१ तिमोथी 6:21 - डोटेली नयाँ करार

²¹ केइ मान्सनले झुटो ज्ञानलाइ स्वीकार अर्या छन, रे तसोइ अरिबर आब बठेइ तिननले साँचो शिक्षामि बिश्वास अद्दाइन्न। म प्रार्थना अद्दउ कि परमेश्वरको अनुग्रह तमन सबसित होइरउ।

डोटेलि

²¹ क्‍यालाइकि कति जना यसा कुरामि लागिबर बिस्‍वासबटहइ पाछा हट्‍याछन्‌ तमु सप्‍पइसित परमेस्‍वरको अनुग्रह रइरउ।

१ तिमोथी 6:21 Referans Kwoze

२ तिमोथी 2:18

तिन दुइ मान्सनले सत्यमी बिश्वास अद्द छाड्या छन। तिनन भण्नाहान कि परमेश्वरले पइल्ली मर्या बिश्वासिनलाइ अनन्त जीवनकिलाइ मर्या बठेइ जिउना बनाइ सक्या छन। परिणाम स्वरुप, तिननले केइ बिश्वासिनलाइ बिश्वास बठेइ टाडा लइया छन।

१ तिमोथी 1:19

तुइले ख्रीष्टमी लगातार बिश्वास अददु पणन्छ रे असल बिचार हुनु पणन्छ। केइ मान्सनले आफ्नो असल बिचारलाइ इन्कार अर्या छन, रे तिननले ख्रीष्टमी बिश्वास अद्दया आफ्नो क्षमतालाइ नष्ट अर्या छन जसेरि जहाज दुर्घटनामि जहाज नष्ट हुन्छ।

कलस्सी 4:18

म पावल, यो चिठ्ठीको भाग तमनलाइ अबिबादन अददाइ आफनाइ हातले लेख्दाछु। याद अर कि म झेलमि छु रे मेरा निउति प्रार्थना अर। परमेश्वर तमन प्रति अनुग्रही होउन। आमेन।

हिब्रु 13:25

तमन सबसित परमेश्वरको अनुग्रह रइजाउ। आमेन।

तितस 3:15

याँ मसित भया सब बिश्वासीनले तुलाइ अबिबादन पठाया छन। ताँ क्रेट टापुमि भया हामरा बिश्वासि साथिनलाइ अबिबादन भणिदिय जइले हामलाइ प्रेम अददाहान। म प्रार्थना अद्दउ कि प्रभु तमन प्रति अनुग्रही होउन।

२ तिमोथी 4:22

म प्रार्थना अद्दउ कि प्रभु तुसित रउन रे उनरो अनुग्रह लगइ तुसित होउ।

१ तिमोथी 6:10

क्याकि रुप्या पैसा प्रतिको प्रेम सब किसिमका खराबिको जड हो, केइ मान्सनले बिस्तारइ ख्रीष्टको बारेमि शिक्षालाइ बिश्वास अद्द छाड्या छन, क्याकि तिनन भौत पैसा चाहानथ्या रे तिनन भौत तरिकाले दुःख भोग्दाहान, जसेरि एक मान्स जइले आफइलाइ हतियारले छेड्या छ।

१ तिमोथी 1:6

झुटा शिक्षकले यिन सब असल कुरणी अद्द छाडया छन तर काम नलाग्द्या कुरणीमि आफ्नो समय बर्बाद अददाहान।

रोमी 16:23

गायस भाइले लगइ अबिबादन पठाइराइछ। म उइका घरमि बस्सउ जाँ मण्डलि जम्मा हुन्छ। इरास्तस, जो सहरको कोषाध्यक्ष हो, रे हामरो भाइ क्वार्टसले तमनलाइ अबिबादन पठाइराइछ।

रोमी 16:20

सान्ति दिन्या परमेश्वरले छट्टाइ सैतानलाइ नष्ट अद्दया हुन रे उइलाइ तमरा अधिनमी ल्याउन्या हुन। हामरा प्रभु येशू ख्रीष्टको अनुग्रह तमनसित होइरउ।

रोमी 1:7

म यो चिठ्ठी रोम सहरमि भया तमन सबलाइ लेख्दाछु, जइलाइ परमेश्वरले प्रेम अददाहान रे जो उनरा आफ्ना पबित्र मान्स हुनाइलाइ बोलाइया छन: तमनलाइ परमेश्वर हामरा पिता रे प्रभु येशू ख्रीष्ट बठेइ अनुग्रहइ रे सान्ति।

मत्ती 6:13

हामलाइ परीक्षामि पड्ड जन दिय, तर सैतान बठेइ छुटाइ दिय, क्याकि राज्य, पराक्रम रे महिमा सदाइ तमराइ हुन, आमिन।”