Yohaana 13:8 - NEAJEEDA EESH BEA BUUNEESSEAN

⁸ Gwayeeshsha Betro, “Ang'iing'i majahuuna geeshangeasu earahay.” Ghwasha Yeesu nea gwayeeshsha niny, “Iimeahuuni geeshangaagu ea meguyeeni.”

Bibliyeeda Ghaydit

⁸ Gwayeesha Betaro, “Ang'iing'i majahuuna geeshangeasu earahay.” Ghwasha Yesu nea gwayeesha niny, “Iimeahuuni geeshangaagu ea meeguuyeeni.”

Yohaana 13:8 Referans Kwoze

Ditto 3:5

hean gwalealneasa, ea meabaysiinana sinaweagaasa doobiiweadi sisinnyi aseasa niny gwalealneasa ak geejilneasa niba iyyeenya ak ghwanung' eahuuwa fuga eashish aba Gurorooda Ghaydit,

Gadiyeeda Giijasoodiga 22:16

Ghamneawa gimuughu naaha? Ng'eada eppattiisannyi, ak geehhuun ring'eegaagu, nea giguursi gheawungaaschi.’”

Ebraniya 10:22

ghang'wana geneekkiissi nea geebeayi guroruunatka huumwa nea geesikteawi muuchchi masaweega, nea geappuunna guroruunatkaasa aloheeda ak geang'ami ng'asheega munyas ak gehhuun sasanuukkaasa aba beega miyaas.

Efeeso 5:26

ak abeeda gabaysiina gimminoadaannyi nea goohuun aba beega ea ng'asheanda.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iiduu ea siihhuuneegwa, ak ea simiineegwa, ak geegooneegwa doobiiwnatta aba gheawunga Ng'uttamiida was Yeesu Gristo, ea aba Guroorooda Aseetteanya.

Giidaheechta 7:14

Geayeeshshi niny, “Siida mureeda, ginali ang'iing'i.” Hean gwayeeshshean, “Suu fuga leabu jeedeaba sawanadeetta hawiini; ak eanihuun hang'weakka nyaawa geawwi ea ghwanung' gaweeriidi aba foojeanda Dayeenda Gisilleanda.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Golosaayi 2:23

Suu seaniin aba huumwa gawuurji gwadeagooda mideawa weaghuumeeda ak ghoang'eat ghadooweeda aba eatteaba geat bea ng'eanyi aba gidahang'waay gasa saseeda, ak ea marachchi gil ak moammu ghoadeal gitta gasa saseedean.

Golosaayi 2:18

Asi adaghaweadaneegwa sih gil, aba giimajeekta eatteaba geaw bea ng'eanyi ea ghadoowanda malaykajeega, nea ghamiinaada aba giidaheachchteaba geaw, nea ghaghwar geaw mwadaagha aba fughareadaannyi bea saseeda,

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Mattayo 26:33

Ghwasha Betro nea gwayeeshsha niny, “Eara ghamwachmwachnyi buuneeda ak gwanung'useey heeda, aniini maydanung'useey heeda eara hay.”

Mattayo 21:29

Ghwasha nea gwayeeshsha, ‘Maydawa.’ Iiduw gwaduukkuunna ak gawa.

Mattayo 26:35

Gwayeeshsha Betro, “Eara ghoaw miyeeda emewdeayeena maydashaang'nyi eara hay.” Ghwanyaashtunu giinealanga sean.

Mattayo 16:22

Ghwaat Betro ea gameaji gwadilda ak goojuursa nea gwayeeshsha, “Mwayiinya Aseetta, Ng'uttamiida! Ng'asheesu mayghwanyasnyi.”

Yohaana 13:6

Iiduw ghwahitta heeda Simon Betro; amahit gwayeeshsha Betro niny, “Ng'uttamiida gajahuuna geeshangeasu?”

Yohaana 13:9

Hean gwayeeshsha Simon Betro, “Ng'uttamiida, adabeeda ea mii geeshangeasu gil akghwahit, eara geattingeasu ea uhuudeanyu!”