Yohaana 17:3 - NEAJEEDA EESH BEA BUUNEESSEAN

³ Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Bibliyeeda Ghaydit

³ Nea eaweega manda muudeanooda ea nih gil, gideaba ghwanalnyi ang'iing'eeda was ASEETA huumwa ea Yesu Gristoyda ghayi iijeagu.

Yohaana 17:3 Referans Kwoze

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

Yohaana 17:25

Ea Bwaabeeda doabiiwaat, ng'eanyiida mwanalnyi, duukku aniini ghanalleay; eara suu ghwanal gideaba ghayi gijeaknean ang'iing'i.

Yohaana 3:17

Aba gideaba Aseetta ghayi mojeakna Balleanda ghwaan ng'eanyiida, ak gorgweaksa ng'eanyiida, geegasa ghwalalan ng'eanyiida appadaydaannyi.

1 Yohaana 4:6

Aseasa geebeayi Aseetta. Siida nal Aseetta gaygoleeyseasa iit, nea deamaba Aseetta ea maygoleeyseasa iit. Ak aba seareani gajeanala gurorooda huumwa ea gurorooda ramaseanda.

Yohaana 17:23

aniini gaydeabiida jeannyaawa nea gibiidi ang'iing'i jeedeanyu; gideaballi gemmajeek ak ghoaw gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gidubwariiydanaan aniini.

Yohaana 17:21

ak abeeda ghwoaw fiisu gilagi; gawuurji gidindeatti jeedeanyu ang'iing'i Bwaabwa, nea geandi aniini jeadaang'u, eara saawa gobiida jeedeanya, ak abeeda ghamwas ng'eanyiida gideaba guwosi siida ghayi ajeaknean.

Yohaana 3:34

Aba gideaba siida ghayi ajeagu Aseetta iissa gabaloola ng'asheega Aseetta ak ghoadaw gurorooda nea modeena;

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

2 Desaloniikke 1:8

nea ghawalda mureandooda masissiina mureeda giijasta miy bea Ng'uttamiideanya was Yeesu.

Yohaana 17:8

aniini naadawji ng'asheega ghayi igonnyean, ak saawa aning'ng'waay ak ghwanal humeanda gideaba aniini gealeabu headaang'u; ak anumwas gideaba ang'iing'i gijeaknean.

Yohaana 14:26

Nea Weedaneeni, was Gurorooda Ghaydit jea gojeagu Bwaabwa aba gheawungeasuun, gayghoanaleagwa haleanjeassean, nea gopkeanneegwa ng'asheega sean earukuneegwa.

Yohaana 8:19

Ak geeyeeshsha niny, “Ghwandaang'u gwanda yeenu?” Ghwalamda Yeesu ak gwayeeshsha, “Agooga mwoanalaan aniini ghana Bwaabwa; aminyeetta ghwanyawa ghoanallaan aniini, ghwanyawa gajanala eara Bwaabwa.”

1 Goriinto 15:34

Anung' ghwadoabiiw fughareengeagwa, ak ea adagudoosinnyi riing'eeda. Aba gideaba buuneeda mwaatkwa mandeawana fughareeda Aseetta. Geergu ng'asheesu ak abeeda ghoabwaaspwaaschi.

1 Desaloniikke 1:9

Aba gideaba saawa nea gaba geat gwarukkwiida iitteanya gidaoadeaptaydaneasa aba jeedeang'wa, ea gidooyamsiindi geat Aseetta nea ghoanung'waadi haleanjeeda mawosa Aseetta ak googadiyeesi dea mideawa eaweega ea Aseetta huumwa,

Yohaana 10:36

goobalooli siitta ghayi ammiidu Bwaabwa ak gojeagu ghwaan badayda ng'eanyiidean ak goyeeshshi, ‘Girukuni badayda Aseetta ng'asheega munyas,’ aba gideaba geayeennyi, ‘Aniini geawoschi Balleanda Aseetta?’

Yohaana 7:29

Ghaanalli niny aba gideaba gealeabu headaannyi, ak gojeaknean.”

Yohaana 6:57

Gidajeakteaydanean Bwaabwa mideawa eaweega, eara aniini geandeawi eaweega appadayda Bwaabwa, gwasnu eara siida akk saseedeanyu gayghwanyas eaweega appadaydeanyu.

Yohaana 5:44

Abeeda gajamwastaan, siida nyasa gigheambiitta hichpa siinuut ak ea magassa gigheambiitta leabu heeda Aseetta?

Yohaana 11:42

Ghaanalli gideaba iissa gileysean iit galeagasean. Ak ghamneawa gearukuni ng'asheanji badahukkeaba fiisu minaada aba hijiin, ak abeeda gayghamwas gideaba gijeaknean.”

Lukka 9:48

ak gwayeeshsha saawa, “Siida deaptaawa gheawunngeasu jeepta uurji nii ghwadeaptanaan aniini, nea siida deaptanaan aniini ghwadeapta siida ghayi ajeaknean; aba gideaba siida mwanang'eewaneegwa oagasean ahaweewaneegwa oagasean.”

Marko 9:37

“Siida deapta jeepta uurji nii aba gheawungeasu, ghwadeaptanaan aniini. Nuut siida deaptanaan aniini mwadeaptanaan aniini akghwahit, ghwadeapta eara siida ajeaknean.”

1 Goriinto 8:4

Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

Yohaana 17:18

Gawuurji gidaghayi ijeakteaydanean jeeda ng'eanyiida, gwasnu earaniini neajeakti saawa gaweay jeeda ng'eanyiida.

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Filippi 3:10

ak abeeda ghaanalli niny ea uurda duunnoadaannyi, ak geawujeewi niny aba jeeda miyeadaannyi.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

2 Betro 1:2

Gagasa anyasa dagheerjeandumeeda nea gehheaseegwa weayda jea anala Aseetta ea Yeesu Ng'uttamiideanya.

2 Betro 1:3

Aba gidawaseetta Aseetta ea uurdaannyi gagooneasa easassean haleanjeeda miisa eaweega ea gea maduuppa aseetta, aba naweetta bea fughareadaannyiin ghayi guurneasa jeeda gheambalmeadaannyi miy,

2 Betro 1:8

Aba gideaba ng'asheesu iyoondeawi sean, gayghwanung' ea moobeahi ghaleehu, nea moawa fuga mandeawana haghweega, aba nalooda Ng'uttamiideanya was Yeesu Gristo.

1 Yohaana 1:2

nea eaweega geanung' ghwadaajiit, akkeadaayi, ak geemuuwwu, ak geerukuneegwa eaweega manda mudeanooda mida heeda Bwaabwa ak geanung' ghwadaajiit aba heedeanya,

1 Yohaana 1:3

gitta ghayi sidaayi ak geayiinyiin geerukuneegwa earagooga ak abeeda geebareannyi sea aseasa; nea bareannyeedeanya gwanda heeda Bwaabwa ea heeda Balleandaannyi was Yeesu Gristo.

1 Yohaana 2:23

Manda siida jea ghwashaang' Balleanda akkwandeawa Ghweanda. Dea mwas Balleanda gwandeawa eara Ghweanda.