२ कोरिन्थी 11:15 - डोटेली नयाँ करार

¹⁵ तबइकिलाइ यो केइ अनौठो कुरणी होइन कि तइका दासले लगइ धार्मिकताका दासका रुपमि आफ्नो भेष बदल्लाहान। तिनरो अन्त्य तिनरा काम अन्सार हुन्छ।

२ कोरिन्थी 11:15 Referans Kwoze

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

प्रकाश 9:11

तिनरो एक राजा छ जइले तिननमि सासन अददाछ, जो अतल कुण्डको दुत हो। हिब्रु भासामि तइको नाउँ एबाड्डोन रे ग्रीक भासामि तइको नाउँ अपोल्लियोन हो, जइको अर्थ उ जसले नष्ट पणन्छ।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

२ कोरिन्थी 3:9

क्याकि दोषि ठर्याउन्या, कानुन महिमामय थ्यो भण्या, मान्सनलाइ परमेश्वरका अगाडी धर्मि ठर्याउन्या नयाँ करार झिक बडता महिमामय हुन्छ!

प्रेरित 13:10

“तु सैतानको चेलो, सारा धार्मिकताको दुस्मन, सब छल रे दुष्टताले भरिया। कि तु प्रभुको सोजो बाटो बाङो बनाउन छाड्डैनि?

प्रकाश 13:14

पइला राक्षसको सक्ति बठेइ अचम्मका कामका लाग्दा भौत मान्सनले दोसरा राक्षस बठेइ धोका पायो रे प्रभाबित भया। दोसरा राक्षसले मान्सनलाइ तरबारले घाइते भया तर निको भया पइलो जनावरको आराधना अददाइ मुर्ति बनाउनाइ भण्यो।

प्रकाश 13:2

मइले धेक्याको त्यो राक्षस चितुवा जसोथ्यो। तइका खुट्टा भालुका जसा थ्या रे तइको मुख सिंहको जसोथ्यो। तइ अजिङ्गरले आफ्नो सक्ति तइ राक्षसलाइ दियो रे उइलाइ सासन अद्द्या अधिकार दियो।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।

एफिसी 6:12

क्याकि हामरो लडाइ मान्सनका बिरोधमी होइन, बरु सासकका बिरोधमी, अधिकारीका बिरोधमी, यइ अन्धकार संसारका सक्तिका बिरोधमी रे सब किसिमका दुष्ट सक्तिसित हो, जो अदृष्य संसारमी छन।

२ कोरिन्थी 11:23

कि तिनन ख्रीष्टका सेवक हुन? म झिक असल सेवक हु। पागलइ जसेरि म बोल्ला छु। मइले उइका भण्ना बरता परिश्रम अर्या। म उइका भण्ना बरता झेलमि भौत बेर पण्या। अनगिन्ती कोर्रा खाया, बेर बेरि मृत्युका मुखमि पण्या।

२ कोरिन्थी 11:13

क्याकि इसा मान्सन येशू ख्रीष्टका साचो छान्या शिष्या होइन रे छलि काम अद्द्या हुन रे येशू ख्रीष्टका छान्या शिष्याका भेष लिइबर हिट्टया मान्त्तर हुन।

१ कोरिन्थी 9:11

हामले तमरा बिचमि आत्मिक बि रोप्या छु, तबइकिलाइ हामले तमन बठेइ भौतिक फाइदा उठाउनु पणन्छ भणन्या आसा अददु ठिकइ हो।

रोमी 2:6

परमेश्वरले हरेक मान्सलाइ उइका काम अन्सार प्रतिफल दिन्या हुन।

रोमी 3:8

हामले भण्या यिन कुरणी बठेइ केइ मान्सले हामलाइ दोस लाउन सक्दाहान, “हाम ननिका काम अददाउ ताकि यइ बठेइ केइ असल हुन सकउ।” जो मान्सनले मेरा बारेमि यिसा कुरणी भण्ना हान तिन मान्सन दण्ड पाउन्या योग्यका छन।