Yohaana 11:4 - NEAJEEDA EESH BEA BUUNEESSEAN

⁴ Iiy Yeesu ng'asheanji gwayeeshsha, “Geeyoani maygweadu miyeeda, gaba gigheambiitta Aseetta, miyeanji geebaysiina gideaba abeeda gajeakghambiit Balleanda Aseetta.”

Bibliyeeda Ghaydit

⁴ Iiy Yesu ng'asheanji gwayeesha, “Geeyooni maygweadu miyeeda, gaba giigheambiita ASEETA, miyeanji geebaysiina gideaba abeeda gajeakghaambiit Orjeeda ASEETA.”

Yohaana 11:4 Referans Kwoze

Yohaana 11:40

Hean gwayeeshsha Yeesu niny, “Heappi midarukuneeyi gideaba iimwasi gaydaaha gigheambiitta Aseetta?”

Yohaana 9:3

Ghwasha Yeesu nea gwayeeshsha, “Mii gideaba nisin siisi ring'eeda gil, ghana ghwaan ea ghaamwat, geebaysiina ghwadaajiit gadiyoojiga Aseetta aba niny.

1 Betro 4:14

Iisiyeattaneagwa ghuut aba gheawunga Gristo ea ng'wanaweegeagwa gil aba gideaba gurorooda gigheambiitta bea Aseetta gwanda badaydeang'wa.

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

Yohaana 17:5

asi ghamneawa, aghambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Yohaana 2:11

Gwadeagooni diitta ghayi sin Yeesu bea madeedean gil aba Gaaneeda Galilaaya nea abeeda ghwanung' eadaah gigheambittaannyi; eara ginealangaaschi hean gabiissa ghamwas niny.

1 Betro 4:11

siida wassean balool, gawuurji dea rukku ng'asheega Aseetta; nea dea wassean sin gadiyeeda, dawuurji dea sin gadiyeeda aba uurda adaw Aseetta; ak abeeda aba haleanjeessean geakghaambiit Aseetta aba naweeda Yeesu Gristo. Gigheambiitta gammiisa niny ea gheambalmeeda ea ghoaw damanda manda muudeanooda. Amin.

Filippi 1:20

ak ea gidaararji gil gideaba ghaaghuschi muuchchi ak ea maydabwaspwas earahay, ak geawoschi majeek gawuurji gideabeawoojusu ak ghamneawa gwasnu Gristo gajeesissa mureeda appadaydeanyu, inameayi ghana iduudanda.

Yohaana 17:1

Iiduw nea niihiit Yeesu rukunoodeaba ng'asheesu, gong'weersa humng'eeda ak gwayi, “Bwaabwa, nugul damanda; aghambiida Balleandaang'u, ak abeeda eara Balleanda ghoaghambiinnyi ang'iing'i,

Yohaana 9:24

Gabiikta deaba iyyeenya gaguursa siitta ghayi ng'oawiin ak gwayeeshsha, “Duumshesiina Aseetta; aseasa geanalli gideaba siisi gaba riing'a.”

Yohaana 8:54

Ghwasha Yeesu nea gwayeeshsha, “Iyaghambiichchi geaw gigheambiitteanyu ea mii gili; Bwaabwa dea aghambiidani nea dea oyeennyi Aseetteang'wa.

Ruumi 11:11

Asi ghanyaashti, Heapi nidiiy ea goobeedeayi? Manda! Aba gidinyeanda nyaawa iiduw ghwanyas fuga Emoojiga lealeanooda ea ghwashit ghaang fuga Israeeli.

Yohaana 17:10

geasu sean gaagu gil, nea gaagu ea geasu, ak geakghambiidan aba jeannyaawa.

Yohaana 12:28

Bwaabwa aghambiida ghawungaagu.” Deagheatta ghwanya ghuutta nyaasha humng'eeda nea gwayi, “Naghambiichchi, ak gaydabiikta daghambiit.”

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Yohaana 10:38

ama easinnyi earappeadi moamwasaan ghang'wana ghoamwaschi gadiyoojiga ak abeeda gojeeng'u nea ghoanalli gideaba Bwaabwa gwanda jeedeanyu nea geandi aniini jeada Bwaabwa.”