१ कोरिन्थी 16:15 - डोटेली नयाँ करार

¹⁵ बिश्वासि भाइन हो, तमनलाइ था छ, कि स्तिफनास रे उइका परिबार अखैया प्रदेशमि बिश्वास अद्द्यामि तिनन पइला बिश्वासि हुन। तिननले पबित्र जनका सेवामि आफइलाइ समर्पण अर्या छन।

१ कोरिन्थी 16:15 Referans Kwoze

१ कोरिन्थी 1:16

अइल मलाइ याद आयो कि मइले स्तिफनासका परिवारलाइ लगइ बप्तिस्मा दिया हु। तइ बाहेक मइले और कसइले बप्तिस्मा दिया कुरणी मलाइ था आथिन।

रोमी 16:5

तिनरा घरमि जम्मा हुन्या मण्डलिलाइ अबिबादन दिय। मेरा प्यारा भाइ इपेनितस, जो एसिया प्रदेस बठेइ ख्रीष्टमी बिश्वास अद्दया पइलो मान्स हुन, तिनलाइ अबिबादन दिय।

१ पत्रुस 4:10

हरेक मान्सले परमेश्वरको अनुग्रह बठेइ बरदान पाया छ रे तिननले त्यो बरदान औरलाइ सहयोग अददाइ प्रयोग अददु पणन्छ। तिननले आफ्ना बरदान परमेश्वरका असल दासकि जसेरि निक्केरि प्रयोग अददु पणन्छ।

२ कोरिन्थी 9:1

यरुशलेम सहरका परमेश्वरका मान्सन निउति दिया पैसाका बिसयमि तमनलाइ लेखिराख्द मलाइ आवश्यक आथिन।

२ कोरिन्थी 8:4

तिननले यरुशलेम सहरमि भया पबित्र जनका सहायताका निउति भाग लिन्या मौका पाउँ भणबर हामलाइ आग्रहपुर्वक बिन्ति अर्यो।

रोमी 16:2

परमेश्वरका मान्सनले एक अर्खालाइ स्वागत अर्या जसेरि तमनले तिनलाइ प्रभुमि स्वागत अर रे तिनलाइ तमन बठेइ चाइय्या सहयोग अर, क्याकि तिन आफइले भौत मान्सनलाइ रे मलाइ लगइ सहयोग अरेइ छन।

रोमी 15:25

आब म पबित्र जनलाइ उपहार दिनाइ यरुशलेम सहर जान्ना छु।

रोमी 12:13

परमेश्वरका मान्सनका खाँचोमी सहयोग अर, पाउनाको सत्कार अरि राख।

प्रकाश 14:4

तिनरो जीवन पबित्र छ। तिन उन बैकान जसा छन जइले कभइ व्यभिचार अर्या आथिन, जइले केइलगइ कुरणीको कभइ आराधना अर्या आथिन, तिनन केवल थुमाको मान्तर आराधना अददाहान। थुमा जाँ जानाहान, ताँ तिनन लगइ जानाहान। तिनन तिनइ हुन जइलाइ पृथ्बीका सब मान्सनमि हइ छुटाइया छन। मान्सनले आफ्नो फसलको पहिलो फल परमेश्वरलाइ चडाया जसेरि, तिनन परमेश्वर रे थुमालाइ पइलो भेटिका रुपमि चढाइया छन।

हिब्रु 6:10

परमेश्वर निष्पक्ष छन, उनले तमनले अर्या काम रे और बिश्वासिनलाइ सहयोग अरिबर उनरो निउति धेकाया प्रेम बिस्सद्या आथिन। रे उन सम्जन्या हुन कि तमनले तिननलाइ आजी लगइ सहयोग अददाछौ।

फिलेमोन 1:7

मेरा बिश्वासिन हो, तमरो और प्रतिको प्रेम बठेइ मइले भौत आनन्द रे हौसला पाइराइछु, क्याकि तमन बठेइ पबित्र जनका हृदय आजी उत्साहित भया छन।

१ तिमोथी 5:10

और मान्सन पक्‍का हुनु पणन्छ कि तइले सदाइ निको काम अर्याछ, उदाहरणकिलाइ: तइले आफ्नो चेला-चेलीलाइ निक्केरि हुर्काया, नचिन्या मान्सनलाइ आफना घरमि स्वागत अर्या, तइले परमेश्वरका जनको नम्र भइबर सेवा अर्या, रे तइले समस्यामि भया मान्सनलाइ सहयोग अर्या। तइले यिन सब असल कुरणी अद्दाइलाइ आफइलाइ समर्पित अर्या हुनु पणन्छ।

१ कोरिन्थी 16:17

स्तिफनास, फोटुनाटस रे अखाइकस आया हुनाले म आनन्दित भया, क्याकि तमन याँ नभया बेला तिननले मलाइ सहयोग अर्यो।

रोमी 15:31

ताकि परमेश्वरले मलाइ यहुदिया क्षेत्रमी बस्या अबिश्वासी बठेइ बचाउन सकुन, रे यरुशलेम सहरका पबित्र जन मइले लइया सहयोग पाइबर खुशी हुन्या हुन।

प्रेरित 18:12

जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

१ कोरिन्थी 16:1

आब यरुशलेम सहरमि भया पबित्र जनका निउति जम्मा अर्या भेटिका बारेमि तमनले सोध्या प्रस्नको उत्तर यो हो: गलातिया प्रदेशका मण्डलिलाइ मइले दिया आदेस अन्सार तमनले अर।