Yohaana 16:3 - NEAJEEDA EESH BEA BUUNEESSEAN

³ Gaygwasmaneegwa ng'asheesu aba gideaba mwanala Bwaabwa ak amwanalan eara aniini.

Bibliyeeda Ghaydit

³ Gaygwasimaneegwa ng'asheesu aba gideaba mwanala Bwaabwa ak ea mwanalan eara aniini.

Yohaana 16:3 Referans Kwoze

Yohaana 15:21

Amaduw gaygwasinneegwa ng'asheesu seaniin appadaydeanyu, aba gideaba saawa mwanala dea ajeaknean.

Yohaana 17:25

Ea Bwaabeeda doabiiwaat, ng'eanyiida mwanalnyi, duukku aniini ghanalleay; eara suu ghwanal gideaba ghayi gijeaknean ang'iing'i.

2 Desaloniikke 1:8

nea ghawalda mureandooda masissiina mureeda giijasta miy bea Ng'uttamiideanya was Yeesu.

Yohaana 8:55

Agooga mii ghanyi anala niny; amaduukku aniini ghaanalli niny. Ameayeennyi mwaanali niny, abeeda gaydoaw siida ng'uyyeega urjeweegwa; aniini ghaanalli niny ak ghang'ng'waanyi ng'asheandaannyi.

Yohaana 8:19

Ak geeyeeshsha niny, “Ghwandaang'u gwanda yeenu?” Ghwalamda Yeesu ak gwayeeshsha, “Agooga mwoanalaan aniini ghana Bwaabwa; aminyeetta ghwanyawa ghoanallaan aniini, ghwanyawa gajanala eara Bwaabwa.”

1 Yohaana 4:8

Nea siida mandeawana bariinyeega ea miighwanal Aseetta aba gideaba Aseetta bariinyeega gil.

1 Yohaana 3:1

Ang'ulla nii bariinyeega uurjiin gil gooneasa Ghweanda, bea gideaba egureewaneasa diibiga Aseetta, ak ea gidasuwuurjeewi gil. Ak abeeda ghoaw gidamwanalaneasa ng'eanyiida ak ea mwanala niny.

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

1 Goriinto 2:8

Ea manda aba jeeda fuga ambaliischi aba damani dea nal ng'asheanji; aba gideaba inyeeda heetta ghwanal, abeeda ea maygongoor Ng'uttamiida ghambiidaat.

Yohaana 15:23

Siida sidan aniini abeeda ghwasit eara Bwaabwa.

Lukka 10:22

Haleanjeassean nugoonan Bwaabwa; ak ea manda siinnal Balleanda geaghus Bwaabwa, ak ea manda siinnal Bwaabwa geaghus Balleanda ea siida wassean gasa Balleanda goohiimsa.”

1 Dimotteo 1:13

Abeeda aniini ghayi amwali nyeesa geanyareesay buuneeda nea geang'eaway, nea geasawanyi ak ghanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.

Gadiyeeda Giijasoodiga 3:17

“Asi ghamneawa, fuga eaduupcheewi, ghoanalli gideaba iissa goosinnyi ng'asheega aba lendeeda, gawuurji gissinda fuga ahaaghwaneegwa.

1 Yohaana 2:23

Manda siida jea ghwashaang' Balleanda akkwandeawa Ghweanda. Dea mwas Balleanda gwandeawa eara Ghweanda.