Yohaana 4:21 - NEAJEEDA EESH BEA BUUNEESSEAN

²¹ Gwayeeshsha Yeesu gatmootta, “Iyya, mwasaan ghwaan damanda jea ea majaghadoawana Bwaabwa aba uhudeaba gijeeni, ghana hoowa bea Yerusaleemuun.

Bibliyeeda Ghaydit

²¹ Gwayeesha Yesu gatmoodida, “Iya, mwasaan, ghwaan damanda jea ea majaghadoawana Bwaabwa aba uhuudeaba giijeeni, ghana hoowa bea Yerusalemuun.

Yohaana 4:21 Referans Kwoze

1 Dimotteo 2:8

Asi geagasayi gwandeawa headiga geattinga miyaas, biissa ea manyareessa, biisa ea masheangdooschi. Abeeda headiga sunu ea dagatgada geattinga nyaawa googeal humng'eeda galeagasean damanda mooshta ghawooda.

Efeeso 2:18

aba niny aseaseen seaniin simmuuschi eeneekkiisiinana Bwaabwa aba guroroonagi.

Yohaana 4:23

Ak ghamneawa ghwaan damanda, nea damanda gwanda, nea fuga ghadoawan bea huumwa gayghadoawan Bwaabwa aba gurorooda ea huumwa, aba gideaba Bwaabwa gagaseadayyi ghaghadoawan fuga sunu.

Mattayo 18:20

Aba gideaba heeda wassean roonnyeesa fii iyyeenya ghana samwagu aba gheawungeasu, abeeda earaniini gaydanda jeannyaawa.”

Efeeso 3:14

Ak aba sareani geatkunyi aba madeeda Bwaabwa,

Yohaana 16:32

Ghwaan damanda, aba huumwa ea nihidu, dea jea adarda oagasean ak gaba siisi weah gheannyi, ak gajanung'usean heeda nea gabwageaw; nea ghana aniini amwabwageaw, aba gideaba gendeayi sea Bwaabwa.

Yohaana 16:2

Gaygohelleweegwa Buuneeda ghorajeega sinnealshachcheewa; aba huumwa, aba gideaba ghwaan damanda ama siida nuseegwa jeaghaghay gili bwat Aseetta.

Yohaana 5:28

Adaghahameagwa ng'eanyi appadaydeaba ng'asheesu; aba gideaba ghwaan damanda jea ghwayiinya buuneessean mida jeesinga bung'eadinga ghuuttaannyi

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.

Gadiyeeda Giijasoodiga 6:14

aba gideaba siyiinyi nea gwayi, Yeesuheani bea Nasareettiin gaygwanyarja gheawi sibatta Aseettean, ak gayghwayam searoojiga ghayi gooneasa Muusa.”

Yohaana 14:6

Gwayeeshsha Yeesu niny, “Aniini geawoschi naweeda, ea humeanda, ea eaweega; siida moammu gawa heeda Bwaabwa, geaghus gwasku heedeanyu.

Yohaana 5:25

Aba huumwa, aba huumwa, geayeeshshineegwa, ghwaan damanda ak ghamneawa gwanda, ak gaygabiissa ghwayiiy fuga nimeewa ghuutta Balleanda Aseetta, amaduw fukka jeagwayiing'shiin gayghwanyas eaweega.

Lukka 21:24

Ak gajeenuseadawa bwaanga nea suuk geattabwaardawa jeeda emoojiga sean nea Yerusaleemu gayghoalla emoojiga ea ghwahidu damanda fuga emoojiga.

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Giidaheechta 21:22

Ak ea mwaadaahi, gheeda sibatta Aseetta aba mujiini, aba gideaba gheennyaawa sibatta Aseetta Ng'uttamiida was Aseetta Hoauur ea Dayeenda Gisilleanda.