Yohaana 3:3 - NEAJEEDA EESH BEA BUUNEESSEAN

³ Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Bibliyeeda Ghaydit

³ Ghwasha Yesu ak gwayeesha niny, “Aba huumwa, aba huumwa geayeeshiineey siida iimeebiikta eeji deaba iyeenya ea mayghwadaah sugoocheanduumeeda ASEETA.”

Yohaana 3:3 Referans Kwoze

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

1 Yohaana 3:9

Manda siida jiilu Aseetta ak gwasna riing'eeda; aba gideaba seareeda Aseetta gwanda jeadaannyi, ak ea maygwasin riing'eeda aba gideaba gwajiilu Aseetta.

1 Yohaana 5:1

Siida wassean mwas gideaba Yeesu niny Gristo gil siisi jeepta Aseetta, siida wassean bwariiy ghwaan ea ghaamwat ghabwariiy jeepta.

Ditto 3:5

hean gwalealneasa, ea meabaysiinana sinaweagaasa doobiiweadi sisinnyi aseasa niny gwalealneasa ak geejilneasa niba iyyeenya ak ghwanung' eahuuwa fuga eashish aba Gurorooda Ghaydit,

Yohaana 1:13

Fuga meejiilana naweeda geallaan, ghana gidabwariiyda saseeda, ghana gidabwariiyda siida, geaghus Aseetta.

1 Yohaana 2:29

Iyoanalli gideaba niny ea doabiiwaat, abeeda ghoanalli gideaba siida sina ng'asheega doobiiweadi gwajiilu niny.

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,

Galattiya 6:15

Siida eayaat ghasmeahooda ghanea meayaada mii gili, ghana dea miyeayaat ghasmeahooda geegasa ghoaw siideesh.

1 Yohaana 5:18

Geanalli gideaba giliwas Balleanda Aseetta maygwasin riing'eeda, ak Balleanda Aseetta gaygafurgeaw, ak eara diitta muyiin ea mayghwasat.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Yohaana 12:40

“Ninung' gang'owiidi gheanyanga nyaawa, nea gahang'onyiidi jeesinga nyaawa, adaghwadaa aba gheanyanga nyaawa, nea gwajeeng'u aba jeesinga nyaawa, ak gwayamu geat ak ghahaapchi.”

Efeeso 2:1

Ak gagooneegwa eaweega, nea abeeda ea noomeewayi aba gidinyeannyeekka ea ring'eega,

Yohaana 1:5

Nea weeshini ghoabwaay jeeda misaneeda, nea misaneeda ea miighoammu ghwajoar.

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Yohaana 1:51

Hean gwayeeshsha niny, “Aba huumwa, aba huumwa, geayeeshshineegwa, gajadaaha nea ghwajaada humng'eeda, ak gajadaaha malaykajeega Aseetta heeda mwascheeng'da suurja ghwararang'aan ghapka heeda Balleanda Siida.”

Mattayo 16:17

Ghwasha Yeesu nea gwayeeshsha niny, “Ging'wani ang'iing'i, Simoneeda Bar-Yoona! Aba gideaba ng'asheanji moadaajiida saseeda ea foojeanda nii ghoahiimneey Bwaabwa mida humng'eeda.

Mattayo 5:18

Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Giidaheechta 3:14

“Heeda malaykajeanda ganiseeda Laodekkiya ng'waara: ‘Ng'asheega siida was Amin, was siida doabiiwaat was mushoochcheanda huumwa, was ging'eetta haleanjeessean sin Aseetta.’

Mattayo 19:24

Nuut gichcha geayeeshshineegwa, gajawussis muuchchi gideaba gaygwasik diyeayda suguura nngamiya seawadeeda sidageeda ea eamawuurji gideaba gaygawa meanang'oochcheanda jeeda sugoochcheandumeeda Aseetta.”

Mattayo 21:31

Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Marko 9:47

Eara gheang'daang'u iyaschoardaneey, ghang'wana giloodu! Ghang'wana guwi jeeda gheambalmeeda Aseetta nea gibeahi ghaang'agi. Mwasamwa gideaba gindeawi gheanyangaagu duwaaw amaduw geejakseey jeeda beasta manda mudeanooda.

Marko 10:14

Daa Yeesu gissin ginealangaaschi gwanyareeksa ak gwayeeshsha, “Anung'waada diibiga ghapka hedeanyu adoakghuumnyi, aba gideaba Gheambalmeeda Aseetta gammiisa fuga uurji suh.

Yohaana 3:4

Gwayeeshsha Nikkodeemu niny, “Iijea ebiikta eeji siida niheedu? Gayghoammu gideaba gaygabiikta jeeda ghaamwat deaba iyyeenya ak geeji?”

1 Yohaana 5:4

Aba gideaba gissijiila Aseetta iissa ghwajoar ng'eanyiida; nea nii ea jooriischchooda joar ng'eanyiida gil, nea masaweagaasa.