१ कोरिन्थी 4:10 - डोटेली नयाँ करार

¹⁰ हामले ख्रीष्टका बारेमि प्रचार अर्या हुनाले मान्सनले हामलाइ मुर्ख माणन्नाहान, तर तमन गल्तिले इसो सोचन्छौ कि ख्रीष्टमी तमन बुद्दिमान छौ! भौत मान्सनले हामसित अधिकार नभया सोच्चाहान। तर तमन घमण्डसित भणन्छौ, कि तमनसित परमेश्वरले दियाको सक्ति छ। मान्सनले हामरो आदर अद्दइन, तर तमरो आदर अददाहान।

१ कोरिन्थी 4:10 Referans Kwoze

१ कोरिन्थी 2:3

म तमरा वाँ दुर्बलतामि रे बडताइ डरले कामीबर आया।

प्रेरित 26:24

पावलले आफ बाँच्चाइ यिन कुरणी बोल्ला बोल्लाइ ठुला हाकिम फेस्तसले जोरले भण्यो, “ए पावल, तु बौलिया हइ, तेरा भौत ज्ञानले तुलाइ बौलारि बनाइराइछ।”

प्रेरित 17:18

तिन शिक्षक जो इपिक्युरी रे स्तोइकी दार्सनिक भणबर चिनीन्थ्या, तिननमि हइ केइ मान्सनले लगइ तिनसित वाद-बिबाद अर्यो। तिनन केइ मान्सनले भण्यो, “यो भकभक्या कि भणन्छ?” और मान्सनले भण्यो, “कोइ और देबतानको प्रचार अद्दा छ।” क्याकि तिननले येशू मर्या बठेइ जिउना भया हुन भण्न्या बचन प्रचार अरन्थ्या।

१ पत्रुस 4:14

यदि ख्रीष्टका नाउँमि तमन निन्दित भया भण्या तमन धन्यका हौ। क्याकि महिमित परमेश्वरका आत्मा तमनमि बास अददाहान।

२ कोरिन्थी 13:9

क्याकि हाम कमजोर हुन्ज्या रे तमन बिश्वासमि बलिया हुन्ज्या हाम आनन्दित हुनाउ। हाम प्रार्थना अद्दाउ कि तमरा बिश्वासमि सिद्द हुनाइ जा।

१ कोरिन्थी 3:18

आफइलाइ धोका दिन छाड। यदि तमन यइ संसारका नजरमि आफलाइ बुद्दिमान सम्जन्छौ भण्या, तमनले यइ संसारका नजरमि आफलाइ मुर्ख बनाउनु पणन्छ, ताकि तमन परमेश्वरका नजरमि साच्ची बुद्दिमान बन्न सक।

१ थेसलोनिकि 4:8

तबइकिलाइ जइले यो आज्ञा माणनइन तइले मान्सनको होइन तर परमेश्वरको आज्ञा माणनइन, जइ परमेश्वरले तमनलाइ आफ्नो पबित्र आत्मा दिनाहान।

२ कोरिन्थी 11:29

जब कोइ कमजोर छ रे म लगइ कमजोर महसुस अद्दउ। जब कसइलाइ पापले दोर्याउछ रे म ब्याकुल हुनउ।

२ कोरिन्थी 11:19

तमन आफइ इति बुद्दिमान भइबर खुसीसित मुर्खलाइ सन्छौ।

२ कोरिन्थी 10:10

क्याकि केइ मान्सन भण्नाहान, तइले लेखेइ चिठ्ठी गहकिलि रे प्रभाबशाली हुन्छे, तर त्यो आफइ हाजिर हुन्तक भण्या त्यो कमजोर हुन्छ रे तइको बचनको केइ महत्त्व हुनइन।

१ कोरिन्थी 10:12

तबइकिलाइ कसइ बिश्वासि जइले आफ्नो बिश्वासमि आफ सुरक्षित छु भणन्या, सोचन्छ भण्या उ होशियार हुनु पणन्छ, ताकि उ तसइ पापमि जन पडउ।

१ कोरिन्थी 4:8

यो ठीक होइन, कि तमनले आत्मिक रुपमि चाइन्या सब कुरणी पाइसक्याछौ भणि धेकाउछौ। तमन इसो धेकाउछौ कि तमन आत्मिक रुपमि धनि छौ। तमन इसो धेकाउछौ कि तमनले हाम बिना राजाका रुपमि सासन अद्द सुरु अरि सक्याछौ। तमनले साच्ची उनसित सासन अर्या भया म खुशी हुनेइथ्या, ताकि हाम छान्या मान्स लगइ तमनसित सासन अद्देइथ्या!

