१ थेसलोनिकि 5:6 - डोटेली नयाँ करार

⁶ तबइकिलाइ हाम प्रभु आउन्या दिनकिलाइ केइ था नपाउन्या मान्सनकि जसेरि सिनु पडइन रे बिना तयारि बस्सु पड्डइन। तर सतर्क रे आत्म नियन्त्रित हुनु पणन्छ।

डोटेलि

⁶ तबइलाइ हामु अउर मान्‍सकि जसेरि जनसिउ, तर जागा होइबर सचेत हउँ।

१ थेसलोनिकि 5:6 Referans Kwoze

१ पत्रुस 1:13

तबइकिलाइ, तमन कि अददाछौ भणन्या बारेमि निक्केरि सोच रे आत्म-नियन्त्रित होउ। मुक्ति पाउन्या आसा अर, जो अनुग्रह बठेइ आउँछ, जो तमनलाइ येशू ख्रीष्ट यइ संसारमी फर्कि आउन्या दिनमि दिइन्या हो।

मत्ती 24:42

तबइकिलाइ तमले नीकेरि हेद्दु पड्या हो, क्याकि कइ दिन तमरा प्रभु आउनाहान, त्यो तम जन्नानु।

लूका 22:46

उनले तिननलाइ भण्यो, “तमन क्याकि सिरइछौ? जाग रे प्रार्थना अर कि कोइ पापका परीक्षामि तम जन पड्या, तमरो मन निको अद्दालाइ चाहन्छ, तर तमरो शरीर कमजोर छ।”

१ पत्रुस 5:8

आत्मा नियंत्रित होउ रे जागा रअ, क्याकि तमरो शत्रु सैतान मान्सनलाइ नष्ट अददाइ निउति चारै तिर घुम्दा छ। उ गर्जन्या सिंहकि जसेरि कइलाइ फेला पार्लो रे खाउँलो भणबर दाउ खोजबर घुम्दा छ।

प्रकाश 16:15

दुष्ट आत्माले सासक रे तिनरा फौजलाइ हिब्रु भासामि आरमागेडोन भणन्या ठाउँमि जम्मा अर्यो। तबइकिलाइ प्रभु येशूले भण्यो, “यइ कुरणी सुण। मेरो आगमन एक चोरको आगमन जसोइ अचानक हुन्या हो। त्यो मान्स धन्यको हो, जो मेरा आगमनका बेलामि ब्युँजोइ रन्छ, तइका लत्ता तयार पाण्यो, ताकि। तिनन नांगो हुन्या आथिन रे भौत मान्सनका बिचमि बाइर गया लगइ तिननलाइ सर्ममि पड्डया केइ कुरणी हुन्या आथिन।”

तितस 2:12

यइ अनुग्रह बठेइ परमेश्वरले हामलाइ सिकाउनाहान कि तसो ब्यबहार जन अर जइले उनलाइ खुशी बनाउनइन, रे तिन कुरणीको लोप जन अर जो पाउन्या इच्छा अबिश्वासीन अद्दाहान। हाम यइ संसारमी रनज्या समजदारि रे परमेश्वरलाइ खुशी बनाउन्या ब्यबहार अर जइले परमेश्वरलाइ आदर अर्या धेकाउन्छ।

एफिसी 5:14

तबइकिलाइ मान्सन इसो भण्नाहान, “हे निनमि पण्या बिउज, रे मर्या बठेइ जिउना होउ, रे ख्रीष्टले तमनलाइ ज्योति दिन्या हुन।”

प्रकाश 3:2

तबइकिलाइ उठ, ममि तमरो बिश्वासलाइ बलियो पाण ताकि यो सब पुरा रुपमि जन जाउ, क्याकि तमरो केइ बिश्वास बाँकि छ। मलाइ थाहा छ कि तमन सिद्द आथिनु क्याकि तमनले जी अददाछौ तइ बठेइ परमेश्वर खुशी आथिन।

१ पत्रुस 4:7

सब कुरणीको अन्त्य नजिक आया छ। तबइकिलाइ तमनले स्पष्ट रुपमि सोच रे आफइलाइ बसमि राख, ताकि तमन प्रार्थना अद्द सक।

१ कोरिन्थी 16:13

होशियार बस, बिश्वासमि दृढ होइरउ। साहसि होउ, रे बिश्वासमि बलिया होउ।

१ तिमोथी 2:9

इसेरि म यो लगइ चाहानउ कि बिश्वासि स्वानिले स्वाउन्या लत्ता लाउन जो आदरयोग्य रे स्वीकारको योग्य हुन्छ। रौको बडता सिंगार, सुण, मोति रे महंगा लत्ता लाइबर औरलाइ आकर्षित जन अर।

तितस 2:6

तसेइ जबान मान्सलाइ लगइ आदेस दिय कि समजदारि सित ब्यबहार अरुन।

१ तिमोथी 3:2

तबइकिलाइ एक अगुवामी यिन गुण हुनु पाणन्छ: उ निर्दोष हुनु पणन्छ, उइकी एक मान्तर स्वानी हुनु पणन्छ, संयमि, उइले अद्दया हरेक काममी आत्मनियन्त्रण अद्द्या, सम्मान पाउन योग्य, पाउनाको स्वागत अद्दया रे परमेश्वरको बचन निक्केरि सिकाउन सकद्या हुनु पणन्छ।

