Biblia Todo Logo
Bib sou entènèt

- Piblisite -




२ कोरिन्थी 6:4 - डोटेली नयाँ करार

4 तर यिन सब कुरणीमि हाम परमेश्वरका सेवकन हौ भण्न्या धेकाउनाउ, धैर्यतासित कष्ट, कठिनाइ, आपत बिपद सइबर,

Gade chapit la Kopi




२ कोरिन्थी 6:4
48 Referans Kwoze  

तबइकिलाइ ख्रीष्टका खातिर कमजोरीमी, बदनाममि, कठीनाइमी, सतावोटमि, आपतमी, म सन्तुष्ट रनउ। क्याकि जब म कमजोर छु तब म ख्रीष्टको सक्ति बठेइ बलियो हुनउ।


हाम सबतिर बठेइ कष्टित छौ, तर ब्याकुल भया आथिन। अन्यौलमि पाण्याछौ तर हाम कभइ हार माणनाइन।


भौत परिश्रम अर्या रे कष्ट सया, कति उनिला रातमि, भोक रे तिसमि बेर बेरि भोकमरिमि ठणनी रे नग्नतामि पण्या।


साँचो छान्या शिष्याका लक्षण पुरा धैर्यसित, चिन्ह, चमत्कार, रे सक्तिका काम बठेइ तमरा बिचमि प्रकट अरिएका थ्या।


नयाँ करारका सेवकन हुनाइ उनले हामलाइ खुबी दियो, यो पबित्र आत्माको करार हो, कानुनले जोड्या करार होइन। क्याकि लिखित मोशाको कानुन नमाणनु परिणाम मृत्यु हो, तर पबित्र आत्माले अनन्त जीवन दिनाहान।


अपोल्लोस को हो? पावल को हो? तिन सेवक मान्त्तर हुन, जइ बठेइ तमनले ख्रीष्टमी बिश्वास अर्या। परमेश्वरले हाम हरेकलाइ अद्दाइ दिया काम हामले अर्या।


कष्ट भोगन्ज्या धिरज राख्द्या मेरो सन्देशकिलाइ तमनले पालन अर्या, तबइकिलाइ म तमनलाइ सुरक्षित राख्दउ। यो परिक्षणको समय यइ संसारका सब मान्सनमि आउन्या हो।


म यूहन्ना, तमरो साथी बिश्वासि, हाम सब येशू ख्रीष्टको राज्यका भाग हौ, रे हाम सबइ दुःख कष्ट भोग्दाउ रे येशूका लाग्दा धीरजी भइबर सनु पणन्छ। परमेश्वरको बचन रे येशू ख्रीष्टको गवाहिका खातिर म पत्मोस भण्न्या टापुमि थ्या।


इसेरि हामलाइ ख्रीष्टका सेवक रे सुसमाचारको लुक्या भौत सत्यताको ब्याख्या अद्द्या भण्डारे परमेश्वरले हामलाइ बनाया छ भणन्या माणनु पणन्छ।


हामरा वलतिर पलतिर यिन मान्सनको बिश्वासको गबाहीको प्रसस्तता छ। तबइकिलाइ आस, हामरा बाटामि आइ पड्डया बाधा रे हामलाइ अल्‍जाइ राख्द्या पापलाइ हाम पन्सायाऔ रे हामरा सामने भया दौड धैर्यसित दौडौ।


तर जी भया लगइ तुइले सदाइ आफइलाइ नियन्त्रण अददु पणन्छ, रे दुःख भोग्दु पणन्छ। तुइले सुसमाचार प्रचार अद्दाइ कडा मिहेनत अददु पणन्छ रे परमेश्वरको सेवक भया हुनाले परमेश्वरले दिया सब काम पुरा अददु पणन्छ।


प्रभुको सेवक झगडालु हुनु हुनइन, तर उ हरेक सित दयालु, परमेश्वरको बचन ठीकसित सिकाउन सक्द्या रे मान्सनसित सहनशील हुनु पणन्छ।


तबइकिलाइ हामरा प्रभुको बारेमि और मान्सनलाइ भण्नाइलाइ लाज जन माणउ, न त लाज माण्न्नु पणन्छ कि उनरो सेवा अर्या हुनाले म झेलमि छु। बरु तुइले परमेश्वरको सक्तिलाइ प्रयोग अददु पणन्छ रे सुसमाचारका निउति मेरो दु:खमी मसित सहभागी हो।


तर तु, तिमोथी परमेश्वरको मान्स हइ, तुइले यो सब काम अद्दा बठेइ अलग हुनु पणन्छ, जो ठीक छ तइ मान्तर अददाइ हरेक प्रयास अर। परमेश्वरका नजकमि ठीक काम अर। ख्रीष्टमी बिश्वास अर। और मान्सनलाइ प्रेम अर। परमेश्वरको आज्ञा माणनाइलाइ कभइ हरेस जन होउ। और मान्सनसित नम्र होउ।


