१ तिमोथी 4:7 - डोटेली नयाँ करार

⁷ दन्त्य काहानि रे मुर्ख काहानिमि समय बर्बाद जन अर जइले परमेश्वरलाइ आदर दिनइन। बरु लगातार परमेश्वरलाइ आदर दिन्या जीवन बिताउनाइ तमनले आफलाइ तालिम दिनु पणन्छ।

डोटेलि

⁷ परमेस्‍वरलाइ आदर नअद्‍या रे अर्थनहिन कथाबटहइ एकदम अलगइ बस बरु परमेस्‍वरलाइ भक्‍ति अद्‌द्‌या जिबन जिउन्‍या बिसयमि तालिम दे।

१ तिमोथी 4:7 Referans Kwoze

१ तिमोथी 1:4

तिनन अनुमानका कुरणी मान्तरइ बडाउन्या दन्त्य काहानि रे नसकिन्या पुर्खाको लामो सुचीमि समय बर्बाद अद्द बन्द अरुन, यिसा बादबिबादले कसइलाइ परमेश्वरको काम अददाइलाइ सहयोग अद्दइन। तसो काम परमेश्वरमि बिश्वास अद्याले मान्तर अद्द सकन्छ।

२ तिमोथी 2:16

परमेश्वरलाइ श्रद्धा नधेकाउन्या रे मुल्यहिन कुरणीलाइ जन सुण। क्याकि इसा कुरणीले मान्सनलाइ परमेश्वर बठेइ टाडा अरन्छ।

तितस 2:12

यइ अनुग्रह बठेइ परमेश्वरले हामलाइ सिकाउनाहान कि तसो ब्यबहार जन अर जइले उनलाइ खुशी बनाउनइन, रे तिन कुरणीको लोप जन अर जो पाउन्या इच्छा अबिश्वासीन अद्दाहान। हाम यइ संसारमी रनज्या समजदारि रे परमेश्वरलाइ खुशी बनाउन्या ब्यबहार अर जइले परमेश्वरलाइ आदर अर्या धेकाउन्छ।

तितस 3:9

तर मुर्ख सवाल जबाफ, पुर्खाको लामो सुचि, बिबाद रे मोशाको कानुन सम्बन्धि झगडा अद्द खोज्जया बठेइ अलग बस, क्याकि तिनन बेफाइदा रे ब्यर्थका हुनाहान।

हिब्रु 5:14

तर खदिलो खानाइ बिश्वासमि बलियो मान्सकि निउति हो। उइले त असल रे खराब कुरणी छुट्टयाउन सक्द्या तालिम पाइ सक्या हुन्छ।

२ तिमोथी 2:23

तर मुर्ख रे बेसमजका सवाल जबाफलाइ इन्कार अर, तमनलाइ था छ कि इन बठेइ झगडा हुन्छ।

२ तिमोथी 4:4

तिननले परमेश्वरको सत्य बचन सुणन्या होइन्न तर असत्य, दन्त्य काहानिलाइ सुणन्या हुन।

१ तिमोथी 6:11

तर तु, तिमोथी परमेश्वरको मान्स हइ, तुइले यो सब काम अद्दा बठेइ अलग हुनु पणन्छ, जो ठीक छ तइ मान्तर अददाइ हरेक प्रयास अर। परमेश्वरका नजकमि ठीक काम अर। ख्रीष्टमी बिश्वास अर। और मान्सनलाइ प्रेम अर। परमेश्वरको आज्ञा माणनाइलाइ कभइ हरेस जन होउ। और मान्सनसित नम्र होउ।

प्रेरित 24:16

तबइकिलाइ परमेश्वरसित रे मान्ससित म सधान सुद्द बिबेक राख्द्या कोशिस अद्दउ।

१ तिमोथी 6:20

तिमोथी यो पक्‍का अर कि परमेश्वरले दिया काम तु अर। रे परमेश्वरलाइ महत्व नदिन्या रे दन्त्य काहानिमि छलफल अद्द्या रे त्यो शिक्षा जइले परमेश्वरको सत्य शिक्षालाइ बिरोध अरन्छ, जइलाइ तिननले गलत किसिमले “ज्ञान” भण्नाहान तइलाइ वास्ता जन अरइ।

तितस 1:14

रे सत्यतालाइ इन्कार अद्द्या मान्सका आज्ञा रे यहुदि मान्सनका दन्त्य काहानिमि ध्यान जनलाउन।

२ तिमोथी 3:12

हरेक मान्स जो परमेश्वरलाइ खुशी बनाउन्या काम अद्द चाहान्छ रे जइले येशू ख्रीष्टमी बिश्वास अरन्छ तिनन सतावटमी पड्डया हुन।

१ तिमोथी 3:16

पक्‍कालगइ हाम भणन सक्दाउ कि, परमेश्वरले प्रकट अर्या शिक्षा पुरा रुपमि सत्य छ, ख्रीष्ट एक मान्स भया, उन पबित्र आत्मा बठेइ परमेश्वरका चेलो साबित भया, स्वर्गदुतले उनलाइ धेक्यो। मान्सनले उनरा बारेमि जाति-जातिमी प्रचार अर्यो। संसार भरिका सब मान्सनले बिश्वास अर्यो। परमेश्वरले उनलाइ स्वर्गमि उठाइबर लैया।

१ तिमोथी 2:10

बरु तिननले और मान्सनकिलाइ असल काम अरउ जो तिनरि निउति ठीक छ क्याकि परमेश्वरको भक्ति अद्दयइ स्वानिनलाइ यइ उचित छ।

१ तिमोथी 1:9

हाम यो लगइ जाण्नाउ कि मोशाको कानुन परमेश्वरको नजरमि ठीक काम अद्द्या मान्सनकि निउति दिया होइन तर तिननकिलाइ हो, जइले परमेश्वरको कानुनको बेवास्ता अरन्छ रे यइलाइ माण्नइन, जइले परमेश्वरको आराधना अद्दइन रे जइले लगातार पाप अरन्छ, जो भ्रष्ट छ, जइले परमेश्वरको आदर अद्दइन, जइले आफ्ना इजा-बा रे और मान्सनलाइ मारन्छ,

१ तिमोथी 4:8

क्याकि शारीरिक कसरतले तमरो शरीरलाइ सहायता अद्या हो, तर परमेश्वरको भक्ति हरेक किसमले फाइदाको हुन्छ, क्याकि यिन कुरणीले यइ जीवनमी रे आउन्या जीवनमी लगइ फाइदा हुन्छ।

१ तिमोथी 6:3

यदि कसइले झुटा शिक्षा सिकाउछ रे हामरा प्रभु येशू ख्रीष्टले दियाको सत्य शिक्षामि रे परमेश्वरलाइ आदर दिन्या आदेससित सहमत हुनाइन्न भण्या,

१ तिमोथी 6:5

रे तिनरो दिमाक ननिका संकाले भरिया हुन्छ रे तिनन औरसित लगातार बिबाद अददाहान। रे तिनन सत्य कि हो बुज्जाइन्न, तिननले सोच्चाहान कि परमेश्वरको सेवा अददु भण्याको धनि हुनु हो।

२ तिमोथी 3:5

परमेश्वरका नजरमि ठीक काम अद्द्या जसा धेकिन्या, तर तिनन त्यो सक्तिलाइ इन्कार अद्द्या हुन जइले तिननलाइ परमेश्वरका नजरमि ठीक काम अद्द्या बनाउन सकान्थ्या, तसा मान्सन बठेइ अलग बस।