२ यूहन्ना 1:1 - डोटेली नयाँ करार

¹ म, यूहन्ना मण्डलिको अगुवा यो चिठ्ठी परमेश्वरले चुनेकि महिला रे तिनरा चेला चेलीलाइ लेख्दाछु, जइलाइ म साच्ची प्रेम अददु रे म मान्तर होइन सत्यलाइ चिन्या सबले प्रेम अददाहान।

२ यूहन्ना 1:1 Referans Kwoze

१ यूहन्ना 3:18

तमन जो मेरा प्यारा बालक जसाइ छौ, हाम खाली सब्दले मान्त्तर जन भणु कि एक-अर्खालाइ प्रेम अददाउ, तर हामले खाचोमी भयालाइ साच्ची सहयोग अददु पणन्छ, जसेरि परमेश्वरले हामलाइ साच्ची प्रेम अददाहान।

१ तिमोथी 2:4

उनले सब मान्सन बच्या रे सत्यको ज्ञानमि आया चाहानान।

यूहन्नाले लेख्या सुसमाचार 8:32

तमनले सत्य जाण्न्या हौ रे सत्यले तमनलाइ स्वतन्त्र अराउन्या हो।”

२ यूहन्ना 1:5

आब हे महिला, म तमलाइ बिन्ति अद्दउ कि हामले एक अर्खालाइ प्रेम अददु पणन्छ। यो एक नयाँ आज्ञा होइन, तर जो शुरुको समय बठेइ हामलाइ थाथ्यो जब हामले ख्रीष्टलाइ अनुसरण अददु पस्या।

१ पत्रुस 5:1

म तमन ताँका मण्डलिका अगुवानलाइ लगइ केइ भणन्न चाहानउ क्याकि म लगइ तमन जसोइ एक अगुवा हु। म आफइले ख्रीष्टले भौत समय अगाडी पाया कष्ट धेक्या छु। जब उन आजी फर्कि आउन्याहुन, म लगइ उनरो महिमामि साजेदार हुन्या हु। आब म तमनलाइ आग्रह अद्दउ,

२ यूहन्ना 1:13

परमेश्वरले छानिएकि तमरि बहिनिका चेलाचेलिनले तमनलाइ अबिबादन पठाया छन।

१ यूहन्ना 2:21

तमन सत्यलाइ जाण्नाइनौ भणबर मइले लेख्या होइन, तर केइलगइ झुट शिक्षा परमेश्वरले प्रकट अर्या सत्य कुरणी बठेइ आउनइन भणि तमनले जाण्या हुनाले मइले तमनलाइ लेख्या हु।

१ पत्रुस 1:2

पिता परमेश्वरले पइल्ली तमनलाइ उनरा मान्स हुनाइ रे पबित्र आत्माको काम बठेइ तमनलाइ पबित्र बनाउनाइ चुन्नया निर्णय अर्याथ्यो। उनले इसो अर्यो ताकि तमनले येशू ख्रीष्टको आज्ञापालन अर रे उनरो रगत बठेइ सुद्द हुन सक। म प्रार्थना अद्दउ कि परमेश्वरले तमनलाइ प्रसस्त मात्रामि अनुग्रह रे सान्ति दिउन।

हिब्रु 10:26

हामले यिन काम अददु पणन्छ, क्याकि यदि हामले ख्रीष्टका बारेमि सुसमाचारको पुरा सत्यता था पाइबर लगइ हामले जाणी-जाणी पाप अर्या भण्या, हामरो पाप उठाइबर लइजानाइ निउति और केइ बलि आथिन।

गलाती 5:7

तमनले ख्रीष्ट सितको सम्बन्धमि भौत निको प्रगति अद्दाथ्या, कइले तमनलाइ सत्य पालन अद्दाइलाइ बाधा दियो?

गलाती 3:1

हे बहकाइया गलाती बासि हो, कसइले तमनलाइ धोका दिया हुनु पणन्छ। मइले तमनलाइ निक्केरि भण्या छु कि येशू ख्रीष्ट क्रुसमि मद्दया कारण कि थ्यो।

गलाती 2:14

तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”

गलाती 2:5

हामले तिननलाइ इन्कार अर्या रे तइ कुरणीमि एकइ बेरलाइ लगइ झुकेइन ताकि तमन सुसमाचारको सत्यतामि रन सक।

कलस्सी 1:5

तमरो बिश्वास रे प्रेम स्वर्गमि तमरि निउति राखिया आसामि आधारित छ। तमनले पइल्ली यइका बारेमि सुण्याछौ। जो येशू ख्रीष्टका बिसयमिको सत्य सन्देश सुसमाचारमि छ।

लूका 1:3

मइले लगइ साबधानि सित सब कुरणीको खोजी अर्या छु, रे तमरो निउति एक क्रम अन्सारको यिन घटनानको बिबरण लेख्दु मलाइ निको लाग्यो।

प्रेरित 11:30

तिननले तसोइ अर्यो, रे बारनाबास रे शाउलका हात बठेइ तिननले यरुशलेम सहरमि भया मण्डलिका अगुवानलाइ रुप्प्या पठाइदियो।

रोमी 16:13

परमेश्वर बठेइ छान्या प्रभुका सेवामि खास सेवक रुफस भाइ रे तइकि इजा, जो मेरी लगइ इजा जसि हुन, तिननलाइ अबिबादन दिय।

१ पत्रुस 5:13

तमन जसाइ परमेश्वर बठेइ चुनिया बेबिलोन सहरको बिश्वासीनले तमनलाइ अबिबादन पठाया छन। मर्कुसले लगइ तमनलाइ अबिबादन पठाया छन। जो मेरो चेलो जसोइ छन।

३ यूहन्ना 1:1

म, मण्डलिको अगुवा यूहन्ना यो चिठ्ठी मेरा प्रिय मित्र गायसलाइ लेख्दाछु जइलाइ म साँचो प्रेम अद्दउ।