यदि तमनले यिन कुरणी बिश्वासि भाइनलाइ सिकाया भण्या तमन येशू ख्रीष्टका एक असल सेवक हुन्या हो, जो बिश्वासको सन्देसले बलिया बनाया छ रे त्यो असल शिक्षा जो तमनले माण्याछौ।


तर स्वानिनले बालकलाइ जन्म दिया बठेइ रे जबसम्म तिनन ख्रीष्टमी लगातार बिश्वास अर्यो भण्या, और मान्सनलाइ प्रेम अर्यो भण्या, रे सुद्द रे उचित किसिमले ब्यबहार अर्यो भण्या परमेश्वरले तिननलाइ बचाउन्या हुन।


बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।


तबइकिलाइ बिश्वासि भाइन हो, हामरा सारा दु:ख रे सतावटमी तमन आफना बिश्वासमि बलिया छउ भण्या सुणिबर हाम उत्साहित भयाछौ।


क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।


म प्रार्थना अद्दउ कि परमेश्वरले आफ्नो महान सक्तिले तमनलाइ भौत बलिया बनाउन ताकि तमन आनन्द रे धैर्यसित तमरा दुःख सहन सक।


कि तिनन ख्रीष्टका सेवक हुन? म झिक असल सेवक हु। पागलइ जसेरि म बोल्ला छु। मइले उइका भण्ना बरता परिश्रम अर्या। म उइका भण्ना बरता झेलमि भौत बेर पण्या। अनगिन्ती कोर्रा खाया, बेर बेरि मृत्युका मुखमि पण्या।


तमनसित रन्ज्या जब मलाइ पैसाको अभाब पण्याथ्यो म कसइको बोज भएन, क्याकि माकेडोनिया प्रदेस बठेइ आया भाइनले मेरो अभाब पुरा अरिदियो। तबइकिलाइ कसइ किसमले तमनमि बोज पणलो कि भणबर मइले आफइलाइ रोक्या, रे पछा आउन्या दिनमि लगइ रोक्द्या हु।


हेर, यइ परमेश्वरको इच्छा अनसारको शोकले तमनमि कसो-कसो परिबर्तन आया छ: इसो उत्साहले भरिया तत्परता, आफइलाइ निर्दोष तुल्याउनाइ इति ठुलो इच्छा, अन्याय प्रति इसो क्रोध, समस्या प्रति इसो साबधानि, मलाइ भेट्या इसो ठुलो इच्छा, सेवा प्रति इसो उत्साह, रे ननिक काम अद्दयालाइ दण्ड दिनाइ इसो तीव्रता। रे यइ बठेइ तमनले यो साबित अर्या छौ कि सब कुरणी असल रितिले अददामि तमनले केइलगइ कमी छाड्या आथिन।


हामरा कष्ट अइल थोकाइ छन रे लामो समय सम्म रन्या आथिन। क्याकि यिन कष्ट अनन्त महिमाकी निउति हुनाहान, त्यो यिन कष्ट भण्ना त आजी बरता छ।


हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।


हामले तमरा बिचमि आत्मिक बि रोप्या छु, तबइकिलाइ हामले तमन बठेइ भौतिक फाइदा उठाउनु पणन्छ भणन्या आसा अददु ठिकइ हो।


ख्रीष्ट प्रति इमानदार ठहरिया अपोल्लश भाइलाइ अबिबादन दिय। भाइ अरिस्तोबुलसका परिवारलाइ अबिबादन दिय।


जइले यइ किसिमले ख्रीष्टको सेवा अरन्छ, परमेश्वर तइसित खुशी हुनाहान रे मान्सनले लगइ तिनरा बारेमि असल भण्ना हान।


तर परमेश्वरले हामरि निउति उनरो प्रेम इसइमि धेकाउनाहान, कि हाम पापी छनाइ ख्रीष्ट हामरा निउति मर्या।


तमनलाइ थाइछ, मइले काम अरबर मलाइ रे मेरा साथिनलाइ चाहिन्या जरुरी कुरणी पुरा अरिदिया।


क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”


इस्राएल देशका मान्सन हो, यिन कुरणी सुण, नासरत गाउँका येशू यिसा मान्स थ्या, जइलाइ परमेश्वर बठेइ साबित अर्याथ्यो, त्यो अचम्मका काम, चमत्कारी काम रे चिन्ह परमेश्वरले येशू बठेइ अर्यो। तमन आफइ जाण्न्छौ, कि यो सत्य हो।


तमरो धैर्य बठेइ तमनले आफ्नो प्राण पाउन्या हौ।”


क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।


मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”


तर हामरा दुष्ट कामले परमेश्वरको धार्मिकतालाइ प्रकासमि ल्याउछ भण्या, हाम कि भण्नाउ? कि परमेश्वर रिसाउनु रे हामलाइ दण्ड दिनु गलत हो? (म मान्सले जसेइ तर्क अद्दउ।)


Swiv nou:

Piblisite


Piblisite