२ कोरिन्थी 7:3 - डोटेली नयाँ करार

³ तमनलाइ दोषि ठहर्याउनलाइ मइले यो भण्या होइन। क्याकि मइले अगाडीइ भणि दिया छु हामले पुरा हृदयले तमनलाइ याँ सम्म प्रेम अददाउ, कि हाम मर्या लगइ, बाच्या लगइ हाम अलग हुन्या आथिन।

२ कोरिन्थी 7:3 Referans Kwoze

१ थेसलोनिकि 2:8

तबइकिलाइ स्नेहसित तमरो चाहाना अरिबर हाम परमेश्वरको सुसमाचार मान्तर होइन, तर हामरो प्राण समेत तमनलाइ दिन तयार थ्या, क्याकि तमन हामरि निउति अति प्यारा भयाथ्या।

२ कोरिन्थी 13:10

तबइकिलाइ म तमरा वाँ आउना हइ पइल्ली म तमनलाइ यो कुरणी लेख्दाछु, ताकि प्रभुले मलाइ तमनलाइ दण्ड दिन्या अधिकार दिया छन भणि म तमनलाइ धेकाउन सकु। क्याकि म आफ्नो अधिकार प्रयोग अरिबर तमनलाइ बिश्वासमि बलियो बनाउन चाहानउ, नास अद्द चाहानइन।

२ कोरिन्थी 12:15

म आफइलाइ रे मसित भया सबै कुरणी लगइ दिनाइ म खुशी हुन्या हु, ताकि म तमनलाइ परमेश्वरको अनुकरण अददाइलाइ सहयोग अद्द सकु। म तमनलाइ भौत प्रेम अद्दउ, तर इसो लाग्नछ तमन मलाइ थोकाइ प्रेम अरन्छौ!

२ कोरिन्थी 11:11

क्याइ मइले तमरो पैसा लयइन? कि मइले तमनलाइ प्रेम नअर्या हुनाले इसो अर्या? परमेश्वर जाण्नाहान कि म तमनलाइ प्रेम अद्दउ।

२ कोरिन्थी 7:12

मइले यो गम्भीर चिठ्ठी अन्याय अद्द्या मान्सका लाग्दा लेख्या होइन, न त अन्यायमि पड्डया मान्सका लाग्दा हो, तर परमेश्वरका नजरमि हाम प्रति तमरो उत्साह कसो छ, त्यो तमनलाइ था होस भणबर मइले लेख्या हु

२ कोरिन्थी 3:2

तमन आफइ सबलाइ परमेश्वरकि निउति अर्या मेरो कामलाइ सिफारिस अद्द्या पत्र जसाइ हौ, जो हामरो हृदयमि लेखिया छ, रे हामले तमरा बिचमि अर्या असल काम सब मान्सनले चिन्न रे पड्ड सक्दाहान।

फिलिप्पी 1:7

तमन सबकिलाइ मइले इस्याँ सुच्चु ठीक छ, क्याकि म तमन सबलाइ भौत प्रेम अद्दउ, क्याकि म याँ कैदमी छु रे सुसमाचारको रक्षा रे यइलाइ सत्य साबित अद्दाइ दुएइ काममी तमन मसित परमेश्वरको अनुग्रहमी सहभागी भयाछौ।