4 उनले हामरा हरेक कठीनाइमी हामलाइ सान्त्वना दिनाहान। ताकि परमेश्वरले हामलाइ सान्त्वना दिएकि जसेरि हाम और मान्सनलाइ सान्त्वना दिन सकु।
तबइकिलाइ एक-अर्खालाइ उत्साह दिय, रे एक-अर्खालाइ ख्रीष्टमी बलियो बिश्वास अददाइ सहयोग अर जसो तमन अद्दा लगइ छौ।
तबइकिलाइ थग्या हात उठा, रे काम्दार्या गोडा बलिया बना।
म तमनलाइ टुहुरा छाड्या आथिन। म तमनका वाँ आजी आउन्या हु।
रे म पितासित प्रार्थना अद्दउ, रे उनले तमनलाइ अर्खो साहायक दिन्या हुन, रे उन तमनसित सदासर्वदा रन्या हुन।
तर सायता अद्द्या अर्थात पबित्र आत्मा, जइलाइ पिताले मेरा अधिकारमि पठाउनाछन, पबित्र आत्माले तमनलाइ सब कुरणी सिकाउन्या हुन मइले तमनलाइ भण्या सब कुरणी तमनलाइ सम्जना अराउन्या हुन।
तबइकिलाइ एक-अर्खालाइ यिन बचनले उत्साह दिय।
तबइकिलाइ हाम उत्साहित छौ। उत्साह बाहेक बिसेस अरिबर हाम तीतसका आनन्दलाइ हेरिबर खुशी छौ, क्याकि तमन बठेइ तिनले उत्साह पाया छन।
म अइल झेलमि भया हुनाले भौत बिश्वासिन भाइन प्रभुमि साहसि भया छन रे साहससित परमेश्वरको बचन प्रचार अद्द सक्द्या भया छन।
तमनमि मेरो ठुलो भरोसा छ। तमनमि म भौत घमण्ड अद्दउ। म सान्त्वनाले परिपुर्ण छु। हामरा सब कष्टमी म भौत आनन्दित छु।