१ कोरिन्थी 3:2

मइले तमनलाइ परमेश्वरको बचन बठेइ गइला शिक्षा होइन, तर आधरभुत शिक्षा मान्तर सिकाया। क्याकि तइ समयमि तमन तसो शिक्षा पाउनाइ रे बुज्जाइ तयार थ्यानु, आजी लगइ तमन तयार आथिनु।

१ कोरिन्थी 2:14

जो मान्स आत्मिक आथिन, तइले परमेश्वरका आत्माका सत्य कुरणीलाइ ग्रहण अद्दइन। क्याकि तिन कुरणी तइका निउति मुर्खता हुनाहान। उइले तिन कुरणी बुज्ज सक्दाइन क्याकि जइ मान्समि पबित्र आत्मा रनाहान उइले मान्तर परमेश्वरकि कुरणी बुज्ज सकन्छ।

प्रेरित 17:32

जब तिननले मर्या बठेइ जिउना हुन्या बारेमि सुण्यो, तब कसइ-कसइले खिसि काट्यो। तर औरले हाम आजी यइ कुरणी सुण्नाउ भण्यो।

प्रेरित 9:16

क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”

लूका 18:9

आफना बारेमि सोच्यावाला रे आफइलाइ धर्मि माणिबर औरलाइ तुच्छ माण्न्या केइ मान्सनलाइ उनले यो काहानि सुणायो:

लूका 10:16

“जइले तमनका कुरणी सुणन्छ, तइले मेरा कुरणी सुणन्छ। जइले तमनलाइ अस्वीकार अरन्छ, तइले मलाइ अस्वीकार अरन्छ, रे जइले मलाइ अस्वीकार अरन्छ, तइले मलाइ पठाउन्यालाइ अस्वीकार अरन्छ।”

लूका 6:22

धन्य तमन, जब मान्सनले तमनलाइ म, मान्सको चेलोका लाग्दा घृणा अद्दाहान रे बहिस्कार अद्दयाहुन, रे हेला अद्देहुन, रे दुष्ट भणबर तमरा नाउलाइ अपमान अद्दया हुन।

मत्ती 24:9

तब जो मान्स तमरो बिरोध अरन्छ तमनलाइ संकटकि निउति दिन्या हुन, रे मारिदिन्या हुन। रे तमनलाइ सब जातिले घृणा अद्दया हुन क्याकि तमन ममि बिश्वास अर्न्छौ।

मत्ती 5:11

“धन्य हो तमन, जब मान्सनले मेरा निउति तमरो बदिनाम अद्दाहन रे सताउनाहान, रे झुटि बोलिबर तमरा बिरुद्दमि खराब कुरणी भण्नाहान क्याकि तमन मेरा शिष्या हौ।

१ कोरिन्थी 1:21

म यो भणनउ क्याकि परमेश्वरले बुद्दीसित निर्णय अर्यो कि यइ संसारका मान्सन आफ्ना बुद्दि बठेइ उनलाइ चिन्न सकद्या आथिन। तबइकिलाइ हामले प्रचार अर्या सुसमाचारमि बिश्वास अद्द्यालाइ परमेश्वरले बचाउन्या निर्णय अर्यो, जबकि हामरो प्रचारमि बिश्वास नअद्द्याले भण्नाहान कि यो केइ कामको आथिन।

१ कोरिन्थी 1:23

तर हाम प्रचार अददाउ कि ख्रीष्ट हामरा पाप बठेइ छुटकारा दिनइ क्रुसमि मर्या। जो यहुदि मान्सनका निउति बाधा रे गैर-यहुदि मान्सनकि निउति मुर्खता हो।

१ कोरिन्थी 1:25

क्याकि जो कुरणी परमेश्वरको मुर्खता जसो लागन्छ त्यो मान्सनका बुद्दि भण्न्ना श्रेष्‍ठ छ रे जो कुरणी परमेश्वरको दुर्बलता जसो लागन्छ त्यो मान्सनका ताकत भण्ना सक्तिशाली छ।

२ कोरिन्थी 6:8

मान्सनले हामरो प्रसंसा अरन्ज्या अथवा तिननले हामलाइ घृणा अरन्ज्या, मान्सनले औरलाइ हाम ननिका छौ भणन्ज्या, अथवा निका छौ भणन्ज्या। हाम इमानदार छौ, तर तिननले भण्नाहान कि हाम झुटा छौ।

२ कोरिन्थी 4:12

तसइउइले हाम मृत्युका खतरामी बाँच्याछौ तर यइले तमनकीलाइ अनन्त जीवन लेया छ।