१ कोरिन्थी 12:4 - डोटेली नयाँ करार

⁴ बरदान फरक फरक किसिमका छन, तर तिन सब बरदान पबित्र आत्माले दिनाहान।

१ कोरिन्थी 12:4 Referans Kwoze

१ पत्रुस 4:10

हरेक मान्सले परमेश्वरको अनुग्रह बठेइ बरदान पाया छ रे तिननले त्यो बरदान औरलाइ सहयोग अददाइ प्रयोग अददु पणन्छ। तिननले आफ्ना बरदान परमेश्वरका असल दासकि जसेरि निक्केरि प्रयोग अददु पणन्छ।

१ कोरिन्थी 12:28

ख्रीष्टको यो मण्डलिमि, परमेश्वरले हामलाइ फरक फरक किसिमका काम अददाइ दिया छ: पइलो, उनले केइ मान्सनलाइ येशू ख्रीष्टका छान्या शिष्या हुनाइ, दोसरो अगमबक्तान, जइले उनरो बचन बोलन्छ, तेसरो शिक्षक। तइ पछा उनले केइ मान्सनलाइ अचम्मका काम अद्द्या अधिकार दियो। तइ पछा उनले केइ मान्सनलाइ निको पाड्डया अधिकार दियो, केइ मान्सनलाइ उनले औरलाइ सहयोग अद्द्या बरदान दियो, कसइलाइ अगुवान हुन्या, रे कसइलाइ पबित्र आत्मा बठेइ फरक फरक भासा बोल्लया बरदान दिया छ।

हिब्रु 2:4

रे परमेश्वरले लगइ अचम्मका काम, चिन्ह, भौत किसिमका अचम्मका काम रे मान्सनलाइ आफ्नो इच्छा अनसार पबित्र आत्मा बठेइ बरदान दिइबर यो सन्देश प्रमाणित अर्यो।

एफिसी 4:11

ख्रीष्टइले मण्डलिलाइ यिन जिम्मेवारी दियो: उनले कसइलाइ छान्या शिष्य, कसइलाइ अगमबक्ता, कसइलाइ प्रचारक, कसइलाइ मण्डलिका पास्टर रे कसइलाइ शिक्षक हुनाइ चुन्यो।

१ कोरिन्थी 7:7

सब मान्सन म जसाइ अविबाहित रया म इच्छा अद्दउ। तर हरेकलाइ परमेश्वर बठेइ बिसेस बरदान मिल्या छ, परमेश्वरले कसइलाइ ब्या अद्द्या बरदान, रे कसइलाइ अविबाहित रन्या बरदान दिनाहान।

१ कोरिन्थी 12:1

बिश्वासि भाइन हो, पबित्र आत्माले हामलाइ दिया बरदानको बारेमि रे तमनले अर्या प्रश्नका बारेमि तमनले निक्केरि बुज्या म चाहानउ।

१ कोरिन्थी 12:5

मान्सनले फरक फरक किसमले सेवा अद्द सक्न्छ, तर सब मान्सनले एकइ प्रभुलाइ सेवा अददाहान।