२ कोरिन्थी 7:5 - डोटेली नयाँ करार

⁵ क्याकि हामले त्रोआस सहर छाडिबर याँ माकेडोनिया प्रदेसमि आया पछा लगइ हामलाइ केइ आराम मिलेइन तर चारै तिर बठेइ हामलाइ सङकष्ट आयाथ्यो, सबतिर झैझगडा, रे हामरो हृदयभित्र डरइडर थ्यो।

२ कोरिन्थी 7:5 Referans Kwoze

२ कोरिन्थी 2:13

तर ताँ मेरा बिश्वासि भाइ तीतसलाइ तमन बठेइ खबर लेया नभेट्या हुनाले मेरा मनमि सान्ति भएन। तबइकिलाइ त्रोआस सहरका बिश्वासिन बठेइ बिदा लिबर म माकेडोनिया प्रदेसमि तितसलाइ भेट्टाइ फर्किबर आया।

प्रेरित 20:1

यो हुलदङ्गा रोकिया पछा पावलले प्रभु येशूका शिष्यालाइ जम्मा अर्यो रे तिननलाइ उत्साह दिइबर बिदा भया, रे माकेडोनिया प्रदेसमि गया।

१ थेसलोनिकि 3:5

तबइकिलाइ तमनले कसेरी अरिराइछौ भणबर नथापाइबर म आब रनसक्दइन। परिक्षा अद्या सैतानले कसइ किसमले तमनलाइ परीक्षामि पाण्यो कि भणि रे हामरो परिश्रम व्यर्थै जालो कि भण्न्या डरले तमरो बिश्वास था पाउनाइलाइ मइले तिमोथीलाइ पठाए।

गलाती 4:11

मलाइ चिन्ता छ कि तमनले अद्दारया काम बठेइ, तमरा बिचमि अर्या मेरो सेबकाइ व्यर्थ भया छ।

२ कोरिन्थी 2:9

तबइकिलाइ तमनलाइ जाँच्चाइ रे मेरा आदेस माण्नाइ तमन आज्ञाकारी छौ कि छइनु भण्न्या था पाउनका निउति मइले तमनलाइ लेख्याथ्या।

२ कोरिन्थी 2:3

रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो।

१ कोरिन्थी 16:5

म माकेडोनिया प्रदेस गया पछा म तमनसित भेट्टाइ आउन्या हु, क्याकि म माकेडोनिया प्रदेशका बाटा होइबर जान्ना छु।

१ कोरिन्थी 15:31

बिश्वासि भाइन हो, हरेक दिन म मद्दया खतरामी छु। यो कुरणी लगइ सत्य हो, जसेरि म हामरा प्रभु येशूमि तमरा बारेमि घमण्ड अद्दया कुरणी सत्य हो।

रोमी 15:26

क्याकि यरुशलेम सहरमि हुन्या पबित्र जन रे जो गरिब छन, तिनकीलाइ माकेडोनिया प्रदेस रे अखैया क्षेत्रका मण्डलिका मान्सनले स्वइच्छाले केइ भेटी दिन्या निर्णय अर्याछ।