Yuuda 1:6 - NEAJEEDA EESH BEA BUUNEESSEAN

⁶ Nea malaykajeega mang'ulla muuchchi hoorgajeega nyaawa ak ghang'amwa heeda eajusu abiitta ea nirattiisa niny jeeda munyaloalajeega maygammuudean aba jeeda misaneeda ea ghwahitta eaweetta haw bea girgweaksiindean;

Bibliyeeda Ghaydit

⁶ Nea malaykajeega mang'ula muuchi hoorgajeega nyaawa ak ghang'amwa heeda eawoojisu abiita ea niratiisa niny jeeda munyaloalajeega maygamuudean aba jeeda misaneeda ea ghwahita eaweeda haw bea girgweaksiindean;

Yuuda 1:6 Referans Kwoze

2 Betro 2:4

Aseetta ghayi iimwanung'waada malaykajeega adiiy, hean gwahisa jeeda maloonghajeega ak ghwayiin jeesinga shoomeanga misana earassa ea ghwahitta eaweeda girgweaksiinda;

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Mattayo 25:41

“Iiduw gaygwayeeshsha fukka mida meatkweadaannyi bea geattinda ghadaamiin, ‘Oang'amwana madeedeanyu, fukghayi sumwaashta, aweayeena jeeda beasta manda mudeanooda ghayi sibay eerarsa Meang'nyeandeenda ea malaykajeegaaschi;

Mattayo 8:29

Ng'ulla Goojuur nea gwayeena, “Geendeayeesi naaha sea ang'iing'i, Ea Balleanda Aseetta? Guwuni sawaneasa nea miighwahidu damandeanya?”

2 Betro 2:9

Asi Ng'uttamiida ghwanal gichchea gwalealdeayda fuga awali gheangda Aseetta aba jeeda simsimda, nea ghwayiin fuga mii doabiiweadi ghoammuughu ghealooda ea ghwahitta eaweeda girgweaksiinda,

Ebraniya 10:27

nea gwanda furdeayda girgweaksiinda jea ghoabeal buuneeda, ea beasta ng'waan jea ghwaak fuga was weajoodiga.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikkayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoaw damanda manda muudeanooda.

Mattayo 10:15

Aba huumwa geayeeshsheegwa eaweetta girgweaksiinda gajeawussus ng'eanyiida Sodooma ea Gomoora gamilikghteaysa ghorjooda eaweetta girgweaksiinda ea ghang'al mujiineetta.”

Ruumi 2:5

Nea aba hang'ooynattang'u bea gurorooda mandeawana duukkuunooda gidiiwsi geat nyarasta aba eaweetta nyarasta jea ghwahinna ghoorjooda Aseettean.

Yuuda 1:13

laweajajeega hees bea basooda, jakkiisa humng'eeda furghooda aba baspaseega nyaawa; miinga neayi nea heeda hiing'aada gwanda misaneeda haw sittiiw ea ghwahitta damanda manda muudeanooda.

Giidaheechta 20:2

Ak ghoang'ng'waay ichchibooda was ichchiboodida bea garayiin was meang'nyeandeenda ea Shattaani, ak ghwarada gweanyeew sagalama,