कलस्सी 4:2

सतर्क होइबर धन्यबाद सहित लगातार प्रार्थना अर।

एफिसी 6:18

सदाइ प्रार्थना रे निबेदन सित सब समय पबित्र आत्माको अगुवाइमी प्रार्थना अर। यइ उद्देश्यले लगनशिल रे सतर्क होइबर सब ठाउँमि भया परमेश्वरका जनकि निउति लगातार प्रार्थना अर।

लूका 21:36

सब समय सचेत होउ। रे प्रार्थना अर कि तमन यिन सब आउन्नार्या डर लाग्दा कुरणी बठेइ उम्कनाइ बलिया हुन सक रे तमन म, मान्सको चेलोका अगाडी कल्लिन सक।

लूका 12:39

तर यो जाण, कि चोर ठीक कइ बेला आउन्छ भणबर घरको मालिकले जाण्या भया त्यो बिउजोइ रनेइथ्यो, रे उइले आफ्ना घरलाइ लुट्ट दिनेइ थेइन।

मत्ती 25:13

तबइकिलाइ होस अर! क्याकि मेरो फर्किन्या त्यो दिन रे त्यो बेला तमनलाइ था आथिन।”

मत्ती 25:5

ब्याउलाले अबेला अर्या हुनाले सब निनले लट्ठ भया रे सिइया।”

मत्ती 13:25

तर खेताला सिया बेला उनरो दुस्मन आयो रे गउँका बिचमि साँउ बोइबर गयो।

२ तिमोथी 4:5

तर जी भया लगइ तुइले सदाइ आफइलाइ नियन्त्रण अददु पणन्छ, रे दुःख भोग्दु पणन्छ। तुइले सुसमाचार प्रचार अद्दाइ कडा मिहेनत अददु पणन्छ रे परमेश्वरको सेवक भया हुनाले परमेश्वरले दिया सब काम पुरा अददु पणन्छ।

१ तिमोथी 3:11

सेवकनकि स्वानिन आदर पाउन्या लायक हुनु पणन्छ, औरको बारेमि ननिको नबोल्या, तर संयमि रे सब कुरणीमि बिश्वासयोग्य हुनु पणन्छ।

१ थेसलोनिकि 5:8

तर हाम दिनका हुनाले हाम सचेत होउ, बिश्वास रे प्रेम धारण अर जइले हामरो सुरक्षा अरन्छ जसेरि सिपाइलाइ छाति पाताले सुरक्षा अरन्छ। रे आसा राख कि हाम अनन्तको दण्ड बठेइ बाच्याछौ जो त्यो टोप जसोइ हो जइले सिपाइलाइ सुरक्षा अरन्छ।

फिलिप्पी 4:5

तमरो सभ्य स्वभाव सब मान्सनले था पाउन। प्रभु छिट्टाइ आउनाछन।

१ कोरिन्थी 15:34

जी ठीक छ तइका बारेमि ध्यानसित बिचार अर, आब बठेइ पाप जन अर। क्याकि तमनमि हइ कति जानाको परमेश्वरसित असल सम्बन्ध आथिन। तमनलाइ लाजमि पाड्डाइ मइले यो भण्या हु।

प्रेरित 20:31

तबइकिलाइ यो सम्जिबर होशियार बस, कि तीन बर्ष सम्म मइले रातदिन आँउस बगाइबर हरेक मान्सनलाइ चेताउनी दिनोइरया।

लूका 12:37

तिन नौकर धन्यका हुन, जइका मालिक घर आउन्ज्या तिननलाइ उनरो बाटो हेरिर्या भेटाउन्या हुन। साँच्चि म तमनलाइ भण्नउ, तइले आफइ नौकरका जसाइ लत्ता लाइबर तिननलाइ खानइ बस भणन्या हुन, रे आइबर तिनरो सेवा अद्दया हुन।

मर्कुस 13:37

रे जो म तमलाइ भण्नउ, तसोइ सबलाइ भण्नउ: सदाइ बिउजाइ रया।”

मत्ती 26:38

तब उनले तिननलाइ भण्यो, “म भौत ब्याकुल छु, इसो हुन्नाछ, म मारिन्या हु, तम याँइलाइ होउ रे जागा बस।”

१ तिमोथी 2:15

तर स्वानिनले बालकलाइ जन्म दिया बठेइ रे जबसम्म तिनन ख्रीष्टमी लगातार बिश्वास अर्यो भण्या, और मान्सनलाइ प्रेम अर्यो भण्या, रे सुद्द रे उचित किसिमले ब्यबहार अर्यो भण्या परमेश्वरले तिननलाइ बचाउन्या हुन।

एफिसी 2:3

हाम सब लगइ हामरा पापी स्वभाबका इच्छा अनसार तिनरि जसेइ जीवन बिताया। रे हामरो ननिको इच्छा रे सोचका लाग्दा चाया जसो हामले अर्या, रे सब मान्सनकि जसेइ स्वभावइले हाम दुष्ट रे परमेश्वरको दण्डका अधिनमी थ्या।

१ थेसलोनिकि 4:13

बिश्वासि भाइन हो, जो पइल्ली मरिसक्या छन तिन बिश्वासिनलाइ कि हुन्या हो तइ बिसयमि हाम तमनले जाण्याको चाहानाउ अददाउ, रे तमनले आसा नहुन्या मान्सनकि जसेरि सोक अद्दु पड्डइन।

१ थेसलोनिकि 5:10

प्रभु येशू हामरि निउति मर्या ताकि हाम बाचु अथवा मरु, जब उन फर्कि आउन्याहुन तब हाम उनसित सदाइकिलाइ जिउन सकउ।