२ कोरिन्थी 3:12 - डोटेली नयाँ करार

¹² तबइकिलाइ हामरो इसो आसा भया हुनाले हाम भौत साहासी भयाछौ।

२ कोरिन्थी 3:12 Referans Kwoze

२ कोरिन्थी 7:4

तमनमि मेरो ठुलो भरोसा छ। तमनमि म भौत घमण्ड अद्दउ। म सान्त्वनाले परिपुर्ण छु। हामरा सब कष्टमी म भौत आनन्दित छु।

फिलिप्पी 1:20

मेरो उत्कट इच्छा रे आसा यो हो कि म लाजमि पड्या आथिन। तर पइल्ली मइले साहससित ख्रीष्टका बारेमि प्रचार अर्या जसोइ प्रचार अद्द सक्द्या हु। म बाचु अथवा मरु, म मेरो सारा अस्तित्वले ख्रीष्टलाइ लगातार आदर दिन्या हु।

प्रेरित 4:13

जब तिननले पत्रुस रे यूहन्ना साहससित बोल्या धेक्यो, रे यिन अनपड रे साधारण मान्स रइछन भणबर था पायो, तब तिनन अचम्म पड्या, रे यिन येशूसितइ रन्थ्या भण्न्या तिननले था पायो।

यूहन्नाले लेख्या सुसमाचार 16:29

उनरा शिष्याले भण्यो, “आब तम सफा बोल्लाछौ, कथामि होइन।

१ तिमोथी 3:13

जइले सेवकको काम नीकेरि अरन्छ, तिननले मान्सन बठेइ आदर पाउन्या हुन रे तिननले ख्रीष्ट येशूमि भया आफ्नो बिश्वास साहससित भणन सकद्या हुन।

१ थेसलोनिकि 2:2

हाम तमरा वाँ आउना हइ पइल्ली फिलिप्पी सहरमि भौत कष्ट भोग्या रे ताँका मान्सनले हामरो अपमान अर्या यिन सब कुरणी तमनलाइ थाइछ, रे थेसलोनिके सहरका मान्सनले घोर बिरोध अर्या लगइ हामरा परमेश्वरले हामलाइ नडराइबर तमनलाइ यो सुसमाचार प्रचार अद्दाइ सहयोग अर्याथ्यो।

कलस्सी 4:4

प्रार्थना अर, ताकि म ख्रीष्टको रहस्य सब मान्सनका अगाडी घोषणा अद्द सकु।

२ कोरिन्थी 10:1

म पावल तमरा अगाडी नम्र हुनउ, तर दुर हुन्तक तमन प्रति साहसि हुनउ! ख्रीष्टको नम्रता रे कोमलता बठेइ म तमलाइ बिन्ति अद्दउ।

२ कोरिन्थी 4:13

तर हाम प्रचार अद्द जारि राख्दाउ क्याकि हामले लगइ भजन लेखकका जसोइ बिश्वास राख्याछौ। भजन लेखकले भण्या थ्यो, “म परमेश्वरमि बिश्वास अद्दउ, तबइकिलाइ म बोल्या।”

१ कोरिन्थी 14:19

तर यदि म मण्डलिमा छु भण्या, म नसिक्या फरक फरक भासामि बोल्लइन, क्याकि तिननले नबुज्या हजारौ सब्द बोल्लु भण्ना त बरु, तिननले बुज्या पाँच सब्द बोल्लु रे सिकाउनु मेरी निउति असल हो।

प्रेरित 14:3

प्रभुका निउति साहससित बोल्लाइ भौत बेर सम्म पावल रे बारनाबास ताँइ रया। प्रभुले तिनन बठेइ चमत्कारी चिन्ह रे अचम्मका काम अराइबर तिननले यो साबित अर्यो कि यइ अनुग्रहका बारेमि तिनरो सन्देश साच्ची थ्यो।

प्रेरित 9:29

रे साहससित प्रभु येशूका बारेमि प्रचार अद्द पस्या, शाउलले ग्रीक भासा बोल्या यहुदि अगुवानसित वाद-बिबाद अर्यो, तर तिननले शाउललाइ माद्दाइ खोज्यो।

प्रेरित 9:27

तर बारनाबासले तिनलाइ आफसित छान्या शिष्याका वाँ लैया। पइ शाउलले प्रभु येशूलाइ बाटाइनि धेक्या रे प्रभु तिनसित बोल्या रे तिनले दमस्कस सहरमि साहससित येशूका बारेमि बचन प्रचार अरेइ कुरणी तिननलाइ भणिदियो।

यूहन्नाले लेख्या सुसमाचार 16:25

यिन कुरणी मइले तमनलाइ कथामि भणिराइछु। तर समय आउनाछ, जब म तमनसित आजी कथामि बोल्ल्या आथिन, तर पिताको बारेमि तमनलाइ सफासित बताउनउ।

यूहन्नाले लेख्या सुसमाचार 10:24

यहुदि अगुवानले उनरा चारै तिर जमा होइबर सोध्यो, “तम हामलाइ भौत समय सम्म दोधारमि राख्दाछौ। तम ख्रीष्ट हउ भण्या हामलाइ खुलस्त भणिदिय?”

२ कोरिन्थी 3:11

क्याकि यदि कानुनमी केइ समयकी निउति महिमा रन्छ भण्या, सदाइकि निउति रइरन्या नयाँ करारमी झिक कति ठुलो महिमा हुन्छ!

फिलिप्पी 1:14

म अइल झेलमि भया हुनाले भौत बिश्वासिन भाइन प्रभुमि साहसि भया छन रे साहससित परमेश्वरको बचन प्रचार अद्द सक्द्या भया छन।

फिलेमोन 1:8

म तमले कि अद्दु पड्डया हो तइ अद्दाइ आज्ञा दिनउ। म ख्रीष्टले दियाको अधिकारलाइ प्रयोग अरिबर यो अद्द्या आज्ञा दिन सकलो, तर म इसो अद्दइन। बरु, म तमलाइ सामान्य हिसाबले यो अर भण्न्ना छु क्याकि हाम एक-अर्खालाइ रे परमेश्वरका मान्सनलाइ प्रेम अद्दाउ। म पावल बुढो मान्सको रुपमि आब भण्न्ना छु, रे मलाइ कसइ मान्सले झेलमि हाल्या छ क्याकि म येशू ख्रीष्टको सेवा अद्दउ।