१ तिमोथी 5:22 - डोटेली नयाँ करार

²² कसइमी हात राखिबर तइलाइ अगुवाका रुपमि नियुक्त जन अर, जबसम्म तइले आफलाइ ख्रीष्ट प्रति बिश्वासयोग्य प्रमाणित अद्दइन। नतित तमन लगइ तइका पापकिलाइ जिम्मेबार हुन्या हउ। पक्‍का हो कि तमन पाप जन अर।

डोटेलि

²² तुइले मण्‍डलिका अगुवा निउक्‍ति अद्‍याबेला मान्‍समि हात राख्‍द्‍या काममि हतार जनअरेइ। रे अउरका पापमि तु सहभागि जनहो, आफना जिबनलाइ सुद्‍द राख्‌।

१ तिमोथी 5:22 Referans Kwoze

एफिसी 5:11

रे अन्धकारका अर्थहिन पापी काममी सहभागी जन होउ, बरु तिन पापी कामलाइ ज्योतिमि ल्या।

१ तिमोथी 3:10

मान्सन सेवक हुनाइ पइल्ली तिननले आफसित उचित योग्यता छ कि छनइ भणबर प्रमाणित अददु पणन्छ। रे यदि कसइले उइमि केइ दोस पाया आथिन भण्या उ मण्डलिको सेवक बनउ।

१ तिमोथी 3:6

उ नयाँ बिश्वासि हुनु पड्डइन, नतित उइले घमण्ड अद्दया हो रे तसोइ सजाय पाउन्या हो जो सैतानले पायाथ्यो।

१ तिमोथी 4:14

याद अर जब मण्डलिका अगुवानले आफ्नो हात तमनमि राखिबर परमेश्वरले तमनलाइ दियाको बिसेस क्षमताको बारेमि भण्नाइलाइ परमेश्वरले तिननलाइ एक सन्देश दियाथ्यो। तइ बिसेस क्षमतालाइ बेवास्ता जन अर।

प्रेरित 6:6

तिननले यिन मान्सनलाइ येशू ख्रीष्टका छान्या शिष्याका अगाडी लेइबर आया रे तिननले प्रार्थना अर्यो रे यिननलाइ तइ काम अद्दाइकिलाइ नियुक्त अर्यो।

२ यूहन्ना 1:11

कसइले उइलाइ हौसला दिन्छ भण्या उ तइका दुष्ट काममी सहभागी हुन्छ जो उ अद्दा छ।

२ तिमोथी 1:6

तबइकिलाइ म तुलाइ सम्जना अराउनउ कि जब मइले आफ्नो हात तेरा मुन्टामि राख्याथ्या तब परमेश्वरले तुलाइ दियाको त्यो बरदानलाइ सक्रिय बना।

हिब्रु 6:2

रे तमनलाइ बप्तिस्माका बारेमि शिक्षा, कसइका हात राख्द्या काम, मर्या बठेइ जिउना हुन्या रे अनन्त दण्ड जसा कुरणीमि मान्तर लागीबर बिश्वासको जग आजी बसाउन्या और बरता शिक्षा चाइनइन।

२ तिमोथी 2:2

तमनले भौत जाना मान्सनका अगाडी तमनलाइ ख्रीष्टको बारेमि मइले सिकायाको सन्देश सुणयाछौ। तबइकिलाइ म चाहानउ कि तमन और बिश्वासिन जो तमरो भर पड्डो छ जइले औरलाइलाइ सन्देश सिकाउन सकन्छ तइलाइ मइले सिकाया त्यो सन्देश सिका।

१ तिमोथी 4:12

यिसो ब्यबहार अर कसइले तमनलाइ अनादर जन अरउ क्याकि तमन जबान छौ, तर बिश्वासीनले अनुसरण मद्दाइलाइ तमनले बोल्या सब्द, आचरण, और प्रतिको प्रेम, ख्रीष्टमी भया बिश्वास, रे तमरो निर्दोष जीवन बठेइ तमन एक असल उदाहरण हुनु पणन्छ।

प्रेरित 13:3

तब तिननले आजी उपवास रे प्रार्थना अरिबर उनमी आफना हात राखिबर उनलाइ परमेश्वरको सेवा अद्दाइ पठायो।

प्रकाश 18:4

तब मइले स्वर्ग बठेइ यिसो भण्नारया अर्खो सोर सुण्या: “तमन, जो मेरो छौ, तइ सहर छाड। बेबिलोनको सहरका पापसित जन जा ताकि तमन तिननसित सजाय पाउनानु।

प्रेरित 20:26

तबइकिलाइ आजका दिन म तमनलाइ गवाही दिनउ, कि यदि तमनमि हइ कोइ लगइ येशूमि बिश्वास नअरिबरइ मरन्छ भण्या यो मेरो गल्ती होइन।

प्रेरित 18:6

पइ जब यहुदि मान्सनले बिरोध अरिबर खिस काट्ट पस्या, तब तिनले यो धेकाउनाइ कि परमेश्वर तिननसित रिसाया छन, भणि आफ्ना लत्तामि भया धुलो ट्ट्केइबर तिननलाइ भण्यो, “परमेश्वरको सन्देश इन्कार अर्या हुनाले तमन आफइ तइ दण्डकि निउति जिम्मेबार हुन्या हौ, जो तमनलाइ परमेश्वर बठेइ मिल्या छ। आब बठेइ म गैर-यहुदि मान्सका वाँ परमेश्वरको सन्देश प्रचार अद्द्या।”

१ तिमोथी 3:2

तबइकिलाइ एक अगुवामी यिन गुण हुनु पाणन्छ: उ निर्दोष हुनु पणन्छ, उइकी एक मान्तर स्वानी हुनु पणन्छ, संयमि, उइले अद्दया हरेक काममी आत्मनियन्त्रण अद्द्या, सम्मान पाउन योग्य, पाउनाको स्वागत अद्दया रे परमेश्वरको बचन निक्केरि सिकाउन सकद्या हुनु पणन्छ।