१ तिमोथी 5:25 - डोटेली नयाँ करार

²⁵ तसोइ अरिबर कसइ मान्सनले अर्या असल काम और बिश्वासिनलाइ था हुन्छ। यदि कसइ मान्सनले अर्या असल काम अइल नधेक्या लगइ पछा था हुन्छ।

डोटेलि

²⁵ तसोइ अरि कति असल काम पइल्‍लि छर्लङइ धेकिनाछन्‌ रे छर्लङइ नधेकिया लइ लुकिबर रन्‍या आथिनन्‌।

१ तिमोथी 5:25 Referans Kwoze

लूका 11:33

कसइले लगइ बत्ति बालिबर गोप्य ठाउँमि अथवा भाँडाले छोप्दाइन,, तर भितर जान्या सबले उजालो धेकन्ना भणबर उच्चा ठाउँमि राख्दाहान।

१ तिमोथी 3:7

रे मण्डलि भण्ना बाइरका मान्सनले लगइ भणनु पणन्छ कि उ एक असल मान्स हो। ताकि मान्सनले उइका बारेमि न्निकी कुरणी जन अरुन रे सैतानले उइलाइ फसाउन सकद्या आथिन।

प्रेरित 22:12

“हननिया नाउँ भया एक जाना मान्स तइ सहरमि बसनथ्या। उन कानुन अन्सार चल्या भक्त मान्स थ्या, जइले ताँ बस्या सब यहुदि मान्सन बठेइ आदर पाइराइथ्यो।

प्रेरित 10:22

तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

मत्ती 5:16

यिसेरी तमरो ज्योति मान्सनका अगाडी चम्कउ, रे तिननले तमरा निका काम धेकुन, रे स्वर्गमि हुन्या तमरा पिताको महिमा अरुन्।”

फिलिप्पी 1:11

रे जसेरि रुखले फल फलाउन्छ तसेरि तमन सबले परमेश्वरको महिमा रे प्रशंसाकि निउति येशू ख्रीष्ट बठेइ आउन्या धार्मिकताका काममी बड्डाइजा।

प्रकाश 14:13

आजी मइले सुण्या कि कोइ स्वर्ग बठेइ बोल्या छ रे उनले मलाइ भण्यो, “यिन सब्द याँ लेख। आब बठेइ यिसा मान्सन धन्यका हुन जइले प्रभुमि बिश्वास अरिबर मद्दाहान।” पइ पबित्र आत्माले पक्‍का अर्यो रे भण्यो, “यो सत्य हो। तिनन धन्यका हुन क्याकि तिनन आफ्ना कठीन परिश्रम बठेइ आराम अद्दया हुन रे तिननले अर्या कामकी निउति तिननलाइ इनाम दिइन्या हो।”