१ थेसलोनिकि 4:4 - डोटेली नयाँ करार

⁴ पबित्रता रे आदरसित तमन हरेकले आफना शरीरलाइ आफना बसमि राख्द सिक्दु पणन्छ।

डोटेलि

⁴ पबित्‍तर रे आदरसित आफना सरिललाइ अधिनमि राख्‍दु पड्‍न्‍छ भन्‍न्‍या कुरा तमु सप्‍पइले जान्‍नु पड्‍न्‍छ।

१ थेसलोनिकि 4:4 Referans Kwoze

१ कोरिन्थी 7:9

तर तिननले आफनो इच्छालाइ बसमि राख्द सक्दाइन भण्या तिननले ब्या अरुन। क्याकि कामवासनामि जल्लु भण्ना ब्या अद्दु ठीक हो।

रोमी 12:1

तबइकिलाइ बिश्वासि भाइन हो, हामरि निउति परमेश्वरको ठुलो कृपाका लाग्दा म तमनलाइ अनुरोध अद्दउ, कि तमन आफना जिवनलाइ पबित्र रे परमेश्वरलाइ ग्रहणयोग्य जिउनो बलिका रुपमि अर्पण अर। परमेश्वरलाइ आराधना अद्द्या सत्य तरिका तेइ हो।

१ पत्रुस 3:7

बैकान हो, आफनी स्वानी सित बिचारशिल होइबर बस्सु पणन्छ, रे तमनले यो याद राख्दु पणन्छ कि तिनन तमन भण्ना कमजोर छन, तबइकिलाइ तमनले तिनरो सम्मान अददु पणन्छ। क्याकि तमन दुएइ परमेश्वरले अनुग्रहसित दिया बरदानमी साजेदार छौ, जो अनन्त जीवन हो। इसो अर ताकि जब तमनले उनलाइ प्रार्थना अर्न्छौ परमेश्वरले सुण्या होस।

हिब्रु 13:4

ब्या सब बठेइ आदरणीय होउ, रे एक अर्खा प्रति बिश्वासयोग्य बनीराख, क्याकि दुराचारी रे ब्यभिचारीको इन्साफ परमेश्वरले अद्दया हुन।

१ कोरिन्थी 6:15

तमनलाइ पक्‍का था छ कि तमरो शरीर ख्रीष्टको हो। कि मान्स ख्रीष्टका अंग लइजाइबर बेश्याका असुद्द अंगसित जोड्या? होइन! बिलकुल होइन!

१ कोरिन्थी 7:2

तर मान्सन ब्यभिचारको परिक्षा सजिसित पड्डाहान, तबइकिलाइ म भणनउ कि हरेक मान्सले ब्या अरिबर बैकान आफनी स्वानिसित बफादार हुनु पणन्छ रे स्वानी आफ्ना बैकानसित बफादार हुनु पणन्छ।

फिलिप्पी 4:8

अन्तमी बिश्वासि भाइन हो, जी सत्य छ, जी आदरणीय छ, जी धर्मि छ, जी सुद्द छ, जी सुन्दर छ, जी प्रसंसा अद्द्या योग्यको छ, जी असल छ, रे कसइमी मान्सन बठेइ आदर पाउन्या स्वभाव छ भण्या यिसा कुरणीमि मन ला।

रोमी 6:19

म दिनदिनका जीवन बठेइ उदाहरण दिनउ जसेरि एक बेर तमनले आफ्ना शरीरका अंगलाइ अशुद्द्ता रे दुष्ट कामकीलाइ समर्पण अर्या, तसेरि आब आफ्ना शरीरका अंगलाइ पबित्र हुनाइ रे धार्मिक जीवन जिउनाइ समर्पण अर।

रोमी 1:24

तबइकिलाइ परमेश्वरले तिननलाइ तिनरा हृदयका अभिलाषा नैतिक अशुद्दताकिलाइ छाडिदियो, ताकि तिननले आपसमी ननिका काम अरिबर आफना सरिरको अनादर अरुन।

प्रेरित 9:15

तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु।

२ कोरिन्थी 4:7

रे आब हामरो हृदयमि हामसित भया यो ज्योति चम्किरइछ, तर हाम आफइ बहुमुल्य धन भया कमजोर (सजी फुट्या) माटिका भाडा जसाइ छौ। यइले यो धेकाउन्छ कि ठुलो सक्ति हाम बठेइ होइन तर परमेश्वर बठेइ हो।