२ कोरिन्थी 12:15 - डोटेली नयाँ करार

¹⁵ म आफइलाइ रे मसित भया सबै कुरणी लगइ दिनाइ म खुशी हुन्या हु, ताकि म तमनलाइ परमेश्वरको अनुकरण अददाइलाइ सहयोग अद्द सकु। म तमनलाइ भौत प्रेम अद्दउ, तर इसो लाग्नछ तमन मलाइ थोकाइ प्रेम अरन्छौ!

२ कोरिन्थी 12:15 Referans Kwoze

१ थेसलोनिकि 2:8

तबइकिलाइ स्नेहसित तमरो चाहाना अरिबर हाम परमेश्वरको सुसमाचार मान्तर होइन, तर हामरो प्राण समेत तमनलाइ दिन तयार थ्या, क्याकि तमन हामरि निउति अति प्यारा भयाथ्या।

फिलिप्पी 2:17

जब मइले तमनलाइ सुसमाचार प्रचार अर्या तमनले प्रभु येशूमि बिश्वास अर्या रे आफ्नो जीवन बलिदानका रुपमि उनरा सेवामि दिया। तबइकिलाइ यदि मलाइ सुसमाचार प्रचार अर्या हुनाले तिननले मार्यो भण्या म तमन सबसित खुशी रे आनन्दित हुन्या हु।

२ कोरिन्थी 1:6

हामले दु:ख पाया भण्या यो तमरा सान्त्वना रे मुक्तिका निउति हो। हामले सान्त्वना पाया भण्या लगइ त्यो तमरा सान्त्वनाका निउति हो। रे तमनले धैर्यसित तिन दु:ख भोग्दु सकन्छौ जो दु:ख हामले भोग्दाउ, रे तमन लगइ तसइ सान्त्वना अनुभव अरन्छौ।

कलस्सी 1:24

क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।

२ तिमोथी 2:10

तबइकिलाइ म सब दुःख तिनरा फाइदाकिलाइ भोग्दउ जइलाइ परमेश्वरले चुन्या छन, ताकि तिननले लगइ येशू ख्रीष्टमी बिश्वास अद्द सकुन रे मुक्ति पाउन सकुन, रे त्यो आदर पाउन जो सदाइकिलाइ हुन्छ।

२ कोरिन्थी 2:3

रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो।

हिब्रु 13:17

तमरा अगुवाको आज्ञा पालना अर, रे तिनरा अधिनमी बस। क्याकि तिनरो काम तमरो आत्माको पहरा दिनु हो। तिननले तमरा बारेमि परमेश्वरलाइ लेखा दिनु पड्डया हो। तिनरो आज्ञापालन अर ताकि यइ काम तिननले आनन्दसित अरुन। उदास भइबर होइन, तब तमनले केइ फाइदा पाउन्या होइनु।

२ कोरिन्थी 12:14

आब तेसर्या तमरा वाँ आउनाइ म तयार छु। रे आजी म तमनसित आर्थिक सहयोग ग्रहण अद्दइन, क्याकि म तमरो सम्पत्ति होइन तर तमनइ लाइ चाहानउ। क्याकि इजा बा कि निउति चेला चेलिले होइन तर चेला चेलीका निउति इजा बाले जम्मा अद्दु पणन्छ।

२ कोरिन्थी 12:9

तर मलाइ उनले भण्यो “मेरो अनुग्रह तेरा निउति कतिब छ, क्याकि मेरो सक्ति कमजोरीमी सिद्द हुन्छ।” तबइकिलाइ ख्रीष्टको सक्ति ममि बास अरउ भणबर म बरु मेरा कमजोरीमी बढी खुसिसाथ गर्व अद्द्या हु।

२ कोरिन्थी 1:14

जसेरि तमनले अइल हामलाइ केइ मान्तर बुज्या छौ, तसेरि हामरा प्रभु येशू फर्किबर आउन्जया तमनले हामलाइ पूर्ण रुपले बुज्या हौ, रे हामले तमरा बारेमि घमण्ड अर्या जसेरि तमनले लगइ हामरा बारेमि घमण्ड अद्द सकन्छौ।

२ कोरिन्थी 7:3

तमनलाइ दोषि ठहर्याउनलाइ मइले यो भण्या होइन। क्याकि मइले अगाडीइ भणि दिया छु हामले पुरा हृदयले तमनलाइ याँ सम्म प्रेम अददाउ, कि हाम मर्या लगइ, बाच्या लगइ हाम अलग हुन्या आथिन।

गलाती 4:10

तमन गैर-यहुदि मान्सन यो सोचिबर तिथि, महिना, ऋतु रे बर्ष माणन्छौ कि यइले परमेश्वरलाइ खुशी बनाउन्छ।

रोमी 9:3

मेरा यहुदि भाइन रे बइनिन जो मेरा जातिका हुन, तिननकी निउति मइले आफइलाइ परमेश्वर बठेइ दोस लाइनु रे ख्रीष्ट बठेइ अलग हुनाइ लगइ तयार भया।

२ कोरिन्थी 7:2

हामलाइ तमरा पुरा हृदयले प्रेम अर। हामले कसइको खराबी अर्या आथिन। हामले कसइलाइ भ्रष्ट पाण्या आथिन। हामले कसइ मान्स बठेइ फाइदा उठाया आथिन।

२ कोरिन्थी 11:11

क्याइ मइले तमरो पैसा लयइन? कि मइले तमनलाइ प्रेम नअर्या हुनाले इसो अर्या? परमेश्वर जाण्नाहान कि म तमनलाइ प्रेम अद्दउ।

२ कोरिन्थी 4:12

तसइउइले हाम मृत्युका खतरामी बाँच्याछौ तर यइले तमनकीलाइ अनन्त जीवन लेया छ।