Yohaana 4:6 - NEAJEEDA EESH BEA BUUNEESSEAN

⁶ Abeeda gwanda hoowa healadeeda Yakkobo, hean ea nibur Yeesu aba beatta, ak gopteada aba murdeeda healadeeda. Nea abeeda gaba aseetta lah.

Bibliyeeda Ghaydit

⁶ Abeeda gwanda hoowa healadeeda Yakobo, hean ea nibur Yesu aba beata, ak goopteada aba murdeeda healadeeda. Nea abeeda gaba aseeta lah.

Yohaana 4:6 Referans Kwoze

Ebraniya 4:15

Aba gideaba meendeawani ashoohoochcheanda haw moammu ghabwayda ng'arng'arannyeakkaasa, gendeawi dea sisissa mureeda sean ak gesimsimda gidaghayi sisimsimdaneasa, amaduw ea miigwasin ring'eeda.

Ebraniya 2:17

Asi gajeenung' gawuurji sea fuga duupchi aba gheatkweakka sean, ak abeeda ghoaw siida bayyiida buuneeda ea dea doabiiwaat was ashoohoochcheanda haw bea gadiyeeda Aseetta, ak gaygohuun ring'eeda buuneeda.

Mattayo 8:24

Deagheatta, ghwahidu siilakghta ng'waan bea basooda, ak gooyuuk maleambooda laweajajeega; nea abeeda gwalil.

Mattayo 27:45

Ghang'eada aseetteaba lah ea ghwahitta aseetteaba shageash gwadukta ng'eanyissean misaneeda.

Mattayo 4:2

Goluulda geaw eawooji haradam, eawa ea askweari, amaduw huydeanda ghwayeachchih.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

Yohaana 11:9

Ghwasha Yeesu nea gwayeeshsha, “Heappi robuutka aseetta aba jeedaskwearda mii damaniyyeenya? Asi siida iweelweel askweari ea mwoammu ghwalas geeshta gil aba gideaba ghwadaa weeshinnda ng'eanyiida.

Lukka 9:58

Gwayeeshsha Yeesu niny, “Fureayoonga gwandeawa shoomeanga, nea dariidakka gwandeawa ghoorajeega nyaawa, nea Balleanda Siida ea mandeawaana eara heeda jea ghwayiin uhuudaannyi.”

Lukka 2:7

Gwaji duweachcheadaannyi was balleanda ak gookkwealsa hang'weakka jeepcheandumeeda ak goluul aba jeeda daghwalda leehha dugwa beega, aba gideaba mwanyasa heeda jea gwalla aba ghoorida rabasta.

Yohaana 4:5

Ghwahitta mujiineeda Samariya suguura Sikkaari, nekkeewa madamnyeanda ghayi adaw Yakkobo balleandannyi suguura Yoseefu.

Yohaana 4:7

Iiduw ghwahidu gatmoomba Samariya ghwaram beega. Gwayeeshsha Yeesu niny, “Gonean beesu aleayi.”

Yohaana 4:12

Neada ang'iing'i guwosi haweewa ghweandeanya was Yakkobo goaneasa healadeani nea ghwali niny beega sea diibigaaschi ea dugwaaschi?”