Biblia Todo Logo
Bib sou entènèt

- Piblisite -




२ पत्रुस 1:8 - डोटेली नयाँ करार

8 यदि तमनले इसेरि भौत भण्ना भौत आफ्नो जीवन बिताया भण्या, तइले तमन हाम्रो प्रभु येशू ख्रीष्टलाइ काम लाग्द्या रे फलदायी किसिमले जाणन्या हौ।

Gade chapit la Kopi




२ पत्रुस 1:8
33 Referans Kwoze  

इति मान्तर होइन, तुइले बिश्वासिनलाइ सिकाइ राख्दु पणन्छ रे निको काम अददाइ लगातार मिहिनत अददु पणन्छ ताकि तिन मान्सनको खाचो पुरा अद्द सकुन जो अभावमि छन। तसो अर्या हुनाले तिननले अर्थपूर्ण जीवन बिताउन सक्द्या हुन।


सदाइ ख्रीष्टको बचनका बारेमि मनन अर, ताकि तइले तमरो काम रे बिचारलाइ नियन्त्रण अरउ। एकले-अर्खालाइ पुरा बुद्दिमानिसित सिका, चेतावनी दिय, रे आफ्ना हृदयमि परमेश्वरकीलाइ भजन, स्तुति रे आत्मिक गीत गा।


ममि भया हरेक फल नफल्ल्या हाङो उनले काटि फालदिनाहान रे फल फलाउन्या हरेक हाङालाइ तइले बडता फल फलाउ भणबर काटछाँट अद्दाहान।


मेरो प्रार्थना यो छ कि सत्यको ज्ञान रे बिबेकमी एक-अर्खाका निउति तमरो प्रेम झिक-झिक बडोइजाउ।


निष्कर्ष यो हो कि बिश्वासि भाइन हो, प्रभु येशूमि हाम तमनलाइ आग्रहपुर्वक बिन्ति अद्दाउ रे माग्दाउ कि परमेश्वरलाइ भौत खुशी बनाउन्या जीवन बिता, जसेरि हामले तमनलाइ सिकायाछौ। तमनले पइल्ली बठेइ इसेरि जीवन बितायाछौ, रे हामले तमनलाइ झिक बड्ता अददाइ उत्साह दिनाउ।


तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।


म प्रार्थना अद्दउ कि परमेश्वर रे येशू हामरा प्रभुको ज्ञानमि तमन बडिबर जा, रे परमेश्वरले तमनलाइ भौत भण्ना भौत अनुग्रह रे सान्ति दिउन।


म प्रार्थना अद्दउ कि बिश्वासिन सितको तेरो संगति बड्डसकउ, रे परमेश्वरले हामलाइ दिया सब असल चिज तमले बुज्ज सक। यो ख्रीष्टको महिमाकी निउति हुन सकउ।


बिश्वासि भाइन हो, हाम तमनका निउति परमेश्वरलाइ सदाइ धन्यबाद चडाउनाउ। यो अददु हामलाइ उचित छ क्याकि येशू ख्रीष्टमी तमरो बिश्वास झिक-झिक बड्डा छ, रे तमरो प्रेम एक-अर्खाकीलाइ झिक-झिक बड्डा छ।


येशू ख्रीष्टको स्वभाव तमनमि लगइ होउ,


तमन बिश्वासमि बलिया छौ कि आथिन भणि आफले आफइलाइ जाँचिबर हेर रे जाँच कि तमरो बिश्वास सत्य छ कि आथिन। तमन जाँचमि असफल भया आथिनु, यदि तमन जाणन्छौ कि येशू ख्रीष्ट तमनमि छन।


तमरो ख्रीष्टमी भया बिश्वास रुख जसोइ हुनु पणन्छ, जइका जडा भौत गइला जानाहान अथवा घर जसोइ हुनु पणन्छ, जइको जग पखानमि बनायाको छ। बिश्वासमि बलिया होउ जसेरि तमलाइ सिकाया छ रे सदाइ धन्यबादी होउ।


रे तिननले तमरि निउति भौत प्रेमसित प्रार्थना अद्दा छन, क्याकि परमेश्वरको असिम अनुग्रह तमनमि छ।


जब तिनन भौत कष्ट बठेइ परीक्षामि पण्या, तिनन भौत आनन्दित भया रे तिनन भौत गरिब भया लगइ तिननले उदार-चित्तले और बिश्वासिनलाइ सहयोग अददाइ दान दियो।


तइ बाहेक तिनरि अल्छी हुन्या बानि हुन्छ, घर-घर घुमीन्छिन। तिनन अल्छी मान्तर हुनिन्न तर अर्खाकि कुरणी काट्नछिन, रे और मान्सन काँ वाँ जाइबर तिननलाइ काम अद्दा बठेइ रोक्दाहान, रे भणनु नपड्डेइ कुरणी भणन्छिन।


