Yohaana 3:5 - NEAJEEDA EESH BEA BUUNEESSEAN

⁵ Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Bibliyeeda Ghaydit

⁵ Ghwasha Yesu ak gwayeesha, “Aba huumwa, aba huumwa, geayeeshiineey, siida iimeejiilana beega ea Guroorooda ea mayghoammu gawa jeeda sugoocheanduumeeda ASEETA.

Yohaana 3:5 Referans Kwoze

Gadiyeeda Giijasoodiga 2:38

Ghwalamda Betro ak gwayeeshsha, “Aduukkuunana, giliwas sih geeppaattiisananeegwa gheawunga Yeesu Gristo aba samsiinda ring'eegeagwa; ak gegooneegwa Gurorooda Ghaydit.

Efeeso 5:26

ak abeeda gabaysiina gimminoadaannyi nea goohuun aba beega ea ng'asheanda.

1 Betro 3:21

Gibattiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus Aseetta aba fughareeda miy, aba duunnooda Yeesu Gristo,

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iiduu ea siihhuuneegwa, ak ea simiineegwa, ak geegooneegwa doobiiwnatta aba gheawunga Ng'uttamiida was Yeesu Gristo, ea aba Guroorooda Aseetteanya.

Mattayo 3:11

Geabattisananeegwa beega aba dukkuunooda, nea dea jea ghwaduupnaan geash gaburdeawean uurda, nea mammisean eara sareenda geakkaaschi; niny gaygoobattiisananeegwa Gurorooda Ghaydit ea beasta.

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Marko 16:16

Nea siida mwas ak geppattiisan gayghaghu, nea siida mwamwasa gajergweaksa.

1 Goriinto 2:12

Aseasa meanyasi guroorooda ng'eanyiida, geanyaschi guroorooda leabu heeda Aseetta, ak abeeda geenalli gidagoaneasa Aseetta aba innyeanda jeeda.

Yohaana 1:13

Fuga meejiilana naweeda geallaan, ghana gidabwariiyda saseeda, ghana gidabwariiyda siida, geaghus Aseetta.

1 Yohaana 5:1

Siida wassean mwas gideaba Yeesu niny Gristo gil siisi jeepta Aseetta, siida wassean bwariiy ghwaan ea ghaamwat ghabwariiy jeepta.

1 Yohaana 2:29

Iyoanalli gideaba niny ea doabiiwaat, abeeda ghoanalli gideaba siida sina ng'asheega doobiiweadi gwajiilu niny.

Galattiya 6:15

Siida eayaat ghasmeahooda ghanea meayaada mii gili, ghana dea miyeayaat ghasmeahooda geegasa ghoaw siideesh.

Ruumi 14:17

Aba gideaba gheambalmeeda Aseetta mii agiischooda gil ea leeshooda, ada doobiiwnatta gil ea weayda ea hooseaneega aba jeeda Gurorooda Ghaydit;

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Mattayo 18:3

ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda.

1 Betro 1:2

ghayi siloat ak goojeakta Aseetta was Bwaabwa ak ghoammiidu Gurorooda aba mureeda appadayda Yeesu Gristo nea geappuunna foojeandaannyi: Gagasa elakkuuneegwa dagheerjeandumeeda ea weayda.

Gadiyeeda Giijasoodiga 3:19

Asi aduukkuunana, ak goobiikti ayamni geat, ak abeeda gegeanda ring'eegeagwa, ak abeeda ghwahidu damanda hawdeayda jea gwaleabu heeda Ng'uttamiida,

Lukka 13:3

Geayeeshshineegwa, Manda; imoduukkuunani ring'eegeagwa eara agooga gajooshshealda saawa.

Mattayo 5:20

Aba gideaba geayeeshshiineegwa, doobiiwnatteang'wa iimaburdeawana dea ng'oorshoodiga ea dea Farisayajeega, majaghannyi aweayeena jeeda sugoochcheandumeeda humng'eeda.”

Ruumi 8:2

Aba gideaba deaweedeeda Gurorooda eaweega mida jeeda Gristo Yeesu nigoonan gibaldeaba geaw, aba heeda deaweedeeda ring'eeda ea miyeeda.

Lukka 13:24

“Amilmiliitta ak goosikchi gidaghuutta mwanang'; aba gideaba geayeeshshineegwa, gaygagasa fuga saang'a gwasik ak ea mayghoammu.

Lukka 13:5

Manda; geayeeshshineegwa, imoduukkuunaani eara agooga gajooshshealda gidashealda saawa.”

Mattayo 19:24

Nuut gichcha geayeeshshineegwa, gajawussis muuchchi gideaba gaygwasik diyeayda suguura nngamiya seawadeeda sidageeda ea eamawuurji gideaba gaygawa meanang'oochcheanda jeeda sugoochcheandumeeda Aseetta.”

Mattayo 21:31

Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Marko 9:47

Eara gheang'daang'u iyaschoardaneey, ghang'wana giloodu! Ghang'wana guwi jeeda gheambalmeeda Aseetta nea gibeahi ghaang'agi. Mwasamwa gideaba gindeawi gheanyangaagu duwaaw amaduw geejakseey jeeda beasta manda mudeanooda.

Marko 10:14

Daa Yeesu gissin ginealangaaschi gwanyareeksa ak gwayeeshsha, “Anung'waada diibiga ghapka hedeanyu adoakghuumnyi, aba gideaba Gheambalmeeda Aseetta gammiisa fuga uurji suh.

Yohaana 3:4

Gwayeeshsha Nikkodeemu niny, “Iijea ebiikta eeji siida niheedu? Gayghoammu gideaba gaygabiikta jeeda ghaamwat deaba iyyeenya ak geeji?”

1 Goriinto 15:50

Gearukuneegwa ng'asheesu, fuga eaduupcheewi: saseeda ea foojeanda maygwahearan sugoochcheandumeeda Aseetta, ghana dea jea ghami mayghoammu gwahearan dea mayghami.