२ कोरिन्थी 1:9 - डोटेली नयाँ करार

⁹ हाम पक्‍का मारिन्या हौ जसो हामलाइ लाग्याथ्यो। हाम आफइमी होइन तर मर्यालाइ जिउना बनाउन्या परमेश्वरमि हाम भर पड्ड सकु भणबर इसो भया रइछ।

२ कोरिन्थी 1:9 Referans Kwoze

२ कोरिन्थी 3:5

केइलगइ काम हाम आफइले अद्द सक्द्या खुबी हाममि छ भणन्या हाम भण्नाइन। तर परमेश्वरले हामलाइ यो खुबी दिनाहान।

हिब्रु 11:19

परमेश्वरले मान्सलाइ मर्या बठेइ आजी जिउना बनाइ सक्दाहान भण्नेइ कुरणी अब्राहामले सोच्यो, रे एक किसिमले, उनले इसहाकलाइ मर्या बठेइ जिउनो भया जसोइ आजी पायो।

२ कोरिन्थी 4:7

रे आब हामरो हृदयमि हामसित भया यो ज्योति चम्किरइछ, तर हाम आफइ बहुमुल्य धन भया कमजोर (सजी फुट्या) माटिका भाडा जसाइ छौ। यइले यो धेकाउन्छ कि ठुलो सक्ति हाम बठेइ होइन तर परमेश्वर बठेइ हो।

लूका 18:9

आफना बारेमि सोच्यावाला रे आफइलाइ धर्मि माणिबर औरलाइ तुच्छ माण्न्या केइ मान्सनलाइ उनले यो काहानि सुणायो:

रोमी 8:36

जसेरि पबित्र सस्त्रामि लेखिरइछ: “तमरा खातिर हाम दीनभरि मारिनाउ, काटिन्या भेडा जसा हाम गणिरइछौ।”

२ कोरिन्थी 1:8

बिश्वासि भाइन हो, हामले एसिया प्रदेशमि भोग्या दु:खका बिसयमि तमनले था पाया म चाहानउ, क्याकि हाम पुरा किसमले बोजले दबिया थ्या त्यो बोज हामले सन नस्क्द्या थ्यो, रे हामले सोच्या कि यइ बठेइ हाम कभइ बाच्च सक्दाइन।

२ कोरिन्थी 1:10

उनले हामलाइ मृत्युको भयानक जोखिम बठेइ बचायो रे उनले हामलाइ बचाउन्या हुन। उनइमि हामले हामरो भरोसा राख्याछौ, कि उनले हामलाइ आजी लगइ बचाउन्या हुन।