Yohaana 8:42 - NEAJEEDA EESH BEA BUUNEESSEAN

⁴² Gwayeeshsha Yeesu saawa, “Inyeetta ghwanyawa Aseetta ea Ghweandeang'wa gil, gajabwariinyaan, aba gideaba aniini gealeabu heeda Aseetta; aniini mwawuuni aba uhuudeanyu gweannean siida ajeaknean.

Bibliyeeda Ghaydit

⁴² Gwayeesha Yesu saawa, “Inyeeda ghwanyawa ASEETA ea Ghweandeang'wa gil, gajabwariinyaan, aba gideaba aniini gealeabu heeda ASEETA; aniini mwaawuni aba uhuudeanyu gweanean siida ajeaknean.

Yohaana 8:42 Referans Kwoze

Yohaana 12:49

Aniini meabalooli aba gheambalmeedeanyu; aniini geaghus gearugu Bwaabwa ajeaknean dea goonan digheanda gil ea gichchea dabaloola.

Yohaana 14:10

Ammumwasi gideaba aniini geandi jeeda Bwaabwa nea Bwaabwa gwanda jeedeanyu? Ng'asheega earukuneegwean mearukunani gheambalmeedeanyu aniini, gwasin Bwaabwa mida jeedeanyu gadiyoojigaaschi.

Yohaana 17:8

aniini naadawji ng'asheega ghayi igonnyean, ak saawa aning'ng'waay ak ghwanal humeanda gideaba aniini gealeabu headaang'u; ak anumwas gideaba ang'iing'i gijeaknean.

Yohaana 17:25

Ea Bwaabeeda doabiiwaat, ng'eanyiida mwanalnyi, duukku aniini ghanalleay; eara suu ghwanal gideaba ghayi gijeaknean ang'iing'i.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

1 Yohaana 4:14

Ak aseasa asidaayi nea simuuwu gideaba Bwaabwa nijeagu Balleandaannyi ghoaw lealnoochcheanda ng'eanyiida.

Yohaana 5:43

Aniini ghaawuni gheawunga Bwaabwa, ak ea moadeaptanaan; amawuh siinuut aba gheawungaaschi niny gajadeapta.

1 Goriinto 16:22

Siida wassean mwabwariinya Ng'uttamiida, gagasa eamwaashta. Ng'uttamiideanya ghwaan!

Yohaana 3:17

Aba gideaba Aseetta ghayi mojeakna Balleanda ghwaan ng'eanyiida, ak gorgweaksa ng'eanyiida, geegasa ghwalalan ng'eanyiida appadaydaannyi.

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

Giidaheechta 22:1

Hean ghoahiimnaan enda beega mideawa eaweega, nea eesh ea ghameang'meang', nea ghwadalalaana hoorgeeda Aseetta ea dea Dayeenda Gisilleanda,

Galattiya 4:4

Iiduw nea ghwahitta damanda, hean goojeagu Aseetta Balleandaannyi, jiilu gatmooda, aba jeeda deaweeda,

Yohaana 8:14

Ghwasha Yeesu nea gwayeeshsha, “Eara damuuwwu ng'asheega badaydeanyu nea gabwageaw, ghanalli gideaba muwwunoodeanyu huumwa, aba gideaba aniini ghaanalli heedealeabu ak ghaanalli heedeagalli. Dukku agooga ghanyea mwoanali heedealeabu ghana heedeagalli.

Yohaana 13:3

abeeda Yeesu ghwanal gideaba niyiin Bwaabwa geattingaaschi halaneassean, ea gideaba niny gwaleabu heeda Aseetta ak gaygabiikta heeda Aseetta,

Yohaana 16:30

Asi ghamneawa aseasa sinalli gideaba ang'iing'i ginali haleanjeessean, ak ghanyea mudugwanda siida jea ghoanyaashnyi gil, asi ghamneawa sumwaschi gideaba ang'iing'i gileabu heeda Aseetta.”

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.