Yuuda 1:23 - NEAJEEDA EESH BEA BUUNEESSEAN

²³ alealni mwaatkwa, nea ghoassealdaawi jeeda beasta, nea mwaatkwa goobayyiidi aba muuwda, nea ghoasichchi eara hang'da sung'uda ririnyeanda saseeda.

Bibliyeeda Ghaydit

²³ alealni mwaatkwa, nea ghoasealdaawi jeeda beasta, nea mwaatkwa goobayiidi aba muuwda, nea ghoasichi eara hang'da sing'uda ririnnyeanda saseeda.

Yuuda 1:23 Referans Kwoze

1 Dimotteo 4:16

Ghamwada saseedaang'u ea ginealshoadaang'u. Abiidana jeedeaba ng'asheesu aba gideaba iisini ng'asheanji gajaghuhageaw ea fukka alleeyseey iidiin.

1 Goriinto 15:33

Adeereenganneegwa, “Baloolda muy iissa gwanuus searoojiga miyaas.”

Giidaheechta 3:4

Ak gindeawi gheawung'su ng'ay aba ng'eanyiida Sardi, fuga miighang'uda hang'weakka nyaawa ririnyeanda; ak gaydeadeayddooschi saawa nea sishshuubeasa hang'weakka eeshish, aba gideaba gammiisa.’

Giidaheechta 3:18

Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.

Ruumi 11:14

gaydaghwar gadiyeedeanyu ak abeeda ghanung' gwashissean ghaang' fugeasu was Yahuudi, ak abeeda gealealu mwaatkwa.

2 Desaloniikke 3:14

Ama deeppa gwanda siida wassean heawa gwasissa mureeda ng'asheandeanya surgu aba jeedeaba barawajeanji, abeeda orroora siisi, nea adiiduw goppaloolli, ak abeeda ghabwaspwas.

1 Goriinto 3:15

Nea siida dattasa gadiyeadaannyi, gay ghwaak lugooda, amaduuku niny gajeelealu, gay gawuurji gili mwanmwandaawa jeeda beasta.

2 Goriinto 5:11

Asi, geanalli gissiwwaldi gheang'da Ng'uttamiida, iissa geaghurghurji buuneeda; nea gissuwuurjeewi ghwanal Aseetta, ak ghaararji gideaba analaat earaba jeesinga fughareengeagwa.

2 Yohaana 1:11

aba gideaba siida ageachchi siisi gabareannyi gadiyoojigaaschi munyas.

Yuuda 1:22

Anung' ghamwas mwaatkwa, gea mideawa machmajeega;