Yohaana 2:11 - NEAJEEDA EESH BEA BUUNEESSEAN

¹¹ Gwadeagooni diitta ghayi sin Yeesu bea madeedean gil aba Gaaneeda Galilaaya nea abeeda ghwanung' eadaah gigheambittaannyi; eara ginealangaaschi hean gabiissa ghamwas niny.

Bibliyeeda Ghaydit

¹¹ Gwadeagooni diita ghayi sin Yesu bea madeedean gil aba Ganeeda Galilaya nea abeeda ghwanung' eadaah giigheambiitaanyi; eara ginealangaaschi hean gabiissa ghamwas niny.

Yohaana 2:11 Referans Kwoze

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Yohaana 3:2

Siisi Gaweesa Yeesu eawa ak gwayeeshsha, “Rabi, aseasa geanalli gideaba ang'iing'i guwosi ginealshochcheanda ak gileabu heeda Aseetta; aba gideaba manda siida ammu gwasin gwadeagwajeesu isinayiin, geaghus siida mideayi sea Aseetta.”

Yohaana 6:2

Ghwaat geeshta emeeda aba gideaba saawa nidaah gwadeagwajeega sissa fuga miyeani.

Yohaana 6:30

Hean gwayeeshsha Saawa, “Gisni ana gwadeagu jea eadaaha ak geamwascheay, Gaysina ana gadiya?

Yohaana 6:26

Ghwashsha Yeesu nea gwayeeshsha saawa, “Aba huumwa, aba huumwa, geayeeshshineegwa, mogaseadayyean, aba gideaba ghayi noadaayi gwadeagooda, gogassean aba gideaba ghayi ghoayaaji mukkatte ak golang'uuchchi.

Yohaana 6:14

Daa buuneeda gwadeadooda sin gwayi, “Aba huumwa siisi sibaneeda jea ghwahidu jeeda ng'eanyiida!”

2 Goriinto 4:17

Aba gideaba sawanadeedeanya sinyaschi gaba gheadi nuwaas ak gwasinneasa gigheambiitta haw manda gichchea eegala,

Yohaana 14:13

Nea gidawassean oamuschi aba gheawungeasu gaydasin, ak abeeda geakghambiit Bwaabwa appadayda Balleanda;

Yohaana 12:41

Isaaya gwargu ng'asheesu aba gideaba nidaa gigheambiittaannyi, ak ghoaw girrukuna iittaannyi.

Yohaana 12:37

Earappeadi nisin gwadeagwajeega saang'a aba madeanyaawan, saawa ghanyea meamwasa niny;

Yohaana 2:23

Damanda mideewa Yerusaleemu aba jeeda ghwelmeeda Basakka, ghamwas fuga saang'a gheawungaaschi idaa gwadeagooda sin;

Yohaana 1:50

Ghwasha Yeesu nea gwayeeshsha, “Ghamneawa gumwasi aba gideaba geayeeshshineey ghwanyawa ghadayeay nea gudumidana guumda shabogheechcheanda? Asi gaydaaha ng'asheega hees naawa suh.”

1 Yohaana 5:13

Geang'oorneegwa ng'asheesu agoogeeni mwas gheawunga Balleanda Aseettean, ak abeeda ghoanalli gideaba goondeawi eaweega manda mudeanooda.

Yohaana 4:46

Gabiikta gichcha mujiineeda Gaaneeda Galilaaya heeda ghayi yamwa beega ak ghoaw difaayeeda. Abeeda gwanda Gapernaumu siisi haw mideawa baleanda miyaan.

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

2 Goriinto 3:18

Hean aseasa eesasean, aba gheamamda meedukuta, ng'ulla gigheambiitta Ng'uttamiida, siyam gawuurji sea niny ghang'eada gigheambiitta ea gagul gigheambiitta; aba gideaba ng'asheanji gwaleabu heeda Ng'uttamiida was Gurorooda.

Yohaana 11:15

ak ghamneawa geahosannyi appadahukkeagwa ak anighaas heetta ea meandani hoowa ak abeeda ghoamwaschi. Asi eweaya headannyi.”

Yohaana 1:17

Aba gideaba deaweeda geegu aba naweeda Muusa; nea dagheerjeandumeeda ea huumeanda ghapkaana naweeda Yeesu Gristo.

Yohaana 1:43

Iimuchchu eanigasa Yeesu beatta Galilaaya. Ghwadaah Filippo ak gwayeeshsha, “Eanni geeshteanyu.”

Yohaana 2:1

Iimuchchu eaweetteaba samwagu gwanda nyeangiida Gaaneeda mida Galilaaya, eara gheamatta Yeesu abeeda gwanda hoowa;

Yohaana 4:3

ghabeawa ng'eanyiida Yudeeya ak gabiikta gichcha Galilaaya.

Yohaana 4:54

Nii gwadeagoodeaba iyyeenya sin Yeesu gil damanda leapna ng'eanyiida Yudeeya nea gawa Galilaaya.

Yohaana 7:31

Iiduw ghwamwas Fuga saang'a niny; nea gwayi, “Gristo iihidu, gaygwasin gwadeagwajeega burdeawa geasin siisi?”

Yohaana 9:16

Gwayi Farisayajeega mwaatkwa, “Siisi maleapna heeda Aseetta aba gideaba moang'ng'waanya Sabatto.” Nea mwaatkwa gwayi, “Gayghoammuustaan siida ring'eeda gwasin gwadeagooda sunu? Hean ghwadarda buuneeda.”

Yohaana 10:41

Gaweayi fuga saang'a headaannyi ak geyeeshsha, “Yohaana miigwasin gwadeagooda, duukku ng'asheega sean ghayi rugu appadaydeaba siisi ahuumwa gil.”

Yohaana 11:47

Gwasin Ashoohoodiga hees sea Farisayajeega girgweageeda nea gwayi, “Gajeesna naaha? Anda siisi iissa gwasin gwadeagwajeega saang'a muuchchi.”

Yohaana 12:18

Iiduw ghoaw gitteaptaawa emeeda aba gideaba nisin gwadeagoani.

Yohaana 16:27

aba gideaba Bwaabwa niny ghabwariinyeagwa agooga aba gideaba agooga noabwariinyaan aniini nea noamwaschaan gideaba gealeabu heeda Bwaabwa.

Yohaana 16:30

Asi ghamneawa aseasa sinalli gideaba ang'iing'i ginali haleanjeessean, ak ghanyea mudugwanda siida jea ghoanyaashnyi gil, asi ghamneawa sumwaschi gideaba ang'iing'i gileabu heeda Aseetta.”