१ कोरिन्थी 14:4 - डोटेली नयाँ करार

⁴ नसिक्या फरक फरक भासामि बोल्लयाले आफ्नोइ आत्मिक उन्नति अरन्छ। तर अगमबाणी बोल्ल्याले मण्डलिको आत्मिक उन्नति अराउछ।

१ कोरिन्थी 14:4 Referans Kwoze

१ कोरिन्थी 14:22

तबइकिलाइ फरक फरक भासा बिश्वासीका निउति होइन्न तर अबिश्वासीनका निउति चिन्ह हो, ताकि तिननले था पाउन सकुन कि यो परमेश्वर बठेइ हो। तर अगमबाणी बोल्लु अबिश्वासीनका निउति होइन तर बिश्वासीनका निउति हो, ताकि तिनन बिश्वासमि बलिया हुन सकुन।

१ कोरिन्थी 14:26

बिश्वासि भाइन हो, कसेरी आराधना हुनु पणन्छ भण्नेइ कुरणी सुण, तमन आराधनाकि निउति जम्मा हुन्ज्या तमनमि हइ कसइले भजन गाउछ, कसइले शिक्षा दिन्छ, कसइले प्रभुले दिया प्रकाश भणन्छ, कसइले नसिक्या फरक फरक भासामि बोलन्छ रे कसइले तइको अर्थ खोलन्छ। यिन सब कुरणी बिश्वासिनलाइ बिश्वासमि बलियो बनाउनाइ अददु पणन्छ।

मर्कुस 16:17

जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु।

१ कोरिन्थी 14:12

क्याकि पबित्र आत्माले दिन्या बिसेस बरदान पाउनाइ तमन भौत उत्सुक भया हुनाले, तिन कुरणीको इच्छा राख जइ बठेइ तमनले मण्डलिका बिश्वासीनको बिश्वास बलियो बनाउन्या हौ।

१ कोरिन्थी 14:5

तमन सब नसिक्या फरक फरक भासा बोल भण्या म चाहानौ, तर तइ भण्ना झिक बड्ता तमनले अगमबाणी बोल्या म चाहानौ। मण्डलिका आत्मिक उन्नतिका निउति कसइले तइले बोल्या भासाको अर्थ खोलिदिएन भण्या, नसिक्या फरक फरक भासा बोल्या भण्या अगमबाणी बोल्या बड्ता महत्वपूर्ण हुन्छ।

१ कोरिन्थी 14:3

तर अगमबाणी बोल्या हरेकले मान्ससित बोलन्छ। तिनरा आत्मिकि उन्नति, उत्साह रे सान्त्वनाकि निउति बोलन्छ।

१ कोरिन्थी 13:2

मसित अगमबाणी बोल्ल्या सक्ति होलो, रे सब रहस्य रे सब ज्ञान बुज्ज सक्लो, रे या सम्मकि पहाडलाइ हटाउन सक्द्या सम्मको परमेश्वरमि बलियो बिश्वास मसित होलो, तर ममि प्रेम आथिन भण्या मेरो केइ मुल्य आथिन।

रोमी 14:19

तबइकिलाइ हामले सान्ति ल्याउन्या कोशिस अददु पणन्छ, रे एक-अर्खाको बिश्वासलाइ बालियो बनाउनु पणन्छ।

१ कोरिन्थी 12:10

पबित्र आत्माले एक मान्सलाइ अचम्मका काम अद्द्या सक्ति दिनाहान भण्या, अर्खा मान्सलाइ परमेश्वरको सन्देश बोल्लया बरदान दिनाहान, रे अर्खा मान्सलाइ परमेश्वर बठेइको बरदान हो कि सैतान बठेइको हो भणबर छुट्टयाउन्या बरदान दिनाहान। उनले एक मान्सलाइ फरक फरक भासा बोल्लया बरदान दिनाहान भण्या, उनइले अर्खा मान्सलाइ तिन फरक फरक भासाका अर्थ खोलदिन्या बरदान दिनाहान।

१ कोरिन्थी 12:28

ख्रीष्टको यो मण्डलिमि, परमेश्वरले हामलाइ फरक फरक किसिमका काम अददाइ दिया छ: पइलो, उनले केइ मान्सनलाइ येशू ख्रीष्टका छान्या शिष्या हुनाइ, दोसरो अगमबक्तान, जइले उनरो बचन बोलन्छ, तेसरो शिक्षक। तइ पछा उनले केइ मान्सनलाइ अचम्मका काम अद्द्या अधिकार दियो। तइ पछा उनले केइ मान्सनलाइ निको पाड्डया अधिकार दियो, केइ मान्सनलाइ उनले औरलाइ सहयोग अद्द्या बरदान दियो, कसइलाइ अगुवान हुन्या, रे कसइलाइ पबित्र आत्मा बठेइ फरक फरक भासा बोल्लया बरदान दिया छ।

१ कोरिन्थी 13:1

यदि मइले मान्स रे स्वर्गदुतका भासामि बोल्या तर मइले औरलाइ प्रेम अरेइन भण्या, मेरी बोलिको केइ अर्थ हुनइन, यो हल्ला मचाउन्या घाँट रे झ्याँइ-झ्याँइ अद्द्या झ्यालि जसो मान्तर हुन्छ।