Yohaana 3:21 - NEAJEEDA EESH BEA BUUNEESSEAN

²¹ Nea siitta sina humeandean gayghwaan heedeesh, ak geesikteawa sinagweegaaschi gideaba ghoawal gheang'da Aseetta.

Bibliyeeda Ghaydit

²¹ Nea siidida sina huumeandean gayghoan heedeesh, ak geesikteawa sinaweagaaschi gideaba ghoawal gheang'da ASEETA.

Yohaana 3:21 Referans Kwoze

1 Yohaana 1:6

Isiyeennyi geebareannyeewi niny nea geneayeewi jeeda misaneeda, geanapchi ng'uyyeega nea meeppiidani naweeda humeanda;

3 Yohaana 1:11

Fugeabwariinyi, adoogali sinooda ng'asheega munyas, anala geaw alooheeda. Siida sina alooheeda siisi gaba Aseetta; ak dea sina ng'asheega munyas ea mii ghwadaa Aseetta.

Efeeso 5:9

(aba gideaba haghweeega weeshinda geenyassa jeeda haleanjeessean miyaas ea doobiiwnatta ea huumwa),

Filippi 2:13

aba gideaba Aseetta gagadiiyi aba jeesingeagwa, ak gagooneegwa gassooda ea sinooda ng'asheega miyaas gasa niny.

Galattiya 6:8

Aba gideaba siida hista ng'asheega aba saseadannyiin, aba jeeda saseadaannyi gayghwalach munyinda; duukku siitta histeawa guroroodean, aba jeeda gurorooda gayghwalach eaweega manda mudeanooda.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Golosaayi 1:29

Nea geasawannyi geaw aba nii, nea geamajeekchi aba uurda sinoodeaba gadiyeeni iin jeedeanyuun.

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Yohaana 5:39

Agooga gosikkideawi ng'oruutka nea ghoaghayi gili aba jeannyaawa gondeawi eaweega manda mudeanooda; ak ea dea muuwwu ng'asheega badaydeanyu.”

Yohaana 1:47

Ghwadaa Yeesu Nattanaeeli nea ghwaan headaannyi, ak gwayi, “Ng'ulla, Israeelajeanda huumwa, manda jeadaannyi ng'uyyeega eara gil!”

2 Goriinto 1:12

Aba gideaba aseasa geaghwari geat ng'asheanji, nea gitta muuwwu fughareengaasaan gil ak ghoaw gissibeadi aba jeeda ng'eanyiida, ak gabiissa ghwaraanya muuchchi aba heedeang'wa, aba ghaydidanda ea baditta Aseetta bea huumwa, nea mii aba weaghumeeda ng'eanyiida gil geaghus aba dagheerjeandumeeda Aseetta.

1 Goriinto 15:10

Iiduu aba dagheerjeandumeeda Aseetta anaahuuyi gideawuurjeewi bea ghamneawa, nea dagheerjeameadaannyi aba heedeanyu ea maba mwadaagha. Aba meatkweeda niirja ghaaraanyi muuchchi aba sinooda gadiyeeda ea dalaabwa hoowa siida wassean aba saawa, nea mii aniini gil, nii gwasin dagheerjeandumeeda Aseetta mida heedeanyu.

Giidaheechta 3:15

“Aniini ghaanalli gadiyoojigaagu: gideaba muwosi garbabu nea muwosi gharaat. Ghang'wana guwosi garbabu ghana wosa gharaat!

Yohaana 3:20

Siida sina ng'asheega munyas iissa ghwasit weeshinda, nea ghanyea mayghwaan heedeesh aba gideaba gajiiduw geattaajiit sinaweagaaschi munyas.

Yohaana 7:17

siida bwariiy gwasin gida bwariiy niny, gayghwanal ginealshooni ea gwaleabu heeda Aseetta ghana gideaba gearukku aba gheambalmeedeanyu.