मान्सनले तमनलाइ आफना पक्षमि ल्याउनाइ उत्सुक छन, तमरि निउति तिनरो उद्देश्य असल आथिन, तर तिनरो उद्देश्य तमनलाइ म बठेइ अलग अददु हो, ताकि तमन तिनरा शिष्य बन्न सक।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

लूका 21:8

उनले भण्यो, “होस अर, कि कसइले तमलाइ भ्रममि जन पाडउ। भौत जाना मेरा नाउँ प्रयोग अरिबर आउन्याहुन, रे तिननले भण्नाहान, म खिष्ट हु, रे बेला नजिकै आइरइछ, भणबर भण्न्या हुन। तिनरा पछा तमन जनलाग।

लूका 6:26

तमनलाइ भयानक दण्ड छ, जब सब मान्सनले तमरो प्रसंसा अद्दाहान। क्याकि इसेरि तमरा पुर्खाले झुटा अगमबक्तानलाइ प्रसंसा अर्याथ्यो।”

मत्ती 24:5

क्याकि भौत जाना मेरा नाउँ प्रयोग अरिबर आउन्या हुन, रे तिनन ‘म ख्रीष्ट हु’ भण्नाइ आउन्या हुन, रे भौतलाइ भ्रममि पाड्या हुन।

गलाती 3:13

तर ख्रीष्टले हामलाइ कानुनले दिन्या श्राप बठेइ छुटकारा दियो। जब ख्रीष्ट क्रुसमि मर्या, तब उनले हामरो पापको श्राप आफइमी लियो। क्याकि पबित्र सास्त्रमि लेखिया छ, “क्रुसमि मद्द्या हरेक श्रापित हुन्छ।”

१ कोरिन्थी 7:23

परमेश्वरले तमनलाइ मोल तिरिबर किन्यो, मान्सका नौकर जन बन, तर परमेश्वरका दास बन।

प्रकाश 3:8

मलाइ था छ तम कसा काम अर्न्छौ। मलाइ था छ कि तमनसित थोक्काइ सक्ति छ, पइलगइ मइले तमनलाइ भण्या कुरणी तमनले पालन अर्या छौ। तमनले ममि लगातार बिश्वास अर्या छौ। तबइकिलाइ मइले तमरा निउति एक ढोका खोल्या छु जइलाइ कसइले बन्द अद्द सक्दइन।

लूका 12:9

तर जइले मलाइ मान्सका साम्ने अस्वीकार अरन्छ, तइलाइ म मान्सको चेलोले परमेश्वरका स्वर्गदुतका अगाडी लगइ अस्वीकार अद्द्या हु।

१ तिमोथी 5:8

तर यदि कोइ आफ्नोइ नातेदारको रे बिसेस अरिबर आफनाइ परिवारको हेरचाह अद्दइन भण्या त तइले प्रस्ट धेकाउन्छ कि तइले ख्रीष्टमी बिश्वास अद्दइन रे बिश्वास नअद्दया भण्नालगइ खराब हुन्छ।

प्रकाश 6:10

पइ तिनन इसो भणबर जोरले परमेश्वरलाइ पुकार्यो, “हे पबित्र रे सत्य प्रभु, क्याकि तम पृथ्बीमि बस्सया तिन दुष्ट मान्सनलाइ सजाय दिनाइ इति लामो समय सम्म पर्खन्छौ? हाम तमलाइ बिन्ति अददाउ कि तमले हामलाइ हत्या अद्द्या मान्सको ब्यवहारको बदला लिया।”