१ पत्रुस 1:1 - डोटेली नयाँ करार

¹ यो चिठ्ठी येशू ख्रीष्टको छान्या शिष्य पत्रुस बठेइ हो। यो चिठ्ठी परमेश्वरका चुनिया मान्सनकि निउति लेखिया हो, जो परदेशी जसाइ भइबर पोन्टस, गलातिया, कापाडोकिया, एसिया रे बिथिनिया प्रदेशका बिभिन्न सहरमि बस्साहान।

१ पत्रुस 1:1 Referans Kwoze

याकुब 1:1

म, याकुब यो चिठ्ठी लेख्दाछु। म परमेश्वर रे प्रभु येशू ख्रीष्टका दास हु। म, यो चिठ्ठी इस्राएल देशका बार कुललाइ लेख्दाछु जो देस भरि फइलिबर रया छन, सबइलाइ मेरो अबिबादन।

हिब्रु 11:13

यिन सब परमेश्वरमि बिश्वास अद्द्या मान्सन परमेश्वरले प्रतिज्ञा अर्या कुरणी नपाइबर मर्या। तर तिनन परमेश्वरले भविष्यमी अद्द्या काम बुजिबर खुशी भया, रे तिननले यो लगइ बुज्यो कि तिनन यइ पृथ्वीमि परदेशी रे शरणार्थी हुन।

एफिसी 2:19

तबइकिलाइ तमन गैर-यहुदि मान्सन आब बिदेशी रे परदेशी होइनु, तर तमन परमेश्वरका पबित्र जनसित संगि नागरिक हौ, रे तमन परमेश्वरका परिबारका सदस्य हौ।

प्रेरित 8:4

तर छरिया बिश्वासीले चारै तिर गइबर बचन प्रचार अर्यो।

यूहन्नाले लेख्या सुसमाचार 11:52

इस्राएल जातिकी निउति मान्तर तिनले यो भण्या थेइन, तर तितर बितर भया परमेश्वरका सन्तानलाइ एकसित जमा अद्दाइलाइ यो भणिरइथ्यो।

मत्ती 24:22

तिन दिन नघटाया भया कोइ मान्स बच्चेइ थेइन, क्याकि उनले छान्या मान्सनका लाग्दा, उनले समय घटाउन्या हुन।

१ पत्रुस 2:11

प्रिय हो, तमन यइ संसारमी बिदेशी रे प्रबासी जसाइ बन्याछौ। म तमनलाइ बिन्ति अद्दउ कि तिन सबइ दुष्ट शारीरिक इच्छा बठेइ टाडा बस, क्याकि इसा चाहाना तमरा आत्माको बिरोधमी सदाइ लड्डाहान।

२ पत्रुस 1:1

म, सिमोन पत्रुस तमनलाइ लेख्दाछु, म येशू ख्रीष्टको सेवक रे छान्या शिष्य हु। म तमन सबलाइ लेख्दाछु, जइले हाम सबइको समान अनमोल बिश्वास पाया छन, यो बिश्वास हामरा परमेश्वर रे मुक्तिदाता येशू ख्रीष्ट बठेइ हामलाइ दिइया हो, जइले हामलाइ परमेश्वरका नजरमि जी ठीक छ त्यो बनाउनाहान।

एफिसी 2:12

याद अर, तमनले तइ बेला ख्रीष्टलाइ चिन्या थ्यानु रे तमन परमेश्वरका छान्या मान्सन इस्राएल देशका रुपमि उनरा थ्यानु, रे परमेश्वरले यहुदि मान्सनलाइ प्रतिज्ञा अर्या असल कुरणीमि लगइ तमन सहभागी भयानु, रे तमन बिना आसा रे संसारमी बिना परमेश्वर बसन्थ्या।

२ कोरिन्थी 1:8

बिश्वासि भाइन हो, हामले एसिया प्रदेशमि भोग्या दु:खका बिसयमि तमनले था पाया म चाहानउ, क्याकि हाम पुरा किसमले बोजले दबिया थ्या त्यो बोज हामले सन नस्क्द्या थ्यो, रे हामले सोच्या कि यइ बठेइ हाम कभइ बाच्च सक्दाइन।

