१ यूहन्ना 4:21 - डोटेली नयाँ करार

²¹ हामले उन बठेइ यो आज्ञा पायाछौ, कि जइले परमेश्वरलाइ प्रेम अरन्छ तइले बिश्वासिनलाइ लगइ प्रेम अद्दु पणन्छ।

१ यूहन्ना 4:21 Referans Kwoze

१ यूहन्ना 3:11

तमनले सुरु बठेइ नइ सुण्याको सन्देश यइ हो हामले एक अर्खालाइ प्रेम अद्दु पणन्छ।

१ थेसलोनिकि 4:9

तर बिश्वासि भाइनकिलाइ प्रेमको बारेमि कसइले तमनलाइ लेख्द जरुरी आथिन, क्याकि एक-अर्खालाइ प्रेम अद्दु भण्न्या कुरणी तमन आफइले लगइ परमेश्वर बठेइ शिक्षा पायाछौ।

१ पत्रुस 3:8

अन्त्यमि म तमनलाइ यो भणन चाहनउ, कि एकतामी बस, एक अर्खाकि निउति वास्ता अर, एकइ परिबारका सदस्य जसेइ एक अर्खालाइ प्रेम अर। एक अर्खा प्रति दयालु होउ, रे एक अर्खासित नम्र होउ।

गलाती 5:14

क्याकि सब कानुन एकइ आज्ञामी छ, “तुइले आफ्नो छिमेकिलाइ आफलाइ जसेरि प्रेम अर।”

यूहन्नाले लेख्या सुसमाचार 15:12

जसेरि मइले तमनलाइ प्रेम अरिराइछु। उसेरी तमन लगइ एक अर्खासित प्रेम अर यो मेरो शिक्षा हो।

१ यूहन्ना 3:23

रे उनरो आज्ञा यइ हो कि हामले उनरा चेलो येशू ख्रीष्टका नाउँमि बिश्वास अद्दु पणन्छ रे उनले हामलाइ आज्ञा दिया अन्सार हामले एक-अर्खालाइ प्रेम अद्दु पणन्छ।

१ यूहन्ना 3:14

हाम जाण्नाउ कि हाम त मृत्युका सक्तिका अधिनमी आथिन, तर आब हामसित परमेश्वर बठेइ अनन्त जीवन छ। क्याकि हाम और बिश्वासि भाइनलाइ प्रेम अद्दाउ। जइले और बिश्वासि भाइनलाइ प्रेम अद्दइन त्यो आजी लगइ मृत्युका अधिनमी हुन्छ।

१ पत्रुस 4:8

सब भण्ना महत्त्वपुर्ण एक अर्खालाइ गइलो प्रेम अर। क्याकि यदि तमनले मान्सनलाइ प्रेम अर्या भण्या, तमन सदाइ तिननले अर्या केइलगइ पाप क्षमा अद्द तयार हुन्या हौ।

लूका 10:37

तइले भण्यो, “तइ मान्समि दया धेकाउन्यावालो।” तब येशूले तइलाइ भण्यो, “जा, तु लगइ तसोइ अर।”

१ यूहन्ना 4:11

प्यारा हो, यदि परमेश्वरले हामलाइ इसेरि प्रेम अर्या हो भण्या हामले लगइ एक-अर्खालाइ प्रेम अद्दु पणन्छ।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

१ यूहन्ना 3:18

तमन जो मेरा प्यारा बालक जसाइ छौ, हाम खाली सब्दले मान्त्तर जन भणु कि एक-अर्खालाइ प्रेम अददाउ, तर हामले खाचोमी भयालाइ साच्ची सहयोग अददु पणन्छ, जसेरि परमेश्वरले हामलाइ साच्ची प्रेम अददाहान।

मत्ती 5:43

“तमनले यो आज्ञा सुणिराइछौ, ‘तेरा पडौसिलाइ प्रेम अर, रे तेरा दुश्मनलाइ हेला अर।’

१ यूहन्ना 2:7

प्रिय हो, म तमनलाइ नयाँ आज्ञा होइन तर तसइ पुरानो आज्ञा लेख्दाछु, जो सुरु बठेइ तमनसित थ्यो, यो पुरानो आज्ञाको बचन हो, जो तमनले ख्रीष्टमी बिश्वास अर्या बेला सुण्या थ्या।