१ यूहन्ना 5:3 - डोटेली नयाँ करार

³ परमेश्वरलाइ प्रेम अददु भण्याको उनरा आज्ञापालन अददु हो। रे उनरा आज्ञापालन अददाइ असजि आथिन।

१ यूहन्ना 5:3 Referans Kwoze

यूहन्नाले लेख्या सुसमाचार 14:15

तमनले मलाइ प्रेम अरन्छौ भण्या मइले दिया आज्ञापालन अर।

यूहन्नाले लेख्या सुसमाचार 15:10

तमनले मेरा शिक्षा पालन अर्या भण्या तमन मेरा प्रेममि रन्याछौ जसेरि मइले लगइ मेरा पिताका शिक्षा पालन अर्या छु रे उनरा प्रेममि रइरइछु।

२ यूहन्ना 1:6

परमेश्वरलाइ प्रेम अद्द्या साँचो तरिका परमेश्वरका आज्ञा अन्सार जिउनु हो। उनरा आज्ञा अनसार हिट्टु नइ प्रेम हो। जब बठेइ तमले ख्रीष्टलाइ अनुसरण अददु सुरु अर्या, तमले सुण्या थ्या कि परमेश्वरको आज्ञा यइ हो कि तमनले एक अर्खालाइ सदाइ प्रेम अद्दु पणन्छ।

१ यूहन्ना 2:3

यदि हामले परमेश्वरका आज्ञापालन अर्या भण्या यो इसइ बठेइ था हुन्छ कि, हाम उनलाइ जाण्नाउ।

रोमी 7:22

क्याकि म मेरा सारा हृदयले परमेश्वरका कानुनमी आनन्दित हुनउ।

यूहन्नाले लेख्या सुसमाचार 15:14

म तमनलाइ जी जी शिक्षा दिद्दउ तिन तमनले पालन अर्या भण्या तमन मेरा साथी हौ।

हिब्रु 8:10

भविष्यमी म इस्राएल देशका मान्सनसित यइ करार बाद्द्या हु, म तिननलाइ मेरो कानुनका बारेमि सोच्या बनाउन्या हु, रे तिननले तइलाइ आफ्ना हृदयमि राख्द्या हुन, रे म तिनरा परमेश्वर हुन्या हु, रे तिनन मेरा प्रजा हुन्या हुन।

रोमी 7:12

तबइकिलाइ हाम समग्रमि भण्ना उ कि कानुन पबित्र छ, रे आज्ञा पबित्र, धर्मि रे असल छ।

मत्ती 23:4

हो, तिनन भौत नियम बनाउनाहान जो मान्सनले माण्न कठीन हुन्छ। तर तिनन आफइले बनाया नियम माण्न कोशिस लगइ अद्दाइन्न।