प्रेरित 18:2

तिनले पोन्टस प्रदेसमि बस्या अकिलास नाउँ भया एक जाना यहुदिलाइ भेट्यो। जो पोन्टस प्रदेसमि जन्मया थ्या, तिन आफनी स्वानी प्रिस्किलासित इटालिया प्रदेस बठेइ आइरइथ्या, क्याकि सम्राट क्लौडियसले सब यहुदि मान्सनलाइ रोम बठेइ निकलिबर जान्या आज्ञा दिइराइथ्यो। पावल तिननलाइ भेट्टाइ कोरिन्थ सहरमि गया।

प्रकाश 1:11

यइ आवाजले इसो भण्यो, “तु जी धेकन्छइ तइ एक किताबमी लेख, रे यइलाइ सात मण्डलिलाइ पठा, जो यिन सहरमि छन: एफिसस, स्मुर्ना, पर्गामम, थिआटीरा, सार्डिस, फिलाडेल्फिया रे लाउडिकिया।”

२ तिमोथी 1:15

एसिया प्रदेशमि रन्या भौत बिश्वासीले मलाइ अस्वीकार अर्या छन त्यो तमनलाइ थाइछ, तिनन मध्ये फुगेलस रे हर्मोगेनस हुन।

गलाती 1:2

म यो चिठ्ठी मसित हुन्या सब भाइनसित गलातिया प्रदेशमि भया मण्डलिलाइ लेख्दाछु।

१ कोरिन्थी 16:19

एसिया प्रदेशका मण्डलिमि भया बिश्वासीनले तमनलाइ अबिबादन पठाया छन। अकिलास रे तइकि स्वानी प्रिस्किलाले रे तिनरा घरमि जम्मा हुन्या मण्डलिले प्रभुमि तमनलाइ हार्दिक अबिबादन पठाया छन।

प्रेरित 19:10

पइ यो कुरणी दुइ बर्ष सम्म हुनोइ रयो, इसो भया हुनाले एसिया प्रदेशमि बस्या, यहुदि रे गैर-यहुदि मान्सनले प्रभुको बचन सुण्यो।

प्रेरित 18:23

तिन ताँ केइ दिन बसिबर एन्टिओखिया सहर बठेइ निकलिबर गलातिया प्रदेस रे फ्रिगिया जिल्ला होइबर सब शिष्यालाइ हौसला दिनाइ ठाउँ ठाउँमि गया।

प्रेरित 6:9

तर कोइ-कोइ मान्सनले चाइ स्तिफनसको बिरोध अर्यो, तिनन यहुदि सभाघरका मान्सन थ्या, जइलाइ स्वतन्त्र दल लगइ भणिन्छ रे तिननमि कुरेनि सहर, अलेक्जेन्ड्रया सहर, किलिकिया प्रदेस रे एसिया देशका मान्सन थ्या, तइ पछा तिननले खड़ा होइबर स्तिफनससित वाद-बिबाद अद्द पस्या।

यूहन्नाले लेख्या सुसमाचार 7:35

तब यहुदि अगुवानले आपसमी भण्यो, “यिन काँ जानाइ बटिरइछन, कि हाम यिनलाइ भेटाउन्या होइन? सायद यिन यहुदि मान्सनका वाँ जान्या हुन जाँ ग्रीक देशमि छरबट्टीबर बस्या हुन, रे वाँ गइबर ग्रीक देशमि बस्या मान्सनलाइ सिकाउन चाहानाहन?”

मत्ती 10:2

येशूले बार छान्या शिष्याका नाउँ यिनइ हुन, पइलो पत्रुस भणिन्या सिमोन रे तइको भाइ अन्द्रियास, जब्दियाका चेला याकुब रे तइको भाइ यूहन्ना,

मत्ती 4:18

जब एक दिन येशू गालील समुद्रका किनारइ किनार जानाथ्या, उनले दुइ भाइन पत्रुस भण्न्या सिमोन रे तइको भाइ अन्द्रियासलाइ समुद्रमी जाल हाण्नार्या धेक्यो, क्याकि तिनन माछा माद्या काम अरन्थ्या।

लूका 18:7

रे परमेश्वरले रातदिन उनलाइ पुकार अद्दया आफना छानिया मान्सनलाइ न्याय अद्द्या हुन। उनले तिननलाइ सहयोग अददाइ ब्यालो अद्दया आथिन्न।