Yohaana 15:5 - NEAJEEDA EESH BEA BUUNEESSEAN

⁵ Aniini geawoschi sabiibu, gowoschi agooga damealga. Siida abiida jeedeanyu, nea geabiidi aniini jeadaannyi, siisi gaygwaji haghweega saang'a, aba gideaba imeandani aniini ea moammuusi asna eara gil.

Bibliyeeda Ghaydit

⁵ Aniini geawooschi sabiibu, goowooschi agooga damealga. Siida abiida jeedeanyu, nea geabiidi aniini jeadaanyi, siisi gaygwaji haghweega saang'a, aba gideaba iimeandani aniini ea moamuusi asina eara gil.

Yohaana 15:5 Referans Kwoze

Filippi 4:13

Ghammuuschi dasin haleanjeessean aba siitta goonan uurdean.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

Yohaana 15:16

Aniini moaloadaan agooga, ghaloachcheagwa aniini ak ghaanung' aweayeena ak gojiilli haghweega jea ghwashng'u; ak abeeda gagoneegwa Bwaabwa gidawassean iyoomuschi aba gheawungeasu.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

2 Goriinto 13:8

Aba gideaba meammuusi eesna ng'asheanda wassean yamuuji sea huumeanda, geaghus eesna ng'asheanda was huumeanda.

Yohaana 5:19

Gwayeeshsha Yeesu saawa, “Aba huumwa, aba huumwa, geayeeshshineegwa, Balleanda mwoammu gwasin gida nea gaba geaw ghoammu gwasin gitta daa nea gwasin Ghwaaniin; aba gideaba gitta sin Ghweandean, eara Balleanda abeeda gaygwasin.

Yakkobo 1:17

Gilinyoo eahhaakta miy ea gilinyoo eattayda hidaat gwaleabu heettiyeada, ak ghwararang'aana heeda Bwaabwa weeshinda nea headaannyi ea manda yammoodeaba geaw ghana jironeeda yamitteaba geaw.

2 Betro 3:18

Ahissiina heeda aba dagheerjeanduumeeda, ea nalooda Ng'uttamiideanya ea lealnoochcheanda was Yeesu Gristo. Headaannyi gwanda gharbeeda ghamneawa ea ghoaw eaweega manda muudeanooda. Amin.

Yohaana 12:24

Aba huumwa, aba huumwa, geayeeshshineegwa, gheang'nyeanda ngano iissa gobiida damwanagi ea eaghus gobissa jeessigeeda ak ghami. Iing'atta miyeeda gwaji haghweega saang'a.

Ruumi 7:4

Asi gwasnu ofuga eaduupcheewi, earagooga noomeewsi deaweeda, aba saseeda Gristo, ak ghoahuuyi haleanjeemba siinuut, siida ghayi duunna jeeda miyeeda ak abeeda geenyaksi Aseetta haghweega.

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Yohaana 9:33

Siisi imaleapna heeda Aseetta ea mayghoammu gwasin eara gil.”

Filippi 4:17

Mii gideaba geagasayi haleanjeeda jea agoonean gil; geagasayi haghweega jea ghoahaada aba monneedeang'wa.

Ruumi 6:22

Ak ghamneawa iisinung' ooppala geat ak goosheagiidi ring'eeda ak geanung' ahuuwa ging'ng'oonyanga Aseetta, abeeda gichchea anyasa gimminnooda gil, ama aba huydeanda gajanyasa eaweega manda muudeanooda.

Gadiyeeda Giijasoodiga 4:12

Ak ea manda lealeanooda aba hichpa siinnuut, aba gideaba manda gheawun suuk hing'eadayda humng'eeda ghayi siittaw buuneeda jea gwalealneasa.”

1 Goriinto 12:12

Gawuurji gitta waseatta agi saseedean ak gabiissa gwandeawa damealga saang'aan, earappeadi damealga saang'aan gaba saseanagi, ak ea giduurji earaba heeda Gristohi.

1 Betro 2:4

Beenni headaannyi, ninyeeda was lagheaneeda mideawa eaweega, ghayi heawa buuneeda ak aba heeda Aseetta ea siloat ak gaba sheayeeda haw;

1 Goriinto 12:27

Asi noahuuyi saseeda Gristo nea gaba siisi was roabadeadaannyi.

Efeeso 5:9

(aba gideaba haghweeega weeshinda geenyassa jeeda haleanjeessean miyaas ea doobiiwnatta ea huumwa),

2 Goriinto 9:10

Nea siida adaw mmbeyooda siida jea gwahista ak ghoaw mukkattee ghoaw hamitta gaygagooneegwa ak gwalakkuuneegwa haleanjeeda ak ghwanung' ghoahaada booga aba doobiiwnatteang'wa,

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

Ruumi 12:5

gwasnu eara aseaseeni saang'aan, geewooschi saseanagi aba jeeda Gristo, ak gaba roobadeeni roochchi sea nuut.

1 Goriinto 10:16

Bayooktida bea ghawooda sippareannyi aba ghawoodean, heappi mii giibareannyeeda foojeanda Gristohi? Ama mukkateeyda subwanajaadi mii giibareannyeeda saseeda Gristohi?

Mattayo 13:21

Amaduw ea mandeawana hawunga aba jeadaannyi iissa ghoang'ng'waay ng'asheandida gilinuwaas, ama hidu sawanadeeda ghana gapnu ghabasta appadaydeaba ng'asheenji gabay ghoabeada.