१ कोरिन्थी 8:1 - डोटेली नयाँ करार

¹ आब मुर्तिलाइ चडाया खान्या कुरणीका बारेमि तमनले सोध्या प्रस्नको उत्तर यो हो: हाम जाण्नाउ, कि हाम सबलाइ यिन कुरणिका बारेमि था छ। यिन सब कुरणी जाण्या हुनाले हाम घमण्ड अददाउ, तर प्रेमले हामलाइ औरकि निउति सहयोग बनाउन्छ।

१ कोरिन्थी 8:1 Referans Kwoze

१ कोरिन्थी 8:7

तर हामरा कोइ बिश्वासीले अइल सम्म बुज्या आथिन कि मुर्तिमि केइ सक्ति आथिन। क्याकि तिननले पइल्ली यिन मुर्तिको पुजा अद्दया अर्न्थ्या, अइल तिननले जब मुर्तिलाइ चडाया खानाइ खानाहान, तब तिनन गल्तिले यिसो सोच्चाहान कि तिनन अइल लगइ मुर्तिपुजामि सामेल छन। तिनन आफ्ना सोचाइमि पक्‍का आथिन, तिननले गल्तिले सोच्चाहान कि मुर्तिलाइ चडाया खानाइ खायाले तिनन पाप अददाहान।

रोमी 14:3

मासु खान्याले सागपात खान्यालाइ तुच्छ जन माणउ, रे सागपात खान्याले मासु खान्यालाइ दोस जन लाउ। क्याकि परमेश्वरले दुएइलाइ स्वीकार अद्दाहान।

प्रकाश 2:14

तर तमरा बिरोधमी मेरो केइ गुनासो छ:क्याकि पइल्लिका समयमि अगमबक्ता बिलामले सिकाया जसेरि झुटा शिक्षा दिन्यालाइ तमन बिरोध अददानु। बालामले राजा बालाकलाइ सिकायो कि इस्राएल देशका मान्सनलाइ पाप अददाइलाइ लोपमि पड्डाइलाइ कि अददु पणन्छ। उनले मुर्तिलाइ चडाइया खाना खानाइ रे अनैतिक जीवन बिताउन सिकायो।

१ कोरिन्थी 8:4

तसेरि म मुर्तिलाइ चडाया खान्या कुरणीका बारेमि उत्तर दिनउ। हाम जाण्नाउ कि एक मान्तर जिउना परमेश्वर छन, रे यइ संसारमी भया मुर्तिमि जीवन आथिन।

१ कोरिन्थी 8:2

यदि तमनलाइ केइ था छ भणन्या कसइलाइ लगन्छ भण्या, अइल सम्म तइले साच्ची जाण्नु पड्डया कुरणी केइलगइ जाणन्या हुनइन।

रोमी 15:14

बिश्वासि भाइन हो, मलाइ पक्‍का था छ, कि तमन आफइ लगइ भलाइले भरिरइछौ, रे तमनले अददु पड्डया काम तमनलाइ पुरा था छ रे एक-अर्खालाइ सिकाउन सकन्छौ।

एफिसी 4:16

हाम सब ख्रीष्टमी बिश्वास अद्दया उनरा शरीरका अंग जसाइ हु, जसेरि एक मान्सका शरीरका अंग उइका सब जोर्नी बठेइ जोडिया हुनाहान, रे जब शरीरका जम्माइ अंग ठीकसित काम अददाहान, तब शरीर बडन्छ रे बलियो हुन्छ, तसेरि जब ख्रीष्टले हाम हरेकलाइ दिया काम अददाउ, हाम बलिया रे परिपक्व हुनाउ रे एक अर्खालाइ भौत प्रेम अददाउ।

१ कोरिन्थी 15:34

जी ठीक छ तइका बारेमि ध्यानसित बिचार अर, आब बठेइ पाप जन अर। क्याकि तमनमि हइ कति जानाको परमेश्वरसित असल सम्बन्ध आथिन। तमनलाइ लाजमि पाड्डाइ मइले यो भण्या हु।

प्रेरित 15:29

कि तिनन मुर्तिलाइ चडाया खानाइ रे व्यभिचार बठेइ अलग रउन, गलो अठ्यइबर मार्या पशुको सिकार रे रगत जन खाउन रे यिन कुरणी बठेइ अलग रया भण्या असल हुन्या हो।”

१ कोरिन्थी 10:28

तर यदि कसइले तमलाइ त्यो खाना मुर्तिलाइ चडायाथ्यो भण्यो भण्या, आफ्ना बिबेकका खातिर होइन, तर तइ भणन्या मान्सका बिबेकका खातिर त्यो जन खा। क्याकि मेरो खान्या स्वतन्त्रताकि निउति और मान्सको बिबेकले मलाइ दोषि जनबनाओस।

प्रेरित 21:25

तर प्रभु येशूमि बिश्वास अद्द्या गैर-यहुदि मान्सन, ‘मुर्तिलाइ चडाया खानाइ, सिकार रे रगत बठेइ अलग बस, व्यभिचार बठेइ अलग बस रे गलो अठ्यइबर मार्या पशुको सिकार जन खा’ भण्न्या पक्‍का अरि चिठ्ठी लेखबर पठाइ सक्या छु।”

प्रेरित 15:10

तबइकिलाइ हामरो यहुदि कानुन रे रितको पालन अद्दाइकिलाइ यिन गैर-यहुदि बिश्वासीमि ठुलो भारि राखिबर क्याइ परमेश्वरको परिक्षा अर्न्छौ, जइलाइ न त हामरा पुर्खानले न त हामले बोक्द सक्या।

