२ कोरिन्थी 11:20 - डोटेली नयाँ करार

²⁰ क्याकि यदि कसइ मान्सले तमनलाइ नौकर बनाउछ अथवा तमनलाइ आफ्नो सिकार बनाउछ अथवा तमन बठेइ फाइदा उठाउछ अथवा धाक लाउन्छ अथवा तमनलाइ मुखमि थप्पडी लाउछ भण्या लगइ तमन सब सन्या रइछौ।

२ कोरिन्थी 11:20 Referans Kwoze

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 5:1

ख्रीष्टले हामलाइ स्वतन्त्र बनायो ताकि हाम मोशाको कानुन पालन अद्दा बठेइ स्वतन्त्र हुन सकु। तबइकिलाइ पक्‍का हो कि तमनले आफ्नो स्वतन्त्र जोगाइ राख। आफलाइ आजी मोशाको कानुन पालन अरिबर अधिनमी हुन जन दिय।

गलाती 4:9

तर आब तमरो परमेश्वरसित सम्बन्ध छ, अथवा मइले भणनु पणन्छ कि उनले हामलाइ उनरा सन्तानका रुपमि स्वीकार अर्याछ। आजी क्याकि तमन कमजोर रे बेकामका शिक्षाका अधिनमि हुनाइ फर्कन्छौ? कि तमन आजी तिन कुरणिका अधिनमी हुन चाहन्छौ?

गलाती 4:3

यिसेरी हाम बालक जसाइ हुन्ज्या हाम लगइ यइ संसारमी भया चालचलन रे कानुनका अधिनमी थ्या।

२ कोरिन्थी 1:24

तमरो बिश्वासमि हाम अधिकार जमाउन चाहानाइन, तर तमरा आनन्दकी निउति तमनसित मिलिबर काम अद्दाउ। क्याकि आफ्नो बिश्वासमि तमन स्थिर छौ।

लूका 6:29

तेरा एक गलामि चट्काउन्यालाइ अर्खो गला लगइ थाप्दे, रे जो तेरो पिछौरो लइजान्छ भण्या तइलाइ तेरो लत्ता लगइ लइजानदे।

१ थेसलोनिकि 2:5

तमनलाइ था छ कि हामले तमनलाइ निकी कुरणी अरिबर कभइ खुशी बनाउन्या कोशिस अरेइन, न त पैसा पाउनाइ हामले इसो अर्या। क्याकि हाम लोपि आथिन। परमेश्वर हामरा साक्षि छन कि हामले तसो ब्यबहार अरेइन।

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

गलाती 6:12

यहुदि मान्सनलाइ खुशी पड्डाइ तिननले तमनलाइ खतना अददाइ दबाब दिनाहान। तिननले यिसो अर भण्नाहान, ताकि मान्सनले येशू ख्रीष्ट क्रुसमि मर्या भणन्या कुरणीमि बिश्वास अरिबर मान्तर उद्दार पाइन्छ भणन्या प्रचार अर्यामी जन सताउन।

गलाती 5:10

तर म प्रभुमि बिश्वास अद्दाछु कि उनले तमनलाइ झुटा शिक्षामि बिश्वास अद्दा बठेइ रोक्दया हुन। तर तमनलाइ अलमलयाउन्या जो भया लगइ, तइले परमेश्वर बठेइ दण्ड पाउन्या हो।

गलाती 4:25

अरब देशमि भया सीनै पर्बत अइल यरुशलेम सहरका मान्सन जसोइ हो। क्याकि हागार रे तइका सन्तान मोशाको कानुनको दासत्वमि बस्साहान।

१ कोरिन्थी 4:11

आज सम्म हाम भोका रे तिसाछौ, रे पुराना फाट्या लत्ता लायाछौ, चुटाइ खान्नाछौ रे हामरो घर आथिन।

मर्कुस 12:40

तिनन धोका दिइबर बिधवाका घरको सब सम्पति लइनाहान, रे तिनन मान्सलाइ आफ निको हु धेकाउनाइलाइ सार्वजनिक ठाउँमि लामा-लामा प्रार्थना अद्दाहान, यिसा मान्सलाइ परमेश्वरले पक्‍का आजी बड्ताइ दण्ड दिन्या हुन।”

२ कोरिन्थी 10:5

परमेश्वरका ज्ञानका बिरोधमी आउन्या बहस रे हरेक अहंकार बठेइ आउन्या हरेक बाधालाइ हाम नास अद्दाउ, रे हरेक बिचारलाइ ख्रीष्टको आज्ञापालन अद्दाइलाइ बसमि पाड्डाउ।

२ कोरिन्थी 11:3

तर जसेरि सैतान स्यापका रुपमि आफना चलाकिले पइल्ली आइमाइ हव्वालाइ छल्यो, तसेरि तमरा बिचारले छ्लल्या हो रे तमनले ख्रीष्टको आदरमि आफ्नो पुरा रे सुद्द भक्ति अद्द छाड्डया हौ भणबर मलाइ डर लाग्या छ।

२ कोरिन्थी 12:16

तमनलाइ था छ कि मइले तमनसित आर्थिक सहयोग मागेइन, यो ठिकइ हो, तर औरले सोच्चाहान मइले चलाकि अरिबर तमनलाइ धोका दिया, यो झुटि हो।