Yuuda 1:21 - NEAJEEDA EESH BEA BUUNEESSEAN

²¹ afrageat aba jeeda bariinyeega Aseetta; nea ghoammughu baydeayda Ng'uttamiideanya was Yeesu Gristo, ea ghwahitta eaweega manda muudeanooda.

Bibliyeeda Ghaydit

²¹ afura geat aba jeeda bariinyeega ASEETA; nea ghoamuughu baydeayda Ng'utamiideanya was Yesu Gristo, ea ghwahita eaweega manda muudeanooda.

Yuuda 1:21 Referans Kwoze

1 Yohaana 4:16

Aseasa geanalli ak geamwaschi Aseetta appadahuukkaasa. Aseetta bariinyeega gil, ak siida abiida jeeda bariinyeega, goobiida jeeda Aseetta, ak goobiida Aseetta jeadaannyi.

2 Betro 3:12

ng'atta ghoammuughu nea ghoanung' ghwalamwajaan hinnooda askwearjeanda Aseetta, aba gideaba humng'eeda gajeayyeat ak geenyarja, ak haleanjeeda gayghwanyar aba beasta!

Ebraniya 9:28

gwasnu eara Gristo, niny ghayi geattayda nibwagi ak gageanda ring'eega fuga saang'a, gayghwahidu deaba iyyeenya, ak ea mayghwahidu appadayda ring'eeda niny gayghwaan gwalealu fukka amuukku niny muuchchiin.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

2 Desaloniikke 3:5

Gagasa ghoadoabiiw Ng'uttamiida guroruunatkeagwa ak ghoanyaschi bariinyeega Aseetta, nea ghoamilikghti aba Gristo.

Ruumi 6:23

Aba gideaba mushaahareeda ring'eeda miyeeda gil, nea gichchea gagu Aseetta mwadaagha ea eaweega manda mudeanooda gil aba jeeda Gristo Yeesu Ng'uttamiideanya.

Yohaana 14:21

Siida mideawa digheannyekkeasu nea ghoang'ng'waay, nii dea bwariinyan gil, nea dea bwariinyan gayghabwariiy Bwaabwa, gaydabwariiy ak gaydeahiimsa geaw niny.”

2 Dimoteo 4:8

ama ng'atta suu geegoonan shiipka aba doobiiwnatta dea iiduw eaweetta jea gagoonan Nguttamiida nea niny ea dea doobiiwaat girgweaga ak ea mii aniini gil akghwahit eara fukka sean gasa gidaheachtannyiin.

2 Dimoteo 1:2

Ea Dimotteo balleandeanyu abwariinyi. Dagheerjeandumeeda dahinna headaang'u, ea baydeayda ea hoyyoo leabu heeda Aseetta was Bwaabwa ea heeda Gristoyda was Ng'uttamiideanya.

Ruumi 8:39

ghana haleanjeeda mida humng'eeda, ghana haleanjeeda mida ng'eanyi, ghana gidawassean may ghoammu gooheellaneasa sea bariinyeega Aseetta mida jeeda Gristo Yeesu was Ng'uttamiideanya.

Ruumi 5:21

gawuurji gidambalda ring'eeda miyeeda, gwasnu eara miyeenooda goombal doobiiwnatta ak gweadu eaweega manda muudeanooda aba naweetta bea Yeesu Gristoyda was Ng'uttamiideanyean.

1 Yohaana 5:18

Geanalli gideaba giliwas Balleanda Aseetta maygwasin riing'eeda, ak Balleanda Aseetta gaygafurgeaw, ak eara diitta muyiin ea mayghwasat.

Ruumi 5:5

nea rarooda ea maygwareenganneasa, aba gideaba bariinyeega Aseetta nigeawiit ghwayiin jeesingaasa Gurorooda Ghaydit ghayi sugooneasa aseasan.

Gadiyeeda Giijasoodiga 11:23

Hitta hooweanji ak ghwadaa dagheerjeandumeeda Aseetta, gahoosan; ak gwayeeshsha fukkeanji oppiidana jeedeaba doobiiwnadi itteang'wean aba heeda Ng'uttamiida nea ghwaarjeang'da;

Yuuda 1:24

Asi ghamneawa aba heeda ninnyeeda ammu ghwanung' eamooppeadani ak ghwaadeagwa nea meeyeatteweegwa ghuussi aba madeeda gigheambiittaannyi aba hooseaneega,

1 Yohaana 5:21

Diibiga manang'i, afrageat aba duguuga sinung' ghoaw aseechcheekka.

2 Dimoteo 1:18

Ang'iing'i ginali muuchi gidaghayi deawiitta aba ngeanyiida Efeso appadaydeanyu. Gagasa ghweadaw Ng'uttamiida eaweedida.

Yohaana 1:17

Aba gideaba deaweeda geegu aba naweeda Muusa; nea dagheerjeandumeeda ea huumeanda ghapkaana naweeda Yeesu Gristo.

1 Dimotteo 1:2

Ea Dimotteo balleandeanyu bea huumwa aba naweeda masaweega. Nyasa dagheerjeandumeeda ea baydeayda ea hoyyooyda leabu heeda Aseetta was Bwaabwa ea Yeesu Gristo was Ng'uttamiideanya.

2 Dimoteo 1:16

Gagasa ghwoadaw Ng'uttamiida baydeada fukghea Onesiforo aba gideaba inyeesa imiighoaw gil goomajeegan nea mwabwaspwasa aba ghealoonigeasu.

Yuuda 1:1

Yuuda, soomjeanda Yeesu Gristo was oorjeeda geennyea Yakkobo, Heeda fuga suguursa, abwariinyi aba jeeda Aseetta was Bwaabwa ak geettiiwsa Yeesu Gristo:

Yuuda 1:22

Anung' ghamwas mwaatkwa, gea mideawa machmajeega;