२ कोरिन्थी 10:5 - डोटेली नयाँ करार

⁵ परमेश्वरका ज्ञानका बिरोधमी आउन्या बहस रे हरेक अहंकार बठेइ आउन्या हरेक बाधालाइ हाम नास अद्दाउ, रे हरेक बिचारलाइ ख्रीष्टको आज्ञापालन अद्दाइलाइ बसमि पाड्डाउ।

२ कोरिन्थी 10:5 Referans Kwoze

हिब्रु 4:12

परमेश्वरको बचन त काम अरीराख्द्या रे जिउनो छ। यो दुइधारे तरबार भण्नालगइ बड्ता लगाउ छ। यइले भितर पुरा प्राण रे आत्मालाइ छुट्याइ दिन्छ। जोर्नी रे मज्जालाइ अलग पाणिदिन्छ। परमेश्वरका बचनले मान्सनका हृदयको बिचार रे चाहानालाइ केलाइबर जाँच अरन्छ।

रोमी 7:23

तर मेरा शरीरका अंगमी अर्खा नियमले मेरा हृदयमि भया नियमसित युद्द अरन्छ, रे मेरा शरीरका अंगमी भया पापका नियमले मलाइ पापको अधिनमी पाणन्छ।

मत्ती 15:19

क्याकि ह्रदय बठेइ परमेश्वरको बिरुद्द खराब बिचार, परस्त्रीगमन, व्यभिचार, हत्या, चोरी, झुटो गवाही रे निन्दा बाइर निकलन्छ।

रोमी 1:21

क्याकि परमेश्वरलाइ पछेणिबर लगइ तिननले परमेश्वरलाइ दिनु पड्ड्या आदर दिएइन्न, न त धन्यबाद चडायो, तर तिनन आफना बिचारमी बेकाम छन, रे तिनरा मुर्ख बिचार सब गलत छन।

१ कोरिन्थी 3:19

क्याकि संसारका नजरमि बुद्दिमान कुरणी परमेश्वरका अगाडी मुर्खता हो। क्याकि पबित्र सास्त्रमि लेखिया जसोइ हो, “केइ मान्सनले सोच्चाहान कि तिनन बुद्दिमान छन, तर परमेश्वरले तिननलाइ हाराउनाइ तिनरा बुद्दिमान बिचार प्रयोग अददाहान।”

१ कोरिन्थी 1:19

क्याकि पबित्र सास्त्रमि परमेश्वरले भण्नाहान, म तिन मान्सनका सोचलाइ धेकाउन्या हु जइलाइ यइ संसारका मान्सनले सोच्चाहान कि तिनन बुद्दिमान छन तर साच्ची तिनरा सोच मुर्ख छन। म यो साबित अद्द्या हु कि तिनन साच्ची चलाक आथिन।

हिब्रु 5:9

उन पुरा सिद्द बनाइया पछा उनरो आज्ञापालन अद्द्या मान्सनकि निउति उन अनन्त मुक्तिको मुल भया।

१ पत्रुस 1:22

क्याकि तमन सत्य पालन अरिबर सुद्द भयाछौ, आब तमनले निष्कपट रुपले आफ्ना संगि बिश्वासि भाइनलाइ प्रेम अददु पणन्छ, रे एकले अर्खालाइ पुरा हृदयले भौत प्रेम अददु पणन्छ।

२ थेसलोनिकि 2:8

तइ पछा त्यो खराब मान्स धेकिन्या हो। तर जब प्रभु येशू फर्कि आउन्याहुन, उनले त्यो खराब मान्सलाइ आफ्ना आदेसले रे उनले तइलाइ आफ्ना महिमाले पूरारुपमी सक्तिहिन बनाउन्या हुन, त्यो महिमा जो उनले आफ फर्कि आउन्ज्या धेकाउन्या हुन।

लूका 1:51

उनले आफ्नो महान सक्ति महान काम अद्दाइलाइ प्रयोग अरिराइछ। उनले घमण्डिलाइ तितर बितर पाडिदिराइछ।

२ थेसलोनिकि 2:4

तइले परमेश्वर रे सब झुटा देबता रे और जइलाइ लगइ मान्सनले आराधना अददाहान, तिनन सब भण्ना आफइलाइ ठुलो माणन्छ। याँ सम्मकि त्यो खराब मान्स परमेश्वरका मन्दिरमि बसन्छ रे आफइलाइ परमेश्वर हु भणि सबलाइ भणन्छ।

२ कोरिन्थी 9:13

यइ दिन्या सेवाले तमन सत्य हौ भणबर प्रमाणित अरिबर भौत मान्सन परमेश्वरको प्रसंसा अददाहान, क्याकि तमन ख्रीष्टको सुसमाचार सत्य हो भणबर बिश्वास अरन्छौ रे तमन गरिब बिश्वासिनलाइ रे और बिश्वासिनलाइ उदारतासित दिबर यइलाइ पालना अरन्छौ।

रोमी 16:26

तर आब अनन्तका परमेश्वरको आज्ञा अन्सार अगमबक्ताले लेख्या कुरणी बठेइ धेकाइया रे जनाइया छ, ताकि सब जातिले बिश्वास अरुन रे आज्ञापालन अरुन:

रोमी 1:5

येशू ख्रीष्टका लाग्दा परमेश्वरका अनुग्रहले मइले येशू ख्रीष्टको छान्या शिष्याको काम पाया। ताकि सब जातिका मान्सनले ख्रीष्टमी बिश्वास अरुन रे उनरो आज्ञापालन अरुन। यइले उनरा नाउलाइ आदर मिलल्या हो।

१ पत्रुस 1:2

पिता परमेश्वरले पइल्ली तमनलाइ उनरा मान्स हुनाइ रे पबित्र आत्माको काम बठेइ तमनलाइ पबित्र बनाउनाइ चुन्नया निर्णय अर्याथ्यो। उनले इसो अर्यो ताकि तमनले येशू ख्रीष्टको आज्ञापालन अर रे उनरो रगत बठेइ सुद्द हुन सक। म प्रार्थना अद्दउ कि परमेश्वरले तमनलाइ प्रसस्त मात्रामि अनुग्रह रे सान्ति दिउन।

२ कोरिन्थी 11:20

क्याकि यदि कसइ मान्सले तमनलाइ नौकर बनाउछ अथवा तमनलाइ आफ्नो सिकार बनाउछ अथवा तमन बठेइ फाइदा उठाउछ अथवा धाक लाउन्छ अथवा तमनलाइ मुखमि थप्पडी लाउछ भण्या लगइ तमन सब सन्या रइछौ।

फिलिप्पी 4:7

तब परमेश्वरले तमनलाइ सान्ति दिन्या हुन। यो सान्ति मान्सनको समज भण्ना बाइर छ। यइ सान्तिले तमरो हृदय रे मनलाइ येशू ख्रीष्टमी जोगाइबर राख्द्या हो।