१ कोरिन्थी 15:34 - डोटेली नयाँ करार

³⁴ जी ठीक छ तइका बारेमि ध्यानसित बिचार अर, आब बठेइ पाप जन अर। क्याकि तमनमि हइ कति जानाको परमेश्वरसित असल सम्बन्ध आथिन। तमनलाइ लाजमि पाड्डाइ मइले यो भण्या हु।

१ कोरिन्थी 15:34 Referans Kwoze

१ कोरिन्थी 6:5

तमरो लाज अराउनाइ म यो भण्नउ। तमनमि आफना संगि बिश्वासीनका बिचको असहमतिको न्याय अददाइ एक जानो बुद्दिमान त पक्‍का लगइ छ।

रोमी 13:11

तमन हरेकले एक-अर्खालाइ प्रेम अरि राख्दु पणन्छ, क्याकि त्यो बेला जब परमेश्वरले हामलाइ यो नजिक आइ सक्या दुष्ट संसार बठेइ बचाउन्या हुन। हामले पइल्ली बेर ख्रीष्टमी बिश्वास अर्या भण्ना अइल यो नजिकइ छ। यो बुजिबर तमन निन बठेइ बिउजीबर होशियार हुनु पणन्छ।

एफिसी 5:14

तबइकिलाइ मान्सन इसो भण्नाहान, “हे निनमि पण्या बिउज, रे मर्या बठेइ जिउना होउ, रे ख्रीष्टले तमनलाइ ज्योति दिन्या हुन।”

१ कोरिन्थी 8:7

तर हामरा कोइ बिश्वासीले अइल सम्म बुज्या आथिन कि मुर्तिमि केइ सक्ति आथिन। क्याकि तिननले पइल्ली यिन मुर्तिको पुजा अद्दया अर्न्थ्या, अइल तिननले जब मुर्तिलाइ चडाया खानाइ खानाहान, तब तिनन गल्तिले यिसो सोच्चाहान कि तिनन अइल लगइ मुर्तिपुजामि सामेल छन। तिनन आफ्ना सोचाइमि पक्‍का आथिन, तिननले गल्तिले सोच्चाहान कि मुर्तिलाइ चडाया खानाइ खायाले तिनन पाप अददाहान।

रोमी 1:28

रे तिननले परमेश्वरको पुरा ज्ञानलाइ स्वीकार अद्द उचित माणइन, क्याकि परमेश्वरले लगइ तिननलाइ त्यो सब अनुचित काम अददाइलाइ तिनरा कुबिचारमी छाडिदियो।

यूहन्नाले लेख्या सुसमाचार 8:11

तइले भण्यो, “कसइले ठहराएइन प्रभु।” पइ येशूले भण्यो, “म लगइ तुलाइ दोषि ठहराउनइन, आब आफ्ना घर जा रे आब बठेइ पाप जन अरेइ।”

यूहन्नाले लेख्या सुसमाचार 5:14

तइ पछा येशूले तइलाइ मन्दिरको आगनमी भेटीबर भण्यो, “हेर, तु निको होइरइछइ। आजी पाप जन अरेइ, रे तुमि आजी बड्ता खराबी आइ जन पडउ।”

१ थेसलोनिकि 4:5

तर तमन परमेश्वरलाइ नचिन्न्या अविश्वासीकी जस्या आफना शरीरका दुष्ट इच्छाको दास जन बन।

मत्ती 22:29

येशूले तिननलाइ जबाफ दियो, “तमन भ्रममि पडिरइछौ, क्याकि तमन पबित्र सास्त्रले कि भण्या छ जाणनानु, रे परमेश्वरको सक्तिको बारेमि जाणनानु।

प्रेरित 26:8

पइ पावलले ताँ जम्मा भया तिनन सब यहुदि मान्सनलाइ भण्यो, ‘तमन परमेश्वरले मर्या बठेइ जिउना बनाउनाहान भण्नेइ कुरणीमि बिश्वास अरन्छौ, पइलगइ उनले येशूलाइ मर्या बठेइ जिउना बनायो, भण्नेइ कुरणीलाइ तमन क्याइ इन्कार अरन्छौ?’”

१ कोरिन्थी 4:14

तमरि लाज अद्दाइ मइले यिन कुरणी लेख्या होइन, तर मेरो उद्देश्य तमनलाइ अनुशासनमि राख्द्या हो, क्याकि तमन मेरा बालक जसाइ हौ, जइलाइ म साच्ची प्रेम अद्दउ।