१ कोरिन्थी 14:37 - डोटेली नयाँ करार

³⁷ कसइले आफलाइ अगमबक्ता अथवा पबित्र आत्मा बठेइ बरदान पाया मान्स समजन्छ भण्या, मइले लेख्या कुरणी प्रभुको आज्ञा हो भण्नया तइले स्वीकार अरौ।

१ कोरिन्थी 14:37 Referans Kwoze

१ यूहन्ना 4:6

हाम त परमेश्वरका मान्सन हौ, तबइकिलाइ जइले परमेश्वरलाइ चिनन्छ, उइले हामरा शिक्षालाइ स्वीकार अरन्छ। तर जो परमेश्वरको मान्स होइन तइले हामरा शिक्षालाइ अस्वीकार अरन्छ। इसइ बठेइ हाम जाण्नाउ कि जो पबित्र आत्मा बठेइ दिया शिक्षालाइ स्वीकार अरन्छ त्यो सत्य छ अथवा उइसित सैतानको सक्ति छ जइले मान्सलाइ धोका दिन्छ।

२ कोरिन्थी 10:7

तमन बाइर धेकिन्या कुरणीलाइ हेरन्छौ। यदि कसइ मान्सलाइ यो भरोसा छ कि उ ख्रीष्टको हो भण्या, उइले आजी आफइलाइ याद अराओस कि जसो उ ख्रीष्टको हो, हाम लगइ ख्रीष्टइका हौ।

यहूदा 1:17

तर प्रिय हो, तमनले हामरा प्रभु येशू ख्रीष्टका छान्या शिष्याले अगाडी बठेइ भण्या कुरणी सम्ज।

२ पत्रुस 3:2

म इसो अददाछु, क्याकि परमेश्वरका अगमबक्ताले भौत समय पइल्ली बोल्या बचन रे हामरा प्रभु येशू ख्रीष्ट, हामरो मुक्तिदाताको शिक्षालाइ तमनले याद अर भणन्या म चाहनउ, जो तमरा वाँ आया छान्या शिष्याले तमनलाइ सिकायाथ्यो।

गलाती 6:8

क्याकि जइले आफना पापमय स्वभाव अन्सार काम अरन्छ, तइ कुरणीले मृत्यु लेया उइले धेक्द्या हो। तर जइले पबित्र आत्माको इच्छा पुरा अरन्छ, तइले पबित्र आत्माले अनन्त जीवन दियाको धेक्द्या हो।

२ कोरिन्थी 11:4

हामले येशूको बारेमि भण्या, रे तमनले हामरो सुसमाचार ग्रहण अरिबर पबित्र आत्मा पाया। तर तमन अर्खा येशूका बारेमि केइ मान्सनलाइ भणन दिन्छौ। आब तमन अर्खा आत्मा रे अर्खो सुसमाचार ग्रहण अददाइलाइ तयार छौ, तमनले गल्तिले पुरा हृदयले त्यो ग्रहण अर्या।

२ कोरिन्थी 10:12

आफनी बडुवाँइ आफइले अद्द्या कसइ कसइ मान्ससित हाम आफइलाइ एकै दर्जामि राख्द चाहानाइन, अथवा आफइलाइ तिननसित दाँज्ज हाम साहस अद्दाइन। तर तिनन आफले-आफइलाइ एक अर्खासित तुलना अरिबर तिनन समज नभया हुनाहान।

१ कोरिन्थी 8:2

यदि तमनलाइ केइ था छ भणन्या कसइलाइ लगन्छ भण्या, अइल सम्म तइले साच्ची जाण्नु पड्डया कुरणी केइलगइ जाणन्या हुनइन।

१ कोरिन्थी 7:40

तर यदि तिनले आजी ब्या अद्दइन भण्या मेरा बिचारमी तिन और खुशी हुन्छिन। रे म सम्जनउ कि यिन कुरणीमि परमेश्वरका आत्माले मलाइ अगुवाइ अद्दा छन।

१ कोरिन्थी 7:25

कन्याका बारेमि प्रभुको आज्ञा मसित केइ आथिन। तर प्रभुले उनरो कृपामि मलाइ बुद्दि दिया छन, जइमि भरोसा अद्द सकिन्छ रे म मेरो सल्लाह दिनउ।

रोमी 12:3

मलाइ अर्या अनुग्रह बठेइ तमनमि हइ हरेकलाइ म अनुरोध अद्दउ, तमन जसा छौ तइ भण्ना बड्ता आफइलाइ जनसमझउ। तर परमेश्वरले तमनलाइ दिया बिश्वासको परिमाण अनसार सन्तुलित बिचारले सोचउ।

लूका 10:16

“जइले तमनका कुरणी सुणन्छ, तइले मेरा कुरणी सुणन्छ। जइले तमनलाइ अस्वीकार अरन्छ, तइले मलाइ अस्वीकार अरन्छ, रे जइले मलाइ अस्वीकार अरन्छ, तइले मलाइ पठाउन्यालाइ अस्वीकार अरन्छ।”

१ कोरिन्थी 2:15

पबित्र आत्मा पाया मान्सले पबित्र आत्माले सिकाया सब कुरणी बुज्जाहान। तर पबित्र आत्मा नभया मान्सनले पबित्र आत्मा पाया मान्सनका बिचारलाइ बुज्ज सक्दाइन।

१ कोरिन्थी 3:1

बिश्वासि भाइन हो, पबित्र आत्मा पाया मान्सनसित बोल्या जसेरि म तमनसित बोल्ल सकेइन बरु म यइ संसारका मान्सनसित बोल्या जसेरि म तमनसित बोल्लु पण्यो। तमरो ख्रीष्टिय शिक्षाका बुजाइमि तमनसित मइले बालखसित बोलेइ जसेरि बोल्लु पण्यो।

१ कोरिन्थी 14:29

अगमबाणी बोल्ल्या दुइ अथवा तीन जाना होउन, रे औरले तिननले बोलेकि कुरणी निक्केरि जाँच अरुन।

१ कोरिन्थी 14:36

क्याइ तमनमि हइ कसइले यइ भण्ना पइल्ली भण्या कानुन पालन अद्द चाहानानु? क्या तमन सोचन्छौ कि परमेश्वरको बचन सुणाउन्या पइलो मान्स तमन हो?

१ कोरिन्थी 14:38

तर यदि कसइ मान्सले मइले भण्या कुरणीमि बिश्वास अद्दइन भण्या, तइको लगइ बिश्वास जन अर।