हाम प्रार्थना अददाउ कि हामरा प्रभु येशूले एक-अर्खालाइ रे सब मान्सनसित प्रेम अददाइ सहयोग अरुन, प्रभुले तमरो प्रेमलाइ लाइ बडाउन जसेरि हामरो प्रेम तमनकीलाइ पइल्ली बठेइ छ।


तर जसेरि सब कुरणीमि तमन बडिबर गया छौ, त्यो भण्या बिश्वासमि, प्रचारमि अथवा सिकाउनामि, ज्ञानमि, सब जोसमि रे हाम प्रतिको तमरो प्रेममि, तसेरि गरिब बिश्वासिनलाइ दान दिन्या यइ काममी लगइ बड्डाइ जा।


कडा मेहेनत अर रे अल्छी जन अर। उत्साहित होइबर प्रभुको सेवा अद्दाइ जा।


तमन आफ्ना मनले परमेश्वरलाइ प्रेम अद्दान भणि मलाइ था छ।


तइका मालिकले तइलाइ जबाफ दियो, “दुष्ट रे अल्छी नौकर! तुलाइ थाहा थ्यो कि म कठोर मान्स हु। म बि बुनइन तर बालि जम्मा अद्दया आसा अद्दउ।


आजी उइले लगभग पाँच बजे तिर बाइर निकलिबर औरलाइ बेकाम कलिरया भेट्यो, रे तिननलाइ भण्यो, ‘तमन क्यालाइ याँ दीनभरि बेकाम कलिरइछौ?’


जब उ आजी ब्याहान लगभग नौ बजे तिर बाइर निकल्यो, उइले औरलाइ बजारमि बेकाम कलिरया धेक्यो,


जो बि काणाका बिचमि पण्या बोट तिनन जसो हो, जइले बचन सुणन्छ जीवनको आवश्यकताको फिक्री अरन्छ। तिनन संसारको फिक्री रे धन सम्पतिका लोपले अद्दा मुर्ख बन्नाहान। तबइकिलाइ तिननले परमेश्वरको बचनलाइ बिस्दाहान रे परमेश्वरको इच्छा अनसार जीवन जिउनाइन।


आब अनन्त जीवन यइ हो, कि तिननले तम, एक मान्तर सत्य परमेश्वरलाइ पछेणुन, रे तमले पठाया म, येशू ख्रीष्टलाइ पछेणुन।


क्याकि म मेरा प्रभु येशू ख्रीष्टलाइ जाण्न चाहानउ जो सब चिज भण्ना बहुमुल्य छन। म सब कुरणीलाइ बेकारका माण्नौ। जइकि निउति सब कुरणी छाडया छु, रे तिन सबलाइ फोहर कुरणी जसाइ बेकार माण्नउ, ताकि म पूरा रुपमी ख्रीष्टको हुन सकु।


हाम प्रार्थना अददाउ कि तमनले प्रभुलाइ सम्मान दिन्या ब्यबहार अद्द सक, रे प्रभुलाइ सब कुरणीमि प्रसन्न पाड्डया सक, रे तमनले लगातार सब किसिमका निको काम अद्द सक, रे परमेश्वरका बारेमि आजी बड्ता बुज्ज सक।


परमेश्वरले आफ्नो सक्ति बठेइ उनलाइ प्रसन्न बनाउन्या जीवन जिउनाइलाइ हामलाइ चाइया सब कुरणी दिया छ। यो सम्भब छ क्याकि हामले परमेश्वरलाइ चिन्नाउ रे उनइ हुन जइले हामलाइ आफ्नो महिमा रे नैतिक भलाइ बठेइ हामलाइ आफ्नो प्रजा हुनाइ बोलाया छ।


जब येशू ख्रीष्टलाइ आफ्नो प्रभु रे मुक्तिदाता भणबर मान्सनले चिन्नाहान तब तिनन संसारका दुष्टता बठेइ भाग्दाहान। तर आब तिनन आजी ननिका काम अददामि लाग्या छन रे तिन ननिका कुरणीले आब तिननलाइ नियन्त्रण अरन्छ, तबइकिलाइ आब तिननले ख्रीष्टलाइ अस्वीकार अर्या तिनरो पछाडिको हालत बिश्वासि हुनाहइ पइल्लिको भण्ना झिक खराब हुन्छ।


तर तमन लगातार हामरा प्रभु रे मुक्तिदाता येशू ख्रीष्टको अनुग्रह भौत भण्ना भौत अनुभव अददु पणन्छ, रे उनरा बारेमि तमरो बुजाइ बड्डु पणन्छ। उनलाइ अइल रे सदासर्वदा प्रसंसा होउ। आमेन।


Swiv nou:

Piblisite


Piblisite