प्रकाश 2:20

तर तमरा बिरोधमी मेरो यो गुनासो छ: तमन तइ आइमाइ इजेबेललाइ झुटा शिक्षा फैलाउन दिन्छौ। उन भणन्छिन उन एक अगमबक्ता हु, तर उनरो शिक्षाले उन मेरा मान्सनलाइ यौन पापमि भाग लिनाइ रे मुर्तिलाइ चडाइया खाना खानाइ लाउँछिन।

कलस्सी 2:18

ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

१ कोरिन्थी 14:20

बिश्वासि भाइन हो, यिन कुरणी बुज्ज्या बारेमि बालक जन हौ, खराब कुरणीकी निउति बालक जसाइ निर्दोष बन, तर यिसा कुरणी बुज्जाइ परिपक्क्व बन।

१ कोरिन्थी 5:6

तइ अनैतिक मान्सका बारेमि दुःख माणनु रे तइलाइ हटाउनुका सट्टामी, मण्डलिले तइका बारेमि घमण्ड अददाछ। थोक्काइ खमिरले जम्माइ ढुल्लोलाइ फुलाइ दिन्छ भण्नया तमनलाइ पक्‍का था छ। तसेरि यदि एक मान्सलाइ पाप अद्द अनुमति दिया भण्या, छिट्टाइ तइ मान्सले और मान्सनलाइ प्रभाव पाड्डया हो।

१ कोरिन्थी 5:2

तमनले यइ कुरणिका बारेमि दुःख रे सोक माणनु पड्डयाथ्यो रे इसो अद्द्या मान्सलाइ मण्डलि बठेइ बाइर निकल्लु पणन्छ। तर तमन त घमण्ड अरन्छौ।

१ कोरिन्थी 4:18

तमनमि हइ कसइले यो सोच्चाहान कि म तमनलाइ भेट्टाइ आउन्या होइन, तबइकिलाइ तिनन घमण्डि भया छन।

१ कोरिन्थी 4:10

हामले ख्रीष्टका बारेमि प्रचार अर्या हुनाले मान्सनले हामलाइ मुर्ख माणन्नाहान, तर तमन गल्तिले इसो सोचन्छौ कि ख्रीष्टमी तमन बुद्दिमान छौ! भौत मान्सनले हामसित अधिकार नभया सोच्चाहान। तर तमन घमण्डसित भणन्छौ, कि तमनसित परमेश्वरले दियाको सक्ति छ। मान्सनले हामरो आदर अद्दइन, तर तमरो आदर अददाहान।

१ कोरिन्थी 1:5

क्याकि ख्रीष्ट येशूसित मिलाप भया हुनाले तमनले हरेक किसमले भौत आशिस पायाछौ। खास अरिबर उनले तमनलाइ उनरो बचन बोल्लाइ रे बुज्जाइ हरेक किसिमको खास क्षमता दिया छ।

रोमी 14:22

तुइले यो बिश्वास अद्द सकन्छइ कि तुइले अद्दारया काम गलत आथिन, तर यइ कुरणीलाइ आफना रे परमेश्वरका बिचमि राख। धन्यको हो त्यो मान्स, जइले आफले उचित माण्या कुरणिका लाग्दा आफइलाइ दोषि माणनु पड्डइन।

रोमी 14:14

म जाण्नउ, रे प्रभु येशूमि मलाइ पक्‍का छ, कि सब खाना चलन अनसार सुद्द छन, तर जइले त्यो असुद्द माणन्छ, तइका निउति त्यो अशुद्धइ हुन्छ।

रोमी 14:10

तब तमन क्याइ बिश्वासि साथीको न्याय अरन्छौ? अथवा बिश्वासि साथीलाइ क्याकि तुच्छ माणन्छौ? याद अर कि हाम सबको न्याय परमेश्वरले अद्द्या हुन।

रोमी 12:16

एक-अर्खासित मिलिबर बस, घमण्ड जन अर, तर नम्र मान्सनसित संगत अर। आफना नजरमि बुद्दिमान जन होउ।

रोमी 11:25

बिश्वासि भाइन हो, म तमन गैर-यहुदि घमण्डि भया चाहानइन। तबइकिलाइ म इस्राएल देशका मान्सनलाइ कि भयो भणन्या कुरणीको रहस्य ब्याख्या अद्दया हु। इस्राएल देशका केइ मान्सन हटि भया छन, रे तिनन तब सम्म हटि हुन्या हुन जबसम्म परमेश्वरमि आउन्या तमन गैर-यहुदि मान्सनको संख्या पुरा हुनइन।

रोमी 14:19

तबइकिलाइ हामले सान्ति ल्याउन्या कोशिस अददु पणन्छ, रे एक-अर्खाको बिश्वासलाइ बालियो बनाउनु पणन्छ।

१ कोरिन्थी 4:6

बिश्वासि भाइन हो, मइले आफनो रे अपोल्लोसका बारेमि भण्या छु, ताकि तमनले हामलाइ उदाहरणका रुपमि लिन सक, रे तमनले यइको अर्थ जाण्न सक, जइले इसो भणन्छ, “पबित्र सास्त्रमि लेखिया भण्ना बड्ता जन अर।” यदि तमनले एकलाइ आदर अरन्छौ, रे अर्खालाइ तुच्छ सोचन्छौ भण्या, यो असल होइन।

१ कोरिन्थी 10:15

म तमन समजदार मान्सनलाइ भण्नाछु, मइले भण्या कुरणी ठीक छ कि आथिन तमन आफइ बिचार अर।