Yohaana 18:4 - NEAJEEDA EESH BEA BUUNEESSEAN

⁴ Hean jeeng'u Yeesu ng'asheanda jea ghwahidu, ng'atta ghoahiimda geaw ak ghoanyaash nea gwayeeshsha, “Gogaseadayyi ng'eaha?”

Bibliyeeda Ghaydit

⁴ Hean jeeng'u Yesu ng'asheanda jea ghwahidu, ng'ata ghoahiimda geaw ak ghoanyaash nea gwayeesha, “Googaseadayi ng'eaha?”

Yohaana 18:4 Referans Kwoze

Yohaana 13:1

Hean nea mii ghwahidu ghwelmeeda Basakka nea ninal Yeesu gideaba damandaannyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ahuumwa gil ghabwariiy ea ghwanaawda.

Yohaana 18:7

Gabiikta ghoanyaash, “Gogaseadayyi ng'eaha?” Gwayeeshsha saawa, “Yeesuuyda Nasareetti.”

Gadiyeeda Giijasoodiga 2:28

Ak ea ninung' danal naweadinga eaweega; nea ginnyiichchaan ng'weellooda aba iisindeayi.’”

Yohaana 19:28

Iing'atta nea ninal Yeesu gideaba niisha ng'asheega sean, gwayi, (ijeagwasa ng'oruutka), “Ghwaagan muwoash.”

Yohaana 13:11

Abeeda niny ghwanal siida jea ghwala bwadaw; ak ghoaw girrukuna gideaba, “Agooga mowosi miyaas oagasean.”

Yohaana 6:64

Eara ghamneawa gwanda jeedeang'wa fuga mamwasa.” Ghang'eada mwadi Yeesu ghayi gwargu ng'asheesu nea gabean ghwanal gideaba geabeang'a gil fukka mwamwasaan, ak ea ng'eaha siida jea ghwala bwadaw niny.

Lukka 24:44

Hean gwayeeshsha saawa, “Suu ng'asheegeasu ghayi earukuneegwa, damanda sindeaydooscheewi, ak abeeda ng'asheega appadaydeanyu aba jeeda deaweedeeda Muusa ea sibanga ea gittaabooda Nyiigheega gajeahhiit.”

Mattayo 26:31

Gwayeeshsha Yeesu saawa, “Aweani bea ghamneawean gajastaan oagasean aba gideaba geang'waar, ‘Gaydabwar jeagiischoochcheanda, ak gayghwadarda hawanda gisilga.’

Mattayo 26:21

Damani agiischeewean, gwayeeshsha, “Aba huumwa, geayeeshshineegwa, siyagi aba jeedeang'wa gayghwalaabwan bwadaw.”

Mattayo 26:2

“Mwoanali gideaba ing'atta eawooji iyyeenya abeeda gajea ghweelmeeda Basakka gil, ak gajeattayda Balleanda Siida engoor.”

Mattayo 16:21

Ghang'eada damandida gwaruksa Yeesu giinealangaaschi gideaba gammiissa beatta jea gawa Yerusaleemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweetteaba samwagu gwaduudu.

1 Betro 4:1

Asi aba gideaba Gristo ghwanyas sawanadeeda saseadaannyi, eara agooga oang'ng'waanya dabitta ng'uchcheeda bea gassoodida, aba gideaba ninnyeeda sisawan saseeda niny ninung'waada ring'eeda,

Yohaana 18:5

Ghwasha Saawa nea gwayeeshsha, “Yeesuuyda Nasareetti.” Gwayeeshsha Yeesu saawa, “Ada aniini.” Nea abeeda Yuudayda jea ghwalabwadaw ghaminaada aba hoowa sea saawa.