१ कोरिन्थी 14:16 - डोटेली नयाँ करार

¹⁶ नतित तमनले आत्मामी परमेश्वरको प्रसंसा अरन्ज्या बुज्ज नसक्द्या बाइरका मान्सले तमरा धन्यबादका प्रार्थना पछा “आमेन” कसेरी भणलो? जबकि तमनले कि भण्या उइले बुज्जइन।

१ कोरिन्थी 14:16 Referans Kwoze

प्रकाश 5:14

तब तिन चारै जिउना प्राणिले भण्यो, “आमेन” पइ रे अगुवानले घोप्टो पडिबर आराधना अर्यो।

१ कोरिन्थी 11:24

परमेश्वरलाइ धन्यबाद दिइबर तइ रोटो तोडिबर भण्यो, “यो मेरो शरीर हो, जो तमरा निउति दिइन्या हो, यो मेरा मृत्युका सम्जनामि अद्दया अर।”

प्रकाश 7:12

“आमेन! हाम तमरो प्रसंसा अददाउ, धन्यबाद दिनाउ रे तमरो सम्मान अददाउ हामरा परमेश्वर सदासर्वदाकि निउति हाम स्वीकार अददाउ कि तम पूरारुपमी ज्ञानि छौ, सक्तिशाली छौ जइले सब चिज सदाइकि निउति अद्द सकन्छौ। आमेन!”

प्रकाश 22:20

येशू यिन सब बचनका गवाही छन, रे उन भण्नाहान, हो, म छिट्टाइ आउन्ना छु। म यूहन्ना, जबाफ दिनउ, “आमेन, प्रभु येशू, आस।”

१ कोरिन्थी 16:24

ख्रीष्ट येशूसित नजिकको सम्बन्ध भया सब मान्सनलाइ म प्रेम अद्दउ। आमेन।

१ कोरिन्थी 14:14

क्याकि यदि मइले नसिक्या फरक फरक भासामि प्रार्थना अद्दाछु भण्या, मेरो आत्माले प्रार्थना अरन्छ, तर मेरी निउति केइ अर्थको हुनइन, क्याकि म त्यो बुज्ज सक्दइन।

१ कोरिन्थी 14:2

क्याकि नसिक्या फरक फरक भासामि बोल्लयाले मान्सनसित होइन, तर परमेश्वरसित बोलन्छ। उइले भण्या कोइ बुज्जाइन, पबित्र आत्माको सक्ति बठेइ उ रहस्यका कुरणी बोलन्छ।

प्रेरित 4:13

जब तिननले पत्रुस रे यूहन्ना साहससित बोल्या धेक्यो, रे यिन अनपड रे साधारण मान्स रइछन भणबर था पायो, तब तिनन अचम्म पड्या, रे यिन येशूसितइ रन्थ्या भण्न्या तिननले था पायो।

यूहन्नाले लेख्या सुसमाचार 21:25

येशूले अर्याका और लगइ भौत अचम्मका काम छन तिन एक-एक अरिबर लेखिया भएले मलाइ लागन्छ कि तिनरा बिसयमि लेखिएका किताब संसारमी लगइ अटाउनेइ थेइन। आमेन!

यूहन्नाले लेख्या सुसमाचार 7:15

यहुदिन अचम्म माण्नाइ यिसो भण्न पस्या, “केइ नपडेइ यिनले कसेरी इति बिद्या पायो?”

मर्कुस 16:20

पइ शिष्या निकलिबर जासक्‍कइ गया रे मान्सनका बिचमि सुसमाचार प्रचार अर्यो। प्रभुले तिननलाइ सक्ति दियो, रे शिष्याले अर्या अचम्मका कामले यो प्रमाणित अरन्थ्यो कि उनरो सुसमाचार सत्य छ। आमेन।

मत्ती 28:20

तिननलाइ मइले आज्ञा अर्या सब कुरणी पालन अद्द सिका। हेर, म युगको अन्त सम्म सदाइ तमन सित छु।”

मत्ती 6:13

हामलाइ परीक्षामि पड्ड जन दिय, तर सैतान बठेइ छुटाइ दिय, क्याकि राज्य, पराक्रम रे महिमा सदाइ तमराइ हुन, आमिन।”

मत्ती 15:36

सात रोटा रे माछा हातमि समाइबर परमेश्वरलाइ धन्यबाद दिया पछा रोटा तोड्यो, रे शिष्यालाइ दियो, शिष्याले मान्सलाइ दियो।

२ कोरिन्थी 1:20

क्याकि परमेश्वरका सब प्रतिज्ञा ख्रीष्टमी पुरा हुन्छ। तबइकिलाइ येशू ख्रीष्ट बठेइ परमेश्वरका महिमाका निउति हाम “आमेन” भण्नाउ।