Yohaana 15:12 - NEAJEEDA EESH BEA BUUNEESSEAN

¹² “Nii digheandeanyu gil, ak gobariinnyiidi geat gidabwariiydaneagwa aniini.

Bibliyeeda Ghaydit

¹² “Nih digheandeanyu gil, ak goobariinyiidi geat gidabwariiydaneegwa aniini.

Yohaana 15:12 Referans Kwoze

1 Yohaana 4:21

Ak digheanji gagooneasa niny gideaba siida bwariiy Aseetta, dabwariinya eara oorjeeda ghaamwat.

Yohaana 13:34

Geagonnyeegwa digheanda eesh, abwariinnya geat, ak ghoabwariiydi geat gida abwariiydaneegwa.

1 Betro 4:8

Appadaydeaba suu seaniin asna badiida muuchchi ak ghoabwariinyi geat, aba gideaba bariinyeega gwadukta ring'eega saang'a.

1 Yohaana 3:23

Nea nii ea digheandaannyi gil, gideaba ea mwasa gheawunga Balleandaannyi wa Yeesu Gristo nea geebariinyayi geat, gawuurji gidagoondaneasa.

Ruumi 12:10

abariinnya geat agooga, aba bariinyeega huumwa bea oorjooga giyeang'wa nea aba mureeda gooshsheedi buuneeda suurja.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

1 Betro 3:8

Ng'asheanda huydean nii gil, awoosa gilagi, ak goobayiidi geat nea ghoabwariiydi geat oorjoospwa ghaamwadagi, nea goowoschi ng'eeni ak gooyeadayi geat ng'eanyi.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

1 Desaloniikke 4:9

Aba iitta bariinyeega oorjooga giyeanya moogassi gideaba gaygang'oorneegwa sii, aba gideaba agooga ninaleagwa Aseetta bariinyeegeaba geat;

1 Desaloniikke 3:12

gagasa ghwanung' Ng'uttamiida oahhaadana nea gooppiidi jeeda bariinyeegeaba geat, aba heeda buuneessean, ak gawuurji gissisindi aba heedeang'wa,

2 Desaloniikke 1:3

Aseasa gammiiseasa ebadiischeesiina galeagasean appadahuukkeagwa, fuga eaduupcheewi, ak ea gittoobiiwsiinda gil, aba gideaba masaweegeagwa niheedu muuchchi, nea bariinyeega gilwas sih aba jeedeang'wa aba hichpa nuut ea niihaada.

Yohaana 15:17

Asi geagonnyeegwa digheanji, abariinnya geat.

2 Yohaana 1:5

Ak ghamneawa, geamuscheey gheamatta, mii gideaba geang'oorneey digheanda eesh gil, digheanji deaghayi sibean endeawana ammwadiin gil, bea gideaba ebariinnya geadi.