१ कोरिन्थी 3:3 - डोटेली नयाँ करार

³ तमन अइल लगइ संसारका मान्सन जसा छौ। क्याकि जब तमरा बिचमि झगडा रे इख हुन्छ, तब तमन यइ संसारका मान्सन जसा हउ भणबर धेकाउनइन ब? रे तमन यइ संसारका मान्सनले जसेरि जीवन बिताउछौ, जो प्रभुका होइन्न।

१ कोरिन्थी 3:3 Referans Kwoze

याकुब 3:16

क्याकि जाँ डाहा रे स्वार्थपूर्ण अभिलाषा हुन्छ, ताँ गडबडी रे हर प्रकारको दुष्ट काम हुन्छ।

तितस 3:3

क्याकि हाम लगइ बिश्वासि हुनाहइ पइल्ली मुर्ख, परमेश्वरको आज्ञा नमाणन्या, रे मान्सनले हामलाइ धोकामी पाड्या थ्यो, रे हरेक किसिमका दुष्ट काम अद्द्या इच्छाले नियंत्रित अर्या हुनाले, हाम नौकर जसाइथ्या, हाम यिसो अददु निको माणन्थ्या, रे हामले आफ्नो जीवन दुष्ट काममी रे औरकि रिस माणिबर बिताया, हरेकले हामलाइ घृणा अरन्थ्या रे हाम तिननलाइ घृणा अरन्थ्या।

गलाती 5:15

तर यदि तमन एकले पशुकि जसेरि एक अर्खालाइ काट्ट्या रे कपोद्या अरन्छौ भण्या, तमनले एक अर्खालाइ नष्ट जन अर भणबर तमन होशियार हुनु पणन्छ।

२ कोरिन्थी 12:20

क्याकि म आउन्ज्या मइले इच्छा अरे अनसार तमनलाइ नभेटलो, रे तमनले लगइ मलाइ आफले इच्छा अर्या अनसार भेट्टउनानु कि भण्न्या मलाइ डर लाग्या छ। सायद ताँ झगडा, डाहा, क्रोध, स्वार्थ, बदख्याइ, निन्दा, चर्चा, अभिमान रे गोलमाल हुन्छ होलो।

१ कोरिन्थी 11:18

मेरो भणाइको मतलब, मण्डलिमि आराधना अददाइ जम्मा हुन्ज्या तमनमि फाटो हुन्छ भणन्या म सुण्नउ। रे म बिश्वास अद्दउ कि तिननले भण्या कुरणी केइ हद सम्म सत्य छन।

१ कोरिन्थी 1:11

क्याकि मेरा बिश्वासि भाइन हो, तमनमि झगडा छ भणबर मलाइ क्लोएका परिबारले खबर दिराइछ।

रोमी 13:13

हाम अन्धकारमि होइन तर ज्योतिमि बस्सया मान्सन जसेइ उचित ब्यबहार अरौ। मोजमजामि, दारु खानामि, व्यभिचारमि, भ्रष्टाचारमि, झगडामि रे रिसमि होइन।

१ पत्रुस 4:2

जइका लाग्दा तइ मान्सले यइ पृथ्बीमि आफ्नो बाँकि जीवन आफ्नइ पापी मानब इच्छा पुरा अरिबर बाँच्या आथिन, तर उइले परमेश्वरले चाया काम अद्द्या हो।

१ कोरिन्थी 1:10

बिश्वासि भाइन हो, हामरा प्रभु येशू ख्रीष्टका नाउँमि म तमनलाइ बिन्ति अद्दउ कि तमन एक दोसरा सित सहमत होउ, ताकि तमरा बिचमि केइलगइ फुट जन होउ। बरु तमन एकइ मन एकइ बिचारका होउ।

१ कोरिन्थी 3:4

क्याकि एकले, “म पावलको शिष्य हु”, अर्खाले, “म अपोल्लोसको शिष्य हु,” भण्छौ भण्या तमन यइ संसारका मान्सनले जसेरि जीवन बिताउछौ, जो प्रभुका होइन्न।