१ तिमोथी 4:3 - डोटेली नयाँ करार

³ तिनन झुटा शिक्षकले गलत किसिमले सिकाउनाहान कि ब्या अददु रे कसइ किसिम खाना खानु गलत हो। तर परमेश्वरले यिन खान्या चिज उनमी बिश्वास अद्दया रे सत्य शिक्षालाइ जाणन्छ मान्सनकि निउति बनायो जइले धन्यबाद दिबर खानाहान।

डोटेलि

³ ब्‍या अद्‍दु हुनइन्‌ केइ केइ खान्‍या कुरा खानु हुनइन भनिबर तिनु सिकाउनाछन्‌। तर बिस्‍वास अद्‌द्‌या रे सत्‍यलाइ चिन्‍याहुन्‍याले धन्‍यबाद दिबर यिनु खान्‍या कुरा खायाहुन्‍छ क्‍यालाइकि परमेस्‍वरइले यिनु कुरा सिरिस्‍टि अर्‍या हुन्‌।

१ तिमोथी 4:3 Referans Kwoze

१ तिमोथी 4:4

परमेश्वरले बनायाका सब चिज निका छन, रे तेसो केइ आथिन जइलाइ हामले इन्कार अददु पणन्छ, परमेश्वरलाइ धन्यबाद दिइबर केइ थोक लगइ हाम खान सक्दाउ।

हिब्रु 13:4

ब्या सब बठेइ आदरणीय होउ, रे एक अर्खा प्रति बिश्वासयोग्य बनीराख, क्याकि दुराचारी रे ब्यभिचारीको इन्साफ परमेश्वरले अद्दया हुन।

रोमी 14:6

जइ मान्सले कसइ दिनलाइ बिसेस रुपले पालना अरन्छ, तइले प्रभुलाइ आदर धेकाउनाइ तसो अरन्छ। जइ मान्सले मासु लगइ खान्छ, तइले प्रभुका निउति खान्छ, क्याकि तइले परमेश्वरलाइ धन्यबाद दिन्छ। जइ मान्सले मासु खानइन तइले परमेश्वरको आदरको निउति खानइन रे परमेश्वरलाइ धन्यबाद दिन्छ।

कलस्सी 2:16

तबइकिलाइ खानाइ रे पिउनाइ अथवा काजबारका दिन अथवा औसी अथवा बिश्राम दिन माण्न्या बिसयमि कसइ मान्सले तमनलाइ धोका दिन जनदीअ रे कसइलाइ तमरो न्याय अद्द जन दिय।

१ कोरिन्थी 8:8

तर खान्या कुरणीले हामलाइ परमेश्वरका नजरमि ग्रहणयोग्य बनाउनइन। नखायाले परमेश्वरका नजरमि हाम अयोग्य हुनाइन, रे खाया हुनाले परमेश्वरका नजरमि हाम असल हुनाइन।

कलस्सी 3:17

जब तमन बोलन्छौ, अथवा जी-जी काम अरन्छौ, सब कुरणी प्रभु येशूका नाउँमि अद्द्या अर रे परमेश्वर पितालाइ येशू ख्रीष्ट बठेइ धन्यबाद चढा।

१ कोरिन्थी 7:28

तर यदि तमनले ब्या अर्या भण्या लगइ त्यो पाप होइन। कन्या केटिले ब्या अर्यो भण्या तइले पाप अरेइ हुनिन। तर ब्या अर्या मान्सनले यइ संसारमी आफ्नो जीवनमी कष्ट भोग्दु पड्डया हो, रे इसा समस्या बठेइ तमन मुक्त भया म चाहानउ।

रोमी 14:3

मासु खान्याले सागपात खान्यालाइ तुच्छ जन माणउ, रे सागपात खान्याले मासु खान्यालाइ दोस जन लाउ। क्याकि परमेश्वरले दुएइलाइ स्वीकार अद्दाहान।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

१ तिमोथी 2:4

उनले सब मान्सन बच्या रे सत्यको ज्ञानमि आया चाहानान।

१ कोरिन्थी 6:13

तमनले इसो लगइ भणन सकन्छौ, “भोजन हामरा शरीरकी निउति हो, रे हामरा शरीर भोजनकि निउति हो।” तर म तमनलाइ भणनउ कि परमेश्वरले दुएइलाइ नास अद्द्या हुन। शरीर ब्यभिचारको निउति होइन, तर हामरो शरीर प्रभुका हो रे उनरो सेवा अददाइ बन्या हो।

रोमी 14:17

क्याकि परमेश्वरको राज्यमि खान्या रे पिउन्या कुरणी महत्वपूर्ण होइन। महत्वपूर्ण कुरणी परमेश्वरसित धर्मि, सान्ति रे पबित्र आत्मामी आनन्दित भइबर जिउनु हो।

मत्ती 15:36

सात रोटा रे माछा हातमि समाइबर परमेश्वरलाइ धन्यबाद दिया पछा रोटा तोड्यो, रे शिष्यालाइ दियो, शिष्याले मान्सलाइ दियो।

मत्ती 14:19

उनले भिडलाइ घाँसमि समुहमी बस भण्यो, रे तिन पाँच रोटा रे दुइ माछा लैजाइबर स्वर्गतिर हेर्यो रे परमेश्वरलाइ धन्यबाद दियो, रोटा तोडयो रे मान्सलाइ दिनाइलाइ शिष्यालाइ दियो।

प्रेरित 27:35

यिन कुरणी भण्या पछा पावलले रोटा समायो, रे सबका अगाडी परमेश्वरलाइ धन्यबाद दिइबर त्यो तोडबर खान पस्या।

यूहन्नाले लेख्या सुसमाचार 6:23

पइलगइ जाँ येशूले धन्यबाद दिबर रोटा ख्वायाथ्यो तसइ ठाउका नजिक तिवेरिया सहर बठेइ और ना ताँ आया।

लूका 24:30

जब येशू तिननसित खानाइ बस्या, उनले रोटा समाइबर आसिर्बाद दियो, रे तोडीबर तिननलाइ दिन लाग्या।

मत्ती 15:11

जी मुख भितर पसन्छ, तइले मान्सलाइ असुद्द बनाउनइन। तर तइ कुरणीले तइ मान्सलाइ अशुद बनाउन्छ जो तइ मान्सका भितर बठेइ बाइर आउछ।”

१ तिमोथी 5:14

तबइकिलाइ म सल्लाह दिनउ। जबान बिधवाले ब्या अरुन चेलाचेली पाउन घरबार सम्हालुन। ताकि बिरोधिले तिनरा बिरुद्दमि केइ भणन सक्द